Ebrania 12:22 - Biblía Axweesantá Hhohho' ar Mungú 2004

²² Ala kuungá' tloomár taa i hardaté' a tloomár Siyoni, nee Yerusalemúr gawaá doori gixsár Munguúdá' slaáf, nee amaqawár yaariir ar malayke.

Ya/abtór hho' 1977

²² Ala kuungá' tloomár taa i hardaté' a tloomár Sayuni, nee gixsár Mungúdá' slaáf, gídaabá Yerusalemudá' gawaá doorí dirii', nee amaqawár yaariir ar malayke.

Ebrania 12:22 Iomraidhean Croise

2 WAAWITÁ 19:4

Hamí sleeme i ya/aán AAKOÓ MUNGÚ gaa axaás axweesantá heedaádá' úr oo múk taa karmuumúy, kudá' tinda ya/aáw nee wawutmoó Ashuru, as aakoowós Munguúdá' slaáf nguwa /oosliislin. Doóqa AAKOÓ MUNGÚ, Munguúwók inós gu naanaaq as /aymi'iidá' aa axaás. Gawaá adoorihe mukók kwí aa meet aleefirimeek.› »

WARA'AMI 2:6

«Án waawutmooeé' ngwa qaás gawaá Siyoni, tloomar'eé' tidá' hhoohhoo'.»

WARA'AMI 42:2

Muunaáeé' AAKOÓ MUNGÚ guna sa slahhaá' adór heé aa waxiit, Munguúdá' slaáf guna sa slahhaá'. A xaylá ni dír geeraawók i hardah, as kuúng uwa ar?

WARA'AMI 48:2

Siyoni a tloomár Mungú ar sla'atimis adór ira sihhiti, a gixsár waawutmoó úr ar qwal/uú huwahuuw baraá yaamu sleémeero.

WARA'AMI 68:17

Gaardaá Mungú i /uuruú koná', ki ló'wa yaariir. Faaror'ín a kumér kúm. Aakoó Mungú nina Sinaír wa tláy, ay dirós tidá' hhoohhoo'.

WARA'AMI 84:2

Aníng do'ók u ló'wa slaá', AAKOÓ MUNGÚ. Muunaáeé' nee slaqwte'eé' kuúng u saqwalaala/iyá'.

WARA'AMI 87:3

Kiíng gixsár Mungú, Mungú kiíng i xirfayeemiis.

ISAYA 12:6

Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

ISAYA 14:32

Gár hee ya/abusmoó xoordu ngur mu/aywatsi a milá? Gun bay, «AAKOÓ MUNGÚ gixsár Siyoni gaa tleéhh, nee mukós kudá' taa slahh'eemiís, dir'ín ar guwaay kaa sláy baraá gixsarihe.»

ISAYA 24:23

Aluuwo slahhaangw iri giiw, nee tsee/amá gwa/aateema giri máy, asma AAKOÓ MUNGÚ Aleesleemusmo tloomár Siyoni nee Yerusalemu gan sawaawuti'ín, nee xirfuuwós guri laqán dír bariisér mukós.

ISAYA 27:13

Baalaadae tarumbeétár yangaariir kari ufaahh. Mukdá' sleémeero aa qwaar baraá yaamaá Ashuru, nee kudá' taa huwi baraá yaamaá Misri ni hardihiyá', AAKOÓ MUNGÚ nguri sluufmisiyá' gawaá tloomarós tidá' hhoohhoo' wa ale, ar Yerusalemu.

ISAYA 28:16

Gawaá adoorihe Aako, AAKOÓ MUNGÚ i kaahi, «Ga/awaak, aníng tlaa/ár iihhafiiri a qaás baraá gixsár Siyoni, a tlaa/ár taa iiár, a tlaa/ár tlaxo gawit ar do' ir gawduy, tlaa/ár iihhafiiri ar do' ir gawduy, ‹Umuú heé gaa haratlintii' i kwareeiiká.›

ISAYA 51:11

Naagáy mukdá' AAKOÓ MUNGÚ aa ba/amís ni wayaa', nin hardihiyá' Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee qununu/aay ni faakiyá'.

ISAYA 51:16

Aníng axweesante'eé' aga qaás baraá afkók nee ugwa luú/ baraá mahhtuú dakw'eé'. Doori ngiri hhaáf nee iihhafiirír yaamu ngiri qaás, múk Siyoni nguri báw, ‹Kuungá' an muk'eé'.› »

ISAYA 59:20

Inós ni Siyonírií hardah adór gweerusmo. A gweerusmoó xwaylár Yakobo tidá' tlakweema gaa meer, AAKOÓ MUNGÚ i kaahi.

ISAYA 60:14

Daaqoó mukdá' iga baramaanuus ni hardah iri i tumbarara'aat. Kudá' sleémeero iga waaqaqaiye' ta xupuu' dír ya'aawók. Inooín kiíng iri baya', ‹Gixsár AAKOÓ MUNGÚ, Siyoni ar kudá' hhoohhoó' oo Israeli.›

YEREMIA 10:10

Ala AAKOÓ MUNGÚ an Munguú ló', a Munguú slaáf, waawutmoó alhhe'eesay wásl, bira buúhh yaamu in daaraxaatiyá', xooro buhhtaawós saqitluuwo gi aleesleeraaká.

YEREMIA 17:25

daqaní waawitaádá' waawuti'iima gaa oh alaá waawutmo Daudiwo, nee geeraharuusér hatlae, dinkwa nee múk Yuda, nee yaamuloouusér Yerusalemu, i dahiyá' ar afkú gixsarí, qoomár bar farsuuín ngwa i tsa/ané', nee gaardaá faras. Gixsarí kari hotaatín ay alhhe'eesay wasle.

DANIELI 6:26

Hara'aya aga qaás as muu sleémeero baraá waawuti'iimar'eene, Munguú Danieli kuwa da'ayumiti nee kuwa ilaiwawa/i. «Asma Munguúwí an Munguú slaáf, kudá' hotatiím kureerisleém, waawuti'iimarós ka baloó hhitinká, waawuti'iimarós i alhhe'eesoó koondaaká.

DANIELI 7:10

Baraá kitangwdae duxuú asla niri waá/, dír geeraawós wa ale. Múk kumér Inós kuri sagadiyuús, slám múk kumér kúm ina geeraawós i sihhiít. Doó kwasleema kawa tleehhi kuri amoohhe'eés nee kitaabi'i kiri gweér.

HOSEA 1:10

Aluuwo faarór múk Israeli a adór hhasángw afaá tlawi oo qoomay wásl, nee oo faaroro ta aslayká. Adoodá' geeraawo kiwa bay, «Kuungá' a muk'eeneeká,» daxta kin tundun bay, «Na/aá Munguúdá' slaáf.»

Yoeli 2:32

Nee umuúqo heé umuú AAKOÓ MUNGÚ gwaa ateet, ku ba/amis. Asma gawaá tloomár Siyoniro nee baraá Yerusalemuwo múk ba/ám i deer. Nee baraá kuká' naa meetiye', awa AAKOÓ MUNGÚ i ateetin i dayá', adoodá' AAKOÓ MUNGÚ ngira oó'.»

Matayo 16:16

Simon Petro iri oó', «Kuúng a Kristo, Garmoó Munguúdá' slaáf.»

Matayo 5:35

Laqaá lo'o ma huwaara' ar yaamu, asma yaamu a kitángw ya'aá Mungú. Laqaá lo'o ma huwaara' ar gixsár Yerusalemu, asma a gixsár Waawutmoó úr.

Rumi 11:26

Daqaní múk Israeli sleémeero i ba/án. Asma kaa gooín, «Ba/amusmo naa hardáh, amór i dahhi a amór Siyoni. Inós dee/anu sleémeero gu hingees dír xwaylár Yakobowo.

Rumi 9:26

Nee didaádá' aáng inooín kiwa báy, ‹Kuungá' a muk'eeneeká,› didár kilae kin bay, ‹Kuungá' a na/aá Mungú kudá' slaáf.› »

Galatia 4:26

Ala /ameenidár hatlá' an adór gixsár Yerusalemu tidár gawaá doorí dirii'. Inós an lawaalo'oorooká, nee an aayoorén.

Efeso 2:19

Ala daxta kuungá' a dahaayeerooká, slám a múk waaraahhaaká, ala an yaamuloouuse dinkwa nee múk hhohhó', slám a múk doó Mungú.

DABE 33:2

Ina oó', «AAKOÓ MUNGÚ amór tloomár Sinai ngina daáhh, tina amór tloomár Seirír wa harati'iít, tina amór tloomár Paranír wa i gwa/aát, nina baraá tla/ángw malaykér yaariír wa ti'iít, nee asla ina ót gawaá dakós oo doó /iyáy wa ale.

DABE 5:26

Xáy, a hee gaalá oo Munguú slaáf gwa axaás oo baraá tla/ángw asltá wa axweés, adoodá' atén kura axasaán nee tay hotaán?

Filipi 3:20

Ala atén a yaamuloouusér gawaá doori. Slám atén Aakoorén Yesu Kristo u daamaaramaán niwa hardihi gawaá doorí wa aleeró, tiwa ba/amisi.

1 Tesalonike 1:9

Asma muu inooín awa kilá' kangwhúng ngu alki/iitiyá', adór kuungá' atén tira ilaoté', nee adór kuungá' munguiihúng kira geexeeré', tari amór Mungú i warqeeré', as Munguúdá' slaáf oo ló' kuwa sagadiyusa',

2 Timoteo 4:18

Aako aníng i ba/amis baraá umuúqo gár tlaakwe, nee iri amohhe'eemiis ay dír ni hardah baraá waawuti'iimarós ar gawaá doori. Inós i xirfuuti ay alhhe'eesay wasle. Amin.

Ebrania 10:31

A gár dae tlaaq kángw kilá' wa ale bara huuaán baraá dabaá Munguú slaáf i alé.

Ebrania 11:10

Asma Abrahamu gár i haraxui, a gixsadá' Mungú aa geerií aldakuút as ngiwa tleehhi, nee gari tleéhh, gixsadá' iihhafiirír hhoo' ga koom.

Ebrania 11:16

Ala a yaamuudaeeká. Ala yaamaá inooín ta leelehhiiti an yaamuudá' ak hhoo', an doori. Gawaá adoorihe Mungú i murumiitiiká kuwa babay a Munguúín. Asma inós gixsár inooín ta hooti gaa tleéhh.

Ebrania 13:14

Asma baraakaá yaamuwo gixsár ak hoot a koomanaaká, ala atén gixsadá' hardah an leelehhiitaán.

Ebrania 3:12

Hhaee'eé', ti harmagahhe'. Tam heé wák baraá tla/angwhunge miwa deeruút oo muuná tlaákw nee oo haratlintaao wásl, tam iri qwaar as Munguúdá' slaáf nguwa geexáy.

Ebrania 9:14

xáy, tseerér Kristo tí ga ló'wa bá/áke? Asma inós tina kilós haniís dír Mungú ar /uuruú Qeeruú alhhe'eesay wásl as tawa ilahhooár xaslxaansli wasl. Tseereerós muneerén ga hamátl nee tlehhema'aá slafíngw kooma'aaká, as masók atén Munguúdá' slaáf kuwa sagadiyuusaan.

YOSHUA 3:10

Yoshua iri oó', «Daxta a tsahhá' adór Munguú slaáf ir baraá tla/angwhúng i dirií', nee mukwí gu baloó mayká hingeesaro dír geerahunge: Múk Kana'ani, nee múk Hiti, nee múk Hifi, nee múk Perisi, nee múk Girgashi, nee múk Amori, nee múk Yebusi.

Yuda 1:14

Nee Enoki a heé faanqw alaá Adamuwo. Inós aari gana oó' daanduú mukwihe iwa kaahi, «Qaytsité', Aako naa hardáh nee malaykeerós ar hhohho' ar kumér kúm.

Geehhoeemaá 14:1

Aníng niri qaytsiít, Deelmoó bee/i nguri ár aa sihhiít gawaá tloomár Siyoni. Nee múk kume tsiiruú wák nee mibeeraá tsiyáhh nee tsiyáhh aa sihhiít dinkwa nee inós. Gawaá gitsee/ér mukwihe gár taa gooín a umuú Deelmoó bee/i nee umuú Baabuúwós.

Geehhoeemaá 21:10

Inós aníng iri ar tláy ar baraá Qeeru ay gawaá tloomár ur ar tleerantleer. Gixsár Yerusalemu ngiri laqán, gixsadá' hhoohhoo', i awdít gawaá doorí wa ale amór Mungú.

Geehhoeemaá 21:2

Gixsadá' hhoohhoo' ngiri ár, Yerusalémúr /aben, i gawaá doorí wa awdít, amór Mungú wa ale. Gixsadá' kaa tsiitiís adór dasír ta duxuuti, ar taa parootuús as garmaadá' ga duxuút.

Geehhoeemaá 22:19

Nee hee barnaxes garka gaa /aareés dír axweesanoó kitaábuuwí oo aaru'uumaro, daqaní Mungú hariímár heedá' ga hingees baraá xa'anoó slafiingo nee baraá gixsadá' hhoohhooe. Hariímarós ar ta hingeesi an tidá' kangós taa gooín baraá kitaábuwí i alé.

Geehhoeemaá 3:12

Heedaádá' arba/ati gaa slay, aníng inós un uhumoó Doó Munguúeé' tleéhh, nee baraadaádae iri ti'iitiiká baloó ale. Nee gawaawose aníng umuú Munguúeé' un gooiím, nee umuú gixsár Munguúeé', Yerusalemudá' /aben, tidá' awdiit gawaá dooriiwo amór Munguúeé' wa ale. Nee slám aníng umuueé' kudá' /abén u gooiím.

Geehhoeemaá 7:2

Nee malaykamoó hatlá' nguri malé ár oo tsa/a/ám amoodá' looa niwa tsiirarihh. Inós i layár kón ar Munguú slaáf. Inós malaykeedá' tsiyáhh gari i tseé' ar afór ur, tidá' aleesleemu gwa sleer yaamu ngiwa hhitiin nee tlawi.