Ebrania 13:6 - Biblía Axweesantá Hhohho' ar Mungú 2004

⁶ Gawaá adoorihe atén adoorí a aleeslawaán ar haratlintaao ooaro, «Aako an alee/iisusmooeé', a da'ayumiitaaká. Hee gár i aníng i tleehhi a umós?»

Ya/abtór hho' 1977

⁶ Gawaá adoorihe atén adoorí ooaro a aleeslawaán ar haratlintaao gídaabá, “Aako an alee/iisusmooeé', a da'ayumiitaaká. Hee gár i aníng i tleehhi a umós?”

Ebrania 13:6 Iomraidhean Croise

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

1 WAAWITÁ 17:8

Eliya axweesantá AAKOÓ MUNGÚ gari axaás, i kat,

WARA'AMI 124:8

Alee/isayrén amór i dahhi a amór AAKOÓ MUNGÚ, kudá' doori nee yaamu gaa tleehh.

WARA'AMI 146:3

Geeraharuusér muu ma harahhifaara', hee mu harahhifaara' asma dír heewo ba/ama i káhh.

WARA'AMI 27:9

Mungú, ilaawók mi aníng wa lu/aar. Anuú sagadiyusmoowók mi guusaar ar buhhta. Kuúng dir'eene a alee/isusmo. Án mi geexawaar, laqaá tam mi mawaar, Mungú, kuúng a ba/amusmooeé'.

WARA'AMI 33:20

Atén AAKOÓ MUNGÚ un harahhifaán, inós an alee/isayrén nee baqmoorén adór gaamboót.

WARA'AMI 40:17

Aníng a liitlakusmo nee a heé gaa wásl, ala AAKOÓ MUNGÚ in sa daawimiit. Kuúng a alee/isusmooeé' nee gweerusmooeé'. Munguúeé', kuúng mindi tligaar!

WARA'AMI 54:4

Qaytsiít, alee/isay'eé' an Mungú, asma Aakoó Mungú inós slafíngw'eé' gun taami kón.

WARA'AMI 56:4

Ar alee/isoó Munguhe axweesantós an xirfayeés. Mungú ugwa harahhiíf, a da'ayuutaaká, hee gár i /iisi a milá?

WARA'AMI 63:7

Asma kuúng a alee/isay'eé', nee aníng an baraá/ as iwa bihhaawógií ót.

WARA'AMI 94:17

AAKOÓ MUNGÚ bira alee/isiiká, aníng geera aga qaroó /eét baraá gi'i ar gaanslaay.

TI'INAANGW 18:4

Garmoó tsár umuuwós a Elieseri, (Elieseri gídaabárós a Munguú baabuúeé' aníng ina alee/iís, ina tuú/ dír Farao wa ale).

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

ISAYA 41:14

AAKOÓ MUNGÚ i kaahi, ‹Múk Yakobo kuungá' tam tundu daqe tlakwene adór tsuua, ma da'ayumitaara'. Kuungaá múk Israeli, AAKOÓ MUNGÚ i kaahi, án kuungá' nu alee/iís. Ba/amusmoohúng an Kudá' Hhoohhoó' oo Israeli.

Matayo 10:28

Kudá' slaqwaá tsu/á' mi da'ayumitaara', asma qeeru gaasaro ngu aleeslay'aaká. Ala Mungú na da'ayumitaak, kudá' aleesleemuú koóm oo slaqwa nee qeeru ngiwa qwaareesi baraá asltá baloó gwaa'aaká.

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

Efeso 3:12

Gawaá adoorihe atén Kristo bura haratlintiaán, daqaní atén a da'ayumitanaaká Mungú i tseewuwto ar baraawós, nee tari axweesaán nee Mungú ar wayda.

DABE 33:26

Munguú adór Munguú Yeshuruni i kaahh. Inós nina gawaá doorí wa aweér uri alee/iisár áy, nee inós i gáwtá wa hi'iimiit ar xirfuuwós oo yaariír.

DABE 33:29

Kuungaá Israeli a múk amohhoó', múk adór kuungá' a gaalá? Múk taa ba/amís nee AAKOÓ MUNGÚ. Inós an gaambórhúng ar alee/isaay, nee paángarhúng ar baali. Wakuuserhúng ni dirhúng i hardát ar ilaiwa/ame, kuungá' kiri yaamuií naka/aruurá'.»

Ebrania 10:19

Gawaá adoorihe, hhaee'eé', atén a aleeslawaán tawa dahaan ar pihh'uuma ay Didá' ak Hhoohhoo' ar tseerér Yesu.

Ebrania 4:16

Gawaá adoorihe atén masók an tseewuwaán ar pihh'uuma dír kitángw Mungú, didá' tsuuqaá Mungú kiwa slay, as tíwa gurtleemuú i haniisi, nee /uuru kuwa slawaan, kudá' atén ti alee/iimiís qoomár hariima.

1 SAMUELI 23:17

Yonatan Daudi guri báy, «Ma da'ayumiitaar, baabuúeé' kuúng gár u /iisi i káhh. Kuúng múk Israeli u sawaawuti'iín, nee aníng tari waawutmoó tsár aluuwoge. Tam Saulo baabuúeé' adoorí ga xuu'.»