Ebrania 13:5 - Biblía Axweesantá Hhohho' ar Mungú 2004

⁵ Kuungá' ti harmagahhe' gawaá sla'aarír peesaaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', «Aníng kuúng u gaa wa /aaruwaaká, slám u baloó mawaaká.»

Ya/abtór hho' 1977

⁵ Kuungá' ti harmagahhe' gawaá sla'aarír peésaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', “Aníng kuúng u gaa wa /aaruwaaká, slám u baloó mawaaká.”

Ebrania 13:5 Iomraidhean Croise

IIMU/UUNGW 28:15

Aníng nee kuúng a dinkwa. Án kuúng u de'eém amór taqo keera, nee uri ki/ís baraá yaamuká'. U geexawaaká ay dír al'axweesantadá' naa oó' ngay boo/ees.»

IIMU/UUNGW 30:31

Labani iri oó', «Gár ni haniis a milá?» Yakobo iri oó', «Gaa mingi hanisaar. Aníng a kumiít muruuwók nguwa de'eem nee nguri xuúm, kuúng bira adoorí tléhh:

IIMU/UUNGW 31:5

giri báy, «Aníng aga tsaáhh adór baabuúhúng iwa gaárí xuiiká adór geeraá wa alé, ala Munguú baabuúeé' nee aníng a dinkwa.

1 WAAWITÁ 6:13

Aníng an hoót tla/ángw múk Israeli wa ale, muk'eé' kwí oo Israeli u baloó geexawaaká.»

1 WAAWITÁ 8:57

AAKOÓ MUNGÚ, Munguúrén ta dinkwa nee atén, adoodá' ira dinku'umaamiís nee baabi'iirén, atén mitiwa máy, laqaá mitiwa gunqareés.

1 QOM'I 28:20

Aluuwo waawutmo Daudi garmaawós Solomon guri báy, «Gimáy, piíhh muuna hhe'eés, gadiyeérí tleehheek, ma da'ayuumitaar laqaá ma amoqwaqwadiimar, asma AAKOÓ MUNGÚ, Munguúeé', i dinkwa nee kuúng. Inós kuúng u baloó geexayká, laqaá u baloó mayká ay dír gadiyeé sleémeero ar doó AAKOÓ MUNGÚ i hhooeer.

WARA'AMI 10:3

Tlakusmo tin xirfayeemiis as ilatleeri tidá' tlakw ar baraá muunaáwós, nee heé qahusmo AAKOÓ MUNGÚ gun /oosliislín nee gun sii'.

WARA'AMI 119:36

Sla'aarír ló' ar axweesantók baraeéní tleehhang, ta daqaari'iima ngiwa ilatleeruusa.

WARA'AMI 37:25

Iimír án tawa na/aay, nee ala hamí aga diím, ugwa ariiká heé hota ganaá' oo taa máy nee Mungú, laqaá na/aá do'ós niwa pasltár hi'imiitiya', as iwa muruú /aymár firirina'.

WARA'AMI 37:28

Asma AAKOÓ MUNGÚ sakwasleemár ganaa' ga slaa', tam mukós kudá' hhohhó' gu baseehuwiiká. Heé hota ganaá' gu de'én ay alhhe'eesay wasle. Ala xwaylár heé tlakusmo gan qwaarees.

TI'INAANGW 2:21

Mose iri ya/án iwa hooti doó heedaádá' wa ale. Heedaádá' guri dasiirós tidá' ta bay Sipora i haniís, ngiwa duuxi.

TI'INAANGW 20:17

«Doó inslaawmoowók mu ilatleerusaar. Harér inslaawmoowók ma ilatleerusaar, laqaá lawaalmoowós, laqaá lawaalo'oorós, laqaá sleerós, laqaá daqwaywós, laqaá umuúqo gár i kona.»

AXWEESANOÓ SAGALOOA 23:4

Bar sagalooa a koón miti gadiyeédár gaasaar as tawa daqaari'iitár sla'.

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

ISAYA 41:17

Múk narkuute nee oo gaa wásl bir ma'aá leelehhiitiyá', ma'aay i kahhiyá' waxeero hhehhuuín birna kahiyé'. Aníng AAKOÓ MUNGÚ i mu/aywaáts, Anuú Munguú Israeli i geexawaaká.

ISAYA 42:16

Aníng múk taampu un geerahaár ar loohír i baloó xuiaaká. Inooín in geerahaár baraá loohír ni xuiaaká, Giwtír geeraaín an warqeés tawa gwa/aateema, yaamaá wa/eeraá koomá' in tlapu tleéhh. Adoorí an adór ni tleehh. Nee án inooín i geexawaaká.

YEREMIA 6:13

Inooín sleémeero iimír na/aá ninákw wa tleemu ay múk urén slaasláwár ganaa'aaká ngi tawo slaiyá'. Tam aaruuse nee kaahamuusero umuú heewo gaa a lama gan tlaaq.

ESEKIELI 33:31

Nina dír geeraawók i hardihiyé' adór múk wa ale, nee nina dír geerawók i iwiitiyé' adór muk'eé', axweesantók ngiri axaasiyé', ala naa iialooeesi'iiká. Barta axwees i sla'aarír koná', ala muner'ín i baraá slaasláw leelehhit.

Matayo 6:19

«Daqaari'iimarhúng ma baraá yaamií qamiimara', didár babi nee kútu ngiwa hhitina', nee didá' fisuuse ngiwa hara dat gari fís.

Matayo 6:25

«Gawaá adoorihe, án a kah, ma daawimitaara' as slafingwhúng, tawa kata', ‹Ma /ayaán nee ma wahaán?› Laqaá slaqoohunge, tawa kata', ‹Ma tsiitaán?› Asma slafiingw a gár afhhamíteéke ta muruú /aymaaro? Nee slaqwa a gár afhhamíteéke ta tsitaywo?

Matayo 6:34

Gawaá adoorihe muruú matlo mu sadaawimitaara', asma ar matlo looarós ngisa tleér. Umuúqo baalaaro i daawiitimeerós koón ar bu'uut.»

Marko 7:22

nee iwa tsaatusmo tleehhiti, nee iwa qahusmo tleehhiti, nee iwa muruú tlákw tlehhiiti, nee iwa al/agin, nee iwa heé mure wásl tleehhiti, nee iwa iltá tlaákw ar xumiisi, nee iwa daanduú heé kaantin, nee iwa daara/an nee iwa daktu'uuti.

Luka 3:14

Askaári sleeme guri yaahás, iri ó', «Atén sleeme, adór ta laqaan?» Giri báy, «Hee mu hara/untsimaara', laqaá mu sakwasleemuutara' ar lama. Bu'utuuhúng ar bu'uutaak.»

Luka 8:14

Kudá' paahh baraá laqaya', an slaqsoó mukdá' gaa axaas, baraá hotaaine kiri tliíq nee daawitame nee daqaari'iima nee qwal/amaayér slafíngw baraá yaamu, axweesantadá' mamuuwós gay hamaaresiká.

Rumi 1:29

Inooín tari haáts daa'aweemaá tlakweemaawo, ilatleerír peésa, nee hheehha nee tsaatu'uuma. Tari haáts da/ito, nee tsu/uta nee gila, nee al/ayma nee fola. Tari kaantín,

1 Korinto 5:11

Ala aníng gár naa gooiím a tí, ma dinku'uumisaara' nee heé ta babay Krishaanmo, ala laatí inós a fuqusmo, laqaá qahusmo, laqaá heé munguaá hatlá' haratlintaatií', nee laqaá heé múk /ooslisliím, laqaá oonitusmo, laqaá fisusmo. Ala heé adoorí mu ya/aamara' tam tawa al/ayiinda' nee inós.

1 Korinto 6:10

nee tam fisuuse, laqaá qahuuse, laqaá ooniituuse, laqaá múk /ooslisliím nee laqaá múk aa dee/aanuut.

2 korinto 4:9

Atén ti slahh'eemiis, ala taa hhaamisiiká, nee slám taa yaamií daraáhh, ala taa tsu/iiká.

Efeso 5:3

Ala tsaatu'uuma nee slasla/areemaá dimbadimbé, nee ilatleeri, muruuwí mukuwa baloó oó' dirhunge, as kuungá' tawa múk hhohhó' oo Mungú.

Efeso 5:5

Kuungá' /aymuuwí u xu'uti hhe'esá', adór heé tsaatusmo waawuti'iimár Kristo nee Mungú ngir baloó aaliiká, laqaá tam heé slafiingós slasla/arén, laqaá tam heé ilatleerusmo sleeme, asma inós i munguaá hatlá' kón.

DABE 31:6

Kuungá' /atlé', nee munehhe'eesé'. Mada'ayumiitaara', laqaá munduwa dae tlaaqiyé'. Asma AAKOÓ MUNGÚ, Munguúhúng nee kuungá' tin alkoondá', inós i surukiiká dirhunge nee nu geexayká.»

DABE 31:8

AAKOÓ MUNGÚ kuungá' nun geerahaar. Inós nee kuungá' a dinkwa. Inós i surukiiká dirhunge, laqaá nu geexayká. Mada'ayumiitaara', laqaá ma amoqwaqwadimara'.»

DABE 4:31

Asma AAKOÓ MUNGÚ, Munguúhúng, an Munguú gurtleemuú koóm. Inós kuungá' nu si'iiká, nu hhaamisiiká, laqaá alqadoorós ga gunqaresiiká, tidá' aa lo'ór wa /aáy dír bariiserhúng.

Kolosai 3:5

Gawaá adoorihe kuungá' ilatleerír slaqwa gaasaak, dinkwa nee tlehhmi'iiwós sleémeero, adór tsaatu'uuma nee slasla/aareema, nee ilatleerír tlakw nee inslawoó tlákw, nee da/i. Asma heé da/itá koóm, a heé munguaá hatlá' haratlintatií'.

1 Timoteo 3:3

Inós masók a heé ooniitusmoowooká, heé xaraslaaká, masók a heé tsá', masók a heé kaanganusmowooká, slám masók a heé peésár ilatleerusaaká.

YOSHUA 1:5

Hee tumu wák i kaahh oo kuúng u tlampa'aás baraá deelór hotaawók sleémeero. Aníng nee kuúng a dinkwa, adoodá' aníng nee Mose tara dinku'uusaán daqisleém, kuúng gár uwa /aaruw i káhh, nee u geexawaaká.

YOSHUA 7:21

Tlawuuko wák oo hhoohhoó', oo Shinárír daáhh una ár baraá tla/ángw haasaáng wa ale, nee muqslír /awaak ar ta tlehhahhiti ar peésa ar har afiqoomoó kílo tsár, nee hhartá niina ar taa tleéhh ar sahaábu, iilooeemaawós a har afiqoomár tlaqtá kílo, muruuwí nguri waatlakweés, nguri ar tláw, nguri luú/ baraá guruú xaftaeé', nguri yaamií foól, slám peésa i baraá guruudií dirí'.»

2 Petro 2:14

Inooín ilaaín in tawo waseeliná' ilatleerir tsaatu'uumaro, slám i hhe'eesiaaká tlakweemaawo. Nee múk tununuú/ baraá haratlintaaooro ngun qwaareemisiyá'. Inooín a múk ló'wa peésár slaá'. Gawaá adoorihe inooín kaa lu'ús nee Mungú.

2 Petro 2:3

Inooín ta haats ilatleerír peesaaro. Lameemá tawo kin tawó tlaaq as peésa ngiwa slaya' dirhúng wa ale. Ala iimír aange sakwasleemar'ín kaa qaroó tsaát, nee inooín amór i kaya' a baraá qwanaay.

Yuda 1:11

Mukwí a tsaxwaaín. Asma inooín loohír Kaini kana eehár. Tari /eét baraá dakuúsadár Bala'amu, as tawa bu'utuú slai, inooín tari qwaár baraá dee/aanuú adór kuduú Kora.

1 SAMUELI 10:7

Qoomár slaqsi'iiká' bira aán, adór ta aleesleer ka tléhh ar ta sla', asma Mungú i dinkwa nee kuúng.

1 SAMUELI 12:22

AAKOÓ MUNGÚ mukós gu geexayká as ilaiwa/amér umuuwós kudá' iia tleér, asma AAKOÓ MUNGÚ adoorí guna sla'atís ar kuungá' nuwa mukósuú kilá' tleehhi.