Ebrania 12:3 - Biblía Axweesantá Hhohho' ar Mungú 2004

³ Kuungá' inós inslawaak, adór inós tlaampa'amisuú xaraásl oo múk tlakuuse ngura sa qiqtlín. Gawaá adoorihe kuungá' ma slaaqataara' nee ma mune siaara'.

Ya/abtór hho' 1977

³ Kuungá' inós inslawaak, adór inós tlaampa'amisuú xaraásl oo múk tlakuuse ngura sa qiqtlín. Gawaá adoorihe kuungá' ma slaaqataara' nee ma mune siaara'.

Ebrania 12:3 Iomraidhean Croise

AXWEESANOÓ SAGALOOA 24:10

Bara munee sí' qoomár slahh'amko, daqadá' kuúng tu daqa tlaákw ló'wa alé.

ISAYA 50:4

Aakoó MUNGÚ aníng iga intsaahhatís axweesantá qooma as múk a diqay tsatmiit nguwa /uurií haniís. Umuú matlaatleero in tleemiis as nguwa iiaárií qaas gawaá tidá' iwa intsaahhatimisi.

Matayo 11:19

Garmoó Hee nina hardáh i /ayín nee i wahán, tari oó', ‹Kwí a hheehhusmo, nee xuufiitusmo, mulqumoó ohomuusér koódi nee múk tlakuuse.› Ala sagalooár Mungú adór tar ló' kingina laqán nee tlehhemi'iiwós.»

Matayo 12:24

Ala múk Farisayo adoodá' ngiwa axaás tari oó', «Kwí bir neetlaamér duxun, gár ngir duxun a /uuruú Neetlángw úr kudá' ta bay Be'elsebuli.»

Matayo 15:2

«Ahaá baré eeharuuseerók uunuú múk urén gi iialooeemiská. Asma daba' ki hamtlitiiká qoomár barta /ayín.»

Matayo 21:23

Yesu iri dáh baraá Doó Mungú. Kaahamuusér uren ar Mungú nee bariisér múk Yahudi Yesu kuri i daqáy qoomár iwa intsaahhatimisi, kuri báy, «Muruuwí aleesleemuú kur tlehhit a gaalá? Nee heé aleesleemuuwí ngwa kuúng i haniis a heemá?»

Matayo 21:46

Gawaá adoorihe Yesu kuna loohi leelehhiít ar kur oohi, ala boo/oó muu kuri da'ayuút, asma Yesu muu gwaa tsaáhh adór tar aarusmo.

Matayo 22:15

Aluuwo múk Farisayo iri tláy, tari al'axweés adór Yesu kur oohi ar /aymi'iiwós.

Luka 14:1

Looarka wake Yesu ina /aymár áy dír doó heeko úr oo múk Farisayo, baalaadá' a deelór Sabaáto. Muu gu hara gigidín.

Luka 15:2

Múk Farisayo nee intsaahhatuusér hara'ayár Mose tay qununuú/ ta kaahi, «Heewí mis tlakuusér dahi'iimis, slám nee inooín i al/ayiná'.»

Luka 16:14

Mukduú Farisayo tidá' Yesu aa oó' sleémeero ngiwa axaasiyé', kuna niqín, asma inooín tawa kudá' peésár sla'á' ló'wa ale.

Luka 2:34

Simeon giri tsuúq, Maria aayír na/aay gari báy, «Ga/aaweegáy, kwí kwa qaás asma awa yaariir niwa huuiya', nee kuqá' niwa sihhiitiya', baraá múk Israeliwo, nee iwa laya tleehhiti ar tar kaangaanuusi,

Luka 5:21

Intsaahhatuusér hara'ayár Mose nee múk Farisayowo tiri yaahamiisiyé' ta kaahi, «A heemá heewí /aymi'iiká' gi káh, awa Mungú /ooslisliingw? Heé tlakweema gurtleemuuwo gi aleesláw a heemá, a har Mungú kilosekáhe?»

Yohana 10:20

Awa yaariir bahh'alé tari oín, «Heewí i neetlaamér kón, slám a slarhhamá. Ahaá, mus iiárií qamiindá'?»

Yohana 18:22

Yesu adoorí ooaro ngiwa hhe'eés, xuumusmooko wák oo didá' wa sihhmiít, Yesu guri tlaaqarmo slaáhh, iri oó', «Kaahamusmoó úr oo Mungú mus qítl adoosíng beemuuwo?»

Yohana 5:16

Gawaá adoorihe múk Yahudi Yesu kuri iimu/ún slahh'eemisuuwo, asma adoodá' aa tleéhh bál deelór Sabaátoro.

Yohana 7:12

Múk yaariír iri qununuú/ baraá boo/aydae daanduú Yesuwo. Bahh'alé tari oó', «A heé hhoó'.» Bahh'alé ta kaahi, «Aasla'áy, in múk al/agín.»

Yohana 8:13

Múk Farisayo iri oó', «Kuúng tin kilók lamabu'uún. Lamabu'uungók oo loeeká.»

Yohana 8:52

Múk Yahudi iri oó', «Daxta aga tsaahhaán adór kuúng tar neetlaamér koón. Abrahamu aa gwaá', aaruuse aa qátl, ala kuúng a kat, ‹Hee bar axweesante'eé' gaa óh, i baloó gwaaiiká.›

Yohana 8:59

Inooín tlaa/e kiri sleemiís as kuwa tlaquuti. Ala Yesu iri nahhaát, iri ti'iít baraá Doó Munguhe.

Yohana 9:40

Múk Farisayo bahh'alé, oo didaádií dirií', adoodá' kawa axaás, tari oó', «Ahaá, atén sleeme a taampúwo?»

1 Korinto 15:58

Gawaá adoorihe, hhaee'eé' awa sla'aaruúse, kuungá' gawduwé', ma daaraaxaatara', kumiité' ló'wa alé baraá gadiyér Aakoowo umuúqo daqto. Asma kuungá' a xuá' baraá Aakoowo gadiyérhúng tidá' ta tlehhahhita' a taworooká.

2 korinto 4:1

Gadiyeérí atén ta tleehhaan Mungú ngina atén i haniís as gurtleemuuwós. Gawaá adoorihe atén a mune siaanaaká.

2 korinto 4:16

Gawaá adoorihe atén a mune siaanaaká. Asma slaqoorén i hhitirumitiyá', ala tam adoorihe atén ti /abeemií ki/imis baraá muneerene umuúqo deelooro.

Galatia 6:9

Mawa slaaqataán hhooeema tlehhtuuwo. Bar aga mune sianiiká, bu'uungw u slawaán qooma bira xeér.

DABE 20:3

ngi bay, ‹Xoorór Israeli, iia qaasaak! Kuungá' laarí slaqwara a tsaxwaá kawa iimu/uunda' nee wakuuserhúng. Gimsé' ma mune siaara', laqaá mada'ayumiitaara', laqaá ma daaraaxara', ma kwislmiitara'.

2 Tesalonike 3:13

Ala kuungá' hháe, ma baloó slaaqataara' tidá' ganaa' kawa tlehha'.

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.

Ebrania 12:5

Ahaá, axweesantadár Mungú ar gurkwa/amisuú koom, kuungá' aga gunqaresí'i, tidá' tinda amorhúng i gooín as kuungá' tawa na/iiwós, axweesantadá' kah, «Garmaaeé', muxtár Aako ma waaqa'aar, nee slám ma mune siaar burtu iigahhamiit nee inós.

Ebrania 3:1

Hhaee'eé', kuungá' awa hhohho', kuungá' sleeme tunda ateét nee Mungú. Yesu ga/aawaak. Inós an ya/abusmo nee an kaahamusmoó úr oo Mungú oo haratlintaaoodá' ta lamabu'uumaan.

1 Petro 2:23

Inós qoomár kuwa /ooslislín, /ooslima gaa tiqár buiiká. Qoomár kuwa slahh'eemiís, mukdá' gwa slahh'eemiis gwa dae tsatiiká, ala tiri qaás gawaá dabaá Mungú, kudá' sakwasleemár ganaa' ga tleéhh.

Geehhoeemaá 2:3

Slám kuúng ana qiqtliín nee slahha'amaayér yaariir ana slaasleér as aníng, slám aga slaaqatká.

1 SAMUELI 12:24

AAKOÓ MUNGÚ kilós na ilaiwa/aak kuwa sagadiyusa' ar inkihhimu, nee ar munerhúng sleémeero, inslawimé', adór nura muruú urén i tleéhh.