Ebrania 12:25 - Biblía Axweesantá Hhohho' ar Mungú 2004

²⁵ Ala qaytsité', Yésuudá' nee kuungá' axweesá' mu siaara'. Asma mukdá' Mungú gwa sii' iiárií qaasaro, qoomár iwa axweés baraá yaamu ar afór Mose, mukdá' aa ba/anká. Ala atén adór tar ba/aman a adoomá, barnaxes kudá' gawaá doorí wa axweés ugwa siaán?

Ya/abtór hho' 1977

²⁵ Ala qaytsité', Yesudá' nee kuungá' axweés mu siaara'. Mukdá' Mungú gwa sii' iiár i qaasaro, qoomár iwa axweés baraá yaamu ar afór Musa, mukdá' aa ba/anká. Ala atén adór tar ba/aman a adoomá, atén barnaxes inós ugwa siaán, kudá' gawaá doorí wa axweés?

Ebrania 12:25 Iomraidhean Croise

1 WAAWITÁ 12:16

Ala muu sleémeero oo Israeli ngiwa axaás adór waawutmo ngira gaárí xuiiká, ngway bayé', «Atén nee doó Daudi alqaati a koomanaaká, gár ta koomaan dír garmoó Yesewo i káhh. Kuungá' múk Israeli, umuú heewo i watli amór do'ós i ale. Kuúng Daudi, do'ók kilók amohhe'emiseek.» Naagáy múk Israeli iri waátl sleémeero amór maray'íní ale.

2 QOM'I 7:19

Ala barnaxés kuungá' aníng iga geexeeré', kaahir'eé' kari sié' nee hara'ayar'eene, nee munguaá hatlá' kiri sluufmisuú eeré',

TI'INAANGW 16:29

Ga/aawaak, AAKOÓ MUNGÚ deelór Sabaátó ngina haniís. An gár bál lahhooe muruú /ayma kungusa tlahhás ay deelo tsár. Gimsé', umuú heewo i hungu/uusi dír do'ós i alé, hee miwa hi'iitanór áy bál faanqwe.»

TI'INAANGW 20:22

AAKOÓ MUNGÚ Mose guri báy, «Xoorór Israeli ka beer, ‹Kuungaá kilá' aga axasé' aníng niwa dirhúng i axweés iimír gawaá doorí wa alé.

AXWEESANOÓ SAGALOOA 1:24

Án kuungá' nuna ateetiím ooimaro tari sié'. Nuri dabár ateetiím sleeme, ala heé qaytsimiít i kaahh.

AXWEESANOÓ SAGALOOA 1:32

Asma muu bira sií' baraá iimibo/ár wa alé an gár gi tsuu/, nee daktana bar daktu'uumar'ín ngaa algeemayé' gi hhaamís.

AXWEESANOÓ SAGALOOA 13:18

Heé intsaahhatisa ga sla'aaká kun oh nee narakw nee waasla'amu, Ala heé gurbu'uungw gu alqaytsimiít ku ilaiwawaa/.

AXWEESANOÓ SAGALOOA 15:32

Heé gurbu'utá waaqaqaá' tin kilós waaqaqaa', Ala heé gurbu'úngw axamiís tsaahha ga sláy.

AXWEESANOÓ SAGALOOA 8:33

Intsaahhatisar'eé' axaasaak, as sagalooa kawa sleera', slám ma waaqa'aara'.

ISAYA 48:6

Muruudá' naa geerií axweés, sleémeero araak daxta. Daxta u malé alki/ita'aakáhe? Ala iimír hamí kuungá' muruú /abén u axasá' kudá' taa luú/ kuúng ta baloó xu'ká.

ISAYA 64:9

Aá AAKOÓ MUNGÚ, kuúng ma ló'wa buhhaar, nee tlakweemaarén mi inslaslawaar ay daqisleém. Ga/aaweek, tí aldakweek, atén sleémeero a mukók.

YEREMIA 11:10

Inooín tlehhmi'idá' tlakw awa baabi'ii'ín ngina i ki/iyé' tlehhtuuwo, kudá' axweesante'eé' nga si'iye' eeharto. Inooín munguaá hatlá' ngina harahhifiyé' nee ngina sagadiyusiyé'. Múk Israeli nee oo Yuda alqadoodá' aníng naa oó' dír baabi'ii'ín ngaa geexayé'.»

ESEKIELI 5:6

Ala yaamuloouuser'ín hara'ayar'eé' nga si'iyé', tari ló'wa tlakúy ta xoorduuká' yaamuuká nga harweeri'i. Eeít, hara'ayar'eé' nga si'iyé', nee adoodá' aníng ngir gan'aamiis ngina geexayé'.

SEKARIA 7:11

«Ala inooín axaasaro nina si'iyé', iri alaá xu'usiyé', iaaín ngiri tuuntukiyé' as mindiwa gaa axaasiyé'.

FAARO 32:15

Barnaxes aga sié' inós eeharto, inós kuungá' nun baraá xaanxaywí geexáy. Mukwí sleémeero kuri hhaamisá'.»

Matayo 17:5

Qoomár tawa axweesi, huunkír /awaak gina mahhtír i tléhh. Afo nina baraá huunkidá' wa ilawáts i kat, «Kwí a Garmaaeé', sla'aarusmooeé' oo aníng iga qwal/atis. Inós iiárií qaasaak.»

Matayo 8:4

Yesu guri báy, «Ga/aaweek, tí ma heé bawaar, ala tláw, ti laqaan dír kaahamusmoó Mungú. Muruudá' Mose aa hara'ayín haniiseek, as kahhó' inooín adór kuúng tara hungú/ ngiwa ariya'.»

Tlehhema'aá ya/Abuuse 7:35

«Mosewí an kudá' taa sií' qoomár kuwa babáy, ‹Heé kuúng ugwa qaas a heemá tawa geeraharusmo nee tawa har'ohusmoorén.› Ala inós an kudá' Mungú aa ya/aáw sleeme, as tawa geeraharusmo nee tawa heé muu gu tuú/. Qoomár Mungú tiwa dirósí geehhooeés ar loohír malaykamo dír kitkiintiro, malaykamoowí an kudá' inós gu alee/iís.

DABE 18:19

Heé axweesantá aarusmoowí aa axwees ar umuueé' gaa waaqaa', anuú kilá' un sakwasleemuút.

DABE 30:17

Ala barnaxes kuungá' munerhúng aa warqeér tari iiawaslesé', tunduri afa /aásl munguaá hatlá' kiwa sluufmisuú eera', nee kiwa sagadiyusa',

DABE 4:36

Afoorós ana axasé' gawaá doorí ale as kuungá' nuwa intsaahhatisi. Baraakaá yaamuwo kuungá' asltá ur kawa aanda' nee axweesantós dír tla/ángw asltadá' wa ale.

1 Tesalonike 5:15

Ga/aawaak, umuúqo heewo dirhunge magoót mingiwa buú', ala umuúqo daqto ti hhooeemaá i tlehhite' kuungá' kiloohúng nee dír muu sleémeerowo.

2 Timoteo 4:4

Inooín looeema kiri sii' axamisuuwo, nee tiitár lama kari i warqáy.

Ebrania 1:1

Mungú aáng aa axweés dír baabi'iirén ar afér aaruuse ki/imaá yaariire nee slám ar adór dimbadimbé.

Ebrania 11:7

Noa a heé haratlintaaór koóm. Inós kuna gurbuú' nee Mungú daanduú muruú hardáh oo geetlaákw qoomaadae. Adoodá' Mungú aa oó' gari ilaiwawaá/, miringamo guri tleéhh as múk do'ós nguwa ba/amisi. Múk aa haratlintii'iiká kuna sakwasleemuút as haratlintaaoorós. Inós gan'amu guri sláy as haratlintaaoorós.

Ebrania 12:19

nee slám afór tarumbeéta, nee afór axwees. Tam mukdá' axamiís iri firín as afoodá' mindiwa malé ilawáts amor'ínií alé.

Ebrania 3:12

Hhaee'eé', ti harmagahhe'. Tam heé wák baraá tla/angwhunge miwa deeruút oo muuná tlaákw nee oo haratlintaao wásl, tam iri qwaar as Munguúdá' slaáf nguwa geexáy.

Ebrania 3:17

Mungú múk aa i buhhabuúhh kureeraá mibeeraá tsiyahhe a ín heemá? A kudá' tlakweema gaa tleéhhiíke, kudá' aa qaatl baraá xaanxáy i alé.

Ebrania 8:5

Inooín gadiyeé ngin tleehhiyá'. Gadiyér'ín tidá' an adór slaqsaay nee hhaantamo oo muruú gawaá doori. Gawaá adoorihe inooín an adór Mose. Asma Mose heéma ngiwa tleehhamór wa slaá', Mungú guna báy, «Ga/aaweek, umuúqo gaaro tleehheek ar adór slaqsaydá' tinda kuúngií laqán gawaá tloomár wa ale.»

YOSHUA 22:15

Niwa hardihiyé' dír tlahhi'iidaá Israeli awa yaamaá Gileadi, tlahhoó Reubeni nee oo Gadi nee tlaqtá tlahhoó Manasewo, ngiri bayé',

YOSHUA 22:16

«Alqaati sleémeero ar múk AAKOÓ MUNGÚ i kat, ‹Ahaá gár tlaakw ar adór tí masa tlehhé' dír Munguú Israeli? Kuungá' laarí masa dee/aanuté', AAKOÓ MUNGÚ kway meeré' eeharto, as kitangwhúng oo ilahhooa kawa hanmiisi kuwa tlehhé'. Adoorihe kuungá' aga dee/anuti'iikáhe, AAKOÓ MUNGÚ kway meeré' eeharto?

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.

Geehhoeemaá 19:10

Aníng niri tumbarara'aát dír ya'aawós i alé as inós nguwa sluufmiis. Ala inós aníng iri báy, «Adoosíng ma tlehhiitaar. Asma aníng sleeme a sagadiyusmo dinkwa nee kuúng nee hhaeewoge, kudá' sleémeero awa lamabu'úngw Yesu ngu koomá'. Ala kuúng Mungú na sluufmiiseek.» Asma lamabu'úngw Yesu an qeeruú aaru'uuma.

Geehhoeemaá 22:9

Ala inós aníng iri báy, «Adoosíng ma tlehhiitaar. Asma aníng sleeme a sagadiyusmo dinkwa nee kuúng nee hhaeewók kudá' aaruuseero, dinkwa nee kudá' sleémeero awa axweesanoó kitaábuuwí ngwa oohiye'. Ala kuúng Mungú na sluufmiseek.»