Ebrania 12:19 - Biblía Axweesantá Hhohho' ar Mungú 2004

¹⁹ nee slám afór tarumbeéta, nee afór axwees. Tam mukdá' axamiís iri firín as afoodá' mindiwa malé ilawáts amor'ínií alé.

Ya/abtór hho' 1977

¹⁹ nee slám /aa/aá tarumbeéta, nee afór axwees. Asma afoodá' ina adoodár axwés, tam mukdá' axamiís iri firín gídaabá, afoodá' mindiwa malé ilawáts dir'ín i alé.

Ebrania 12:19 Iomraidhean Croise

TI'INAANGW 20:22

AAKOÓ MUNGÚ Mose guri báy, «Xoorór Israeli ka beer, ‹Kuungaá kilá' aga axasé' aníng niwa dirhúng i axweés iimír gawaá doorí wa alé.

Matayo 24:31

Qoomár tarumbeéta bar kaa ufaáhh ar afór ur, inós malaykeerós ngin ya/aaw, mukós oo taa tsawaár gun burumbút amór bihhér yaamu tsiyahhaawo, iimír alhhe'eesaywí oo doori ay alhhe'eesayqá'.»

1 Korinto 15:52

ar gaanslaay adór kwisliitár ila, qoomár tarumbeétadár alhhe'eesaay bira /á/. Asma tarumbeéta iqo /á/, nee múk aa qaatl kuri waasle/atis, tari múk qatlaaká baloó ale, nee atén sleeme tiri warqees.

DABE 18:16

«Gaarí an gadaádá' kuungá' taa baraá Horebúr wa firiindé' dír AAKOÓ MUNGÚ, Munguúhúng, baalaadá' tawa burumburité' tari oé', ‹Afór AAKOÓ MUNGÚ Munguúrén, mawa male axaasaán, laqaá tam asltá ur ar adór tiqá' mawa male araán as kahhó' mawa qatlaán.›

DABE 4:11

«Naagáy, qoomaadae nina tsewuuré', tari sihhité' dír gamuú tloomaadá' asla iwa gáwtí tsa/aán ay doori, ar taa tuuntuúk nee giwti nee huunkoó bó/.

DABE 4:12

Aluuwo AAKOÓ MUNGÚ iri axweés dirhúng baraá tla/ángw asltadá' wa ale. Axweesantós ana axasé', ala inós kuungá' ugwa aandi'iiká, afoorós kilós ana axasé'.

DABE 4:33

Xáy muu afór Mungú gana qoo axaási iwa axwés dír tla/ángw asltá wa aleeró, adoodá' kuungá' kara axasé' handá' tari slafé'?

1 Tesalonike 4:16

Asma Aako inósuú kilá' i aweer gawaá doorí wa ale, afór ur ar hara'aya kari axaas, nee afór malaykamoó úr, nee afór tarumbeétár Mungú kari axaas. Mukdá' Kristo gwa haratlintii', kudá' aa qaatl kuri geerií waaslee/atis.

Ebrania 12:25

Ala qaytsité', Yésuudá' nee kuungá' axweesá' mu siaara'. Asma mukdá' Mungú gwa sii' iiárií qaasaro, qoomár iwa axweés baraá yaamu ar afór Mose, mukdá' aa ba/anká. Ala atén adór tar ba/aman a adoomá, barnaxes kudá' gawaá doorí wa axweés ugwa siaán?