Ebrania 13:18 - Biblía Axweesantá Hhohho' ar Mungú 2004

¹⁸ Kuungá' kumiité' atén tiwa aleefiriiriinda'. Atén a xuaán adór munér hho' kar koomaán. Asma atén gár ta sla'aan a tidá' ganaa' kawa tleehhaan umuúqo deelooro.

Ya/abtór hho' 1977

¹⁸ Kuungá' kumiité' atén tiwa aleefiriiriinda'. Atén a xuaán gídaabá atén munér hho' a koomaán. Asma atén gár ta sla'aan a tidá' ganaa' kawa tleehhaan umuúqo deelooro.

Ebrania 13:18 Iomraidhean Croise

Tlehhema'aá ya/Abuuse 23:1

Paulo múk kwasleema guri ilií duxún iri oó', «Hhaee'eé', aníng muunuú hhoohhoó' una ar hoót geeraá Munguhe ay laarí.»

Tlehhema'aá ya/Abuuse 24:16

Gawaá adoorihe muunaáeé' un harmagagaáhh daqisleém, as kahhó' ku hhoohhoó' geeraá Munguhe nee geeraá muko.

Rumi 12:17

Tlakweema mi kuqár bu'uumara'. Ala tidá' hho' na tleehhaak dír geeraá muu sleémeerowo.

Rumi 13:13

Atén masók an hootaán ar ilaiwa/ame ar adoodá' hotaá tlatla/aangw kiwa hariím. Ala mawa hootaán ar hheehha nee xufta, laqaá ar tsaatu'uuma nee ar slafíngw slasla/arén. Nee slám mawa hootaán ar gila nee da/i.

Rumi 15:30

Hhaee'eé', án kuungá' nu firiím ar baraá Aakoorén Yesu Kristo, nee ar sla'aaridá' amór Qeeruú hhoohhoó' oo Mungú daahh, ilakaahara tleehhaak dinkwa nee aníng iwa aleefiriiriinda' dír geeraá Munguhe.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

Filipi 4:8

Alhhe'eesaywo, hhaee'eé', muruú kuungá' tunduwa hariím inslaslaango a kwí, muruudá' sleémeero oo ló', nee kudá' ilaiwa/amér koóm, muruudá' sleémeero oo gan'amuú koóm, nee kudá' hhohhó', slám muruudá' sleémeero oo sla'atimís nee oo hhooeemaá koóm, nee tlehhemi'iidá' sleémeero awa hhohho' nee awa xirfuú wa hariimá'.

Kolosai 4:3

Atén sleeme ti aleefiriiriinde' as Mungú pa/aangw nguwa haniisi, oo ya/abtoorós ar lu/aaroó Kristo kawa alki/iitaan. Lu/aaráywí an kudá' aníng tisa tseék.

1 Tesalonike 4:12

Gawaá adoorihe daqaní kuungá' tundu ilaiwawaa/ nee múk xoordu, nee umuúqo heewo u diitsakwaár ar eera'aaká.

1 Tesalonike 5:25

Hháe, atén ti aleefiriiriinde'.

2 Tesalonike 3:1

Alhhe'eesaywo, hháe, atén ti aleefiriiriinde'. Firiirimé' as axweesantá Aako iwa geerií hi'it ar gaanslaay, nee kawa ilaoohi ar ilaiwa/ame ar adoodá' kuungá' kara ilaoté'.

1 Timoteo 1:5

Gár hara'ayaarí ngisa oó', masók sla'aari i doogigiín, tidá' baraá muunuú hhoohhoó' daahh, nee afór hho' ar baraá muuná, nee haratlintaaór waaqoodár koomaaká.

1 Petro 2:12

Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.

1 Petro 3:16

Ala adoorí tleehhaak ar tsatsa'areema nee ilaiwa/ame, munerhúng masók ka hhohho'. As kahhó' mukdá' kuungá' nu daanda kaantiím as slafingwhúng oo Krishaanu'uuma, kiwa mureekeesi.

1 Petro 3:21

Ma'aydá' a slaqsoó baatiísmo, kudá' kuungá' nu ba/amiimís de'emakaákae. Baatiísmo a slasla/aruú slaqwa gun hingeemiisiiká, ala baatiísmo a hee Mungú gun firiirín as muunuú hhoó' nguwa slay, ar /uuruú waasle/uú Yesu Kristo.