Ebrania 13:17 - Biblía Axweesantá Hhohho' ar Mungú 2004

¹⁷ Kuungá' geeraharuuserhúng ilaiwawa/aak, nee adoodá' inooín ta kaahi tlehhiitaak. Asma inooín munerhúng ngin ga/aayá' xweera nee tlaatla/aango. Asma faarór gadiyér'ín ngi ooiyá' dír Mungú i alé. Kuungá' bar iga ilaiwawa/é', inooín daqaní gadiyér'ín ngi tleehhiyá' ar qwala/, ala ar gurhaamirooká. Ala barnaxes kan tleehh ar gurhaami gadiyér'ín daqaní gár dirhunge i bu' i káhh.

Ya/abtór hho' 1977

¹⁷ Kuungá' geeraharuuserhúng ilaiwawa/aak, nee adoodá' inooín ta kaahi tlehhiitaak. Asma inooín munerhúng ngin ga/aayá' xweera nee tlaatla/aango. Asma faarór gadiyér'ín ngi ooiyá' dír Mungú i alé. Kuungá' bar iga ilaiwawa/é', inooín daqaní gadiyér'ín ngi tleehhiyá' ar qwala/, ala ar gurhaamirooká. Ala barnaxes kan tleehh ar gurhaami gadiyér'ín daqaní gár dirhunge i bu' i káhh.

Ebrania 13:17 Iomraidhean Croise

IIMU/UUNGW 16:9

Malaykamoó AAKOÓ MUNGÚ gari báy, «Kií/ amór aamaarók, nee aamaarók ilaiwawa/eek nee sagadiyuseek.»

TI'INAANGW 32:31

Naagáy Mose iri kií/ amór AAKOÓ MUNGÚ, iri oó', «Aga gurhaamuút! Mukwí tlakweemaá ur gaa tleéhh, taa kilooín munguú sahaábu i tleehhiyé'.

AXWEESANOÓ SAGALOOA 5:13

Afór mukdá' aníng iga intsaahhatimis masa iialoeesiiká, tam kudá' aníng iga iia' /utliye' isa iiárií qaasiiká.

ISAYA 62:6

«Aá Yerusalemu, aníng xuumuuse aga qaás gawaá koo/irók, tlaatla/aangw nee xweeraawo i baloó xasliitiaaká.» Kuungaásingá' AAKOÓ MUNGÚ inslawtimisá' ma baloó lakiitara'.

YEREMIA 13:17

Ala barnaxes aga axasi'iiká, aníng an baraá gurií /aá/, asma daara/angwhúng, ilaaeé' nin /aa/iyá' nee hhirhheerieé' niri baráy gororoxotiyá', asma múk AAKOÓ MUNGÚ kwa loohatís.

ESEKIELI 33:2

«Heewí, axweés nee múk yaamuuká' ki beer, Barnaxes aníng slaqwara ngaa huúw baraá yaamuwo, nee múk yaamuudá' heeín oo wák kuri qaás xuumusmooín wa alé.

Luka 16:2

Guri ateét guri báy, ‹Kaangwí muu i kaahi daanduuwoge a umós? Xáda, faarór muruueé' sleémeero diirí laqaamang. Asma kuúng a sangw kumitaká gadiyeésinge.›

Tlehhema'aá ya/Abuuse 20:28

Kuungá' kilá' munerhúng harmagahhaak, nee kríshaanáydá' sleémeero, kudá' Qeeruú hhoohhoó' oo Mungú kuungá' nuwa qaás tawa xuumuuser'ín. As múk Aako kuwa de'eenda', kudá' inós aa tlaáxw ar tseereerós ar kilá'.

Rumi 14:12

Gawaá adoorihe umuúqo heewo baraá tla/angwrene kángw slafiingós gu dír geeraá Mungú i alki/iit.

1 Korinto 16:16

Kuungá' geeraharu'uumár múk adór kwí naa eeharaak, nee ar umuúqo heewo oo gadiyér tleéhh nee oo ti daawiitimiís dinkwa nee inooín.

Efeso 5:21

Kuungá' kiloohúng ti ilaiwawa/e' as adoodá' Kristo kur ilaiwawa/a'.

Filipi 1:4

Qoomár barnaxes a firiiriím, án kuungá' sleémeero nun aleefiraariím ar qwala/.

Filipi 2:12

Sla'aaruuser'eé', án qoomár niwa dirhúng i dirii', kuungá' axweesante'eé' ana iialooeemisé' umuúqo daqto, ala a qoomár aníng niwa dawaaká kilós. Gawaá adoorihe gadiyuusé' ar dae nee daaraxaay, as ba/amarhúng kawa boo/esa'.

Filipi 2:16

asma kuungá' Ya/abtór hho' ar slafiingw an alki/itá' dir'ín i alé. Gawaá adoorihe kuungá' a xirfuueé' bál deeloodár Kristoowo, asma aníng aga tawó ti'ii'imiiká, laqaá aga tawó daawiimitiiká gadiyeede.

Filipi 2:29

Gawaá adoorihe, inós ilaoohaak ar qwal/uú yaariír, adór hhiyoó baraá Aako. Múk adór inós ilaiwawa/aak.

Filipi 3:18

Asma án kaangwí ngwa qaroó oó' geerií ale daqtá yaariire, ala hám daxta ngun malé inkií/ ooaro ar hhirhheeri, asma múk yaariír adór ir hooti a adór wakuusér gwa'arár Kristo ar gawaá msalaába.

Filipi 4:1

Gawaá adoorihe, hhaee'eé' awa sla'aaruúse, án kuungá' nun ló'wa inslasláw. Kuungá' a qwal/uueé' nee slamángw arba/ati, daxta sihhtano hhe'eesé' baraá Aakoowo.

2 Tesalonike 3:14

Heé axweesanoó baraá barwaárí gwa sii', heé adoorí ga/aawaak, ma aldinku'uusara' nee inós as dakuúsarós ngiwa tsaahhi.

1 Timoteo 5:17

Bariisér gadiyér'ín ar geeraharu'uuma ga tleehh ar adoodá' qoom ki ló'wa ilaiwawa/i, ak alé tidá' ti daawiitimis ar muu kuwa axweesantá Mungú i alki/iiti nee kuwa intsaahhatimisi.

Ebrania 13:24

Geeraharuuserhúng sleémeero intsihhiisaak, dinkwa nee múk hhohhó' oo Mungú sleémeero. Hhaeedaádá' yaamaá Italiár dahhá' kuungá' nu intsihhiimisiyá'.

Ebrania 13:7

Kuungá' geeraharuuserhúng inslawaak, tidá' axweesantá Mungú ngaa dirhúng i alki/it. Slafingw'ín kuungá' inslawaak adór inooín tara hoót, nee adór tara qaátl, haratlintaaor'ín na eeharaak.

Yakobo 4:7

Gawaá adoorihe Mungú ilaiwawa/aak, Neetlaangw na siaak, nee inós kuungá' nuqo ilagoow.

1 Petro 5:5

Kuungá' masoómba sleeme, iialooemisé' dír múk urene. Kuungá' sleémeero niinaweema ya/aamaak, as tiwa kiloohúng sagadiyusa'. Asma kaa gooín, «Mungú múk daara/aám gu sii', ala mukdá' ti niinaweemiís gu gurtláy.»

1 SAMUELI 8:19

Ala mukdá' afór Samueli kawa iiarií qaasi kana sií', tari oó', «Xáw xeer, atén gár ta sla'aan a waawutmoó atén ti sawaawuti'iím,