Ebrania 12:14 - Biblía Axweesantá Hhohho' ar Mungú 2004

¹⁴ Wayda leeleehhaak, tawa hota' ar wayda nee muu sleémeerowo. Nee hhoohhooeema leelehhitaak, asma heé Mungú gu ár i kaahh, hhoohhooeema bir kahhiyá'.

Ya/abtór hho' 1977

¹⁴ Wayda leeleehhaak, tawa hota' ar wayda nee muu sleémeerowo. Nee hhoohhooeema leelehhitaak, asma heé Mungú gu ár i kaahh, hhoohhooeema bir kahhiyá'.

Ebrania 12:14 Iomraidhean Croise

IIMU/UUNGW 32:30

Yakobo umuú didá' guri báy Penieli, i kaahi, «Nee Mungú taa araán ila nee tí, ala aníng a slaáf.»

YOBU 19:26

Nee alaá kaahartaeé' kawa adoorír hhitín, anínguú kilá' ar ilaaeene Mungú un ár.

YOBU 33:26

Heedaádá' Mungú guri firín, nee firoorós Mungú gari ya/án, Mungú guri sluufmiis ar qwala/, Mungú guri xirfuuwós i ki/ís.

WARA'AMI 120:6

Aga ló'wa hotatiím, baraá tla/ángw múk wayda gwa aahh.

WARA'AMI 133:1

Ga/aaweek, adór kar hhoó' nee ir sla'atimís hhae iwa dinkwár waá hootiya' ar wakleeli'iima.

WARA'AMI 34:14

Muruú tlákw maweek, tlehhma'aá hho' na tlehhiiteek, wayda leelehhiiteek nee ar hooteek.

WARA'AMI 38:20

Kudá' aníng i tlakweemaá i tlehhiitá' as hhooeema ngiwa tleéhh, inooín a wakuuser'eé' asma aníng gár naa gurií baá/ a hhooeema.

WARA'AMI 94:15

Sakwasleemár ganaa' i ki/, sleémeero kudá' hota ganaa'á' ngi eehariyá'.

AXWEESANOÓ SAGALOOA 15:1

Heé aa buuhh burkwa mu/aywaáts ar tsaeema buuhhtaawós gin máy, Ala afaatli/a i buhhtaá dogít.

AXWEESANOÓ SAGALOOA 16:7

Hotaá hee bar AAKOÓ MUNGÚ ngwa sla'atisiyé', tam nee wakuuseerós tiri slaiyá'.

AXWEESANOÓ SAGALOOA 17:14

Gila adór kir iimu/aa/in a adór dír niina ar ma'aay nira kotsoqotiyé', Gimsé', xasliité' dír gila nira uui'iiká.

ISAYA 51:1

Aníng iiárií qaasaré' kuungaádaá hotaá ganaa'á' ngi sla'á', kuungaá AAKOÓ MUNGÚ leelehhiitá'. Tlaa/adá' tunduwa dakuút i qaytsitaak nee baraá bohongwdá' tunduwa duúx ar folit.

Marko 9:50

«Diwi ka hhoo'. Ala barnaxes maamahhoó diwi aa faák, gár ki qaasi a milá as iwa malé maamahh. «Kuungá' baraá munerhunge adór diwi tleehhité' nee wayda ar hootaak.»

Luka 1:75

nee ar hhohhoaari nee ar hotaá ganaa'á' deelór slafingwrén sleémeerowo.

Rumi 12:18

Kuungá' umuúqo loohír ya/aama leelehhiitaak ar tawa hota' ar wayda nee muu sleémeero, ar adoodá' kuungá' kar aleesleera'.

Rumi 14:19

Ala bar adoosíng, gár atén tiwa hariím tidá' wayduú huwaahuuw tla/angwrene an tleehhaán, nee tidá' haratlintaaór umuúqo heewo ga kwa/amis.

Rumi 6:22

Ala hamí, kuungá' bar tunda gweér baraá lawaali'iimár tlakweemaawo, nee tunduri lawaalér Mungú tleéhh, gár ta sleera' a muruudá' hhoohhooeesár huwahuúw. Nee alhhe'eesaywós a slafíngw alhhe'eesay wásl un sleerá'.

1 Korinto 1:10

Hhaee'eé', án kuungá' nu harhheehhe'eés ar aleesleemuudá' Aakoorén Yesu Kristo naa aníngí haniís, kuungá' axweesanayhúng masók a wak. Slám miti partliitara'. Ala masók kuungá' a adór múk taa haragwaa', munerhúng tawa wak nee inslawaywo.

1 Korinto 13:12

Asma qoomaarihe atén an ga/aawaán ar baraá looa ar slaqsi'i. Ala qoomaadá' binda xeér, atén an ga/aawaán ar ilaarén awa kilá'. Qoomaarihe xu'utir'eé' i harqoomoó koón, ala qoomaadá' binda hardát, aníng a xu'uti hhe'eés, adoodá' tira xu'uti hhe'eés nee Mungú.

2 korinto 6:17

Gawaá adoorihe Aako i kaahi, «Ti'iité' baraá tla/angw'ine, nee ti partle' dir'ine. Muruú slasla/arén muu kwatmiitara'. Daqaní án kuungá' nu ya/aám,

2 korinto 7:1

Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.

Galatia 3:21

Daxta bar adoorí, an ooána hara'ayár Mungú nee al'axweesantá Mungú ti slaslay'aaká? Aasla'áy, a adooriheeká. Ala geera barnaxes hara'ayár aleesleemuú koom kinga haniís, ar muu gu slafíngw i haniis, geera alók muu gan'amu gu sláy as hara'aya ngiwa óh.

Efeso 5:5

Kuungá' /aymuuwí u xu'uti hhe'esá', adór heé tsaatusmo waawuti'iimár Kristo nee Mungú ngir baloó aaliiká, laqaá tam heé slafiingós slasla/arén, laqaá tam heé ilatleerusmo sleeme, asma inós i munguaá hatlá' kón.

Filipi 3:12

Aníng a kaahaaká amoodá' ta i qwaatlaan aga i hardáh qaroó alé, slám a kaahaaká gan'amu ugwa qaroó sláw. Ala ilakaaharu un tlehhiít niwa kumiit as niwa hardah nee gadaádá' ngiwa oh, tidaádá' Kristo Yesu isa ateét, qoomár iwa óh.

1 Tesalonike 3:13

Inós kuungá' nu /uurií haniisi, tawa múk hhohhó' oo xaslaansli wásl geeraá Mungú Baabuúrene qoomaadá' Aakoorén Yesu niwa hardihi, dinkwa nee mukós oo hhohhó' sleémeero.

1 Tesalonike 4:7

Asma Mungú atén taa ateetiiká as slafíngw tsaatu'uuma kuwa ar hootaan, ala tina ateét as slafíngw hhohhó' kuwa ar hootaan.

1 Tesalonike 5:15

Ga/aawaak, umuúqo heewo dirhunge magoót mingiwa buú', ala umuúqo daqto ti hhooeemaá i tlehhite' kuungá' kiloohúng nee dír muu sleémeerowo.

1 Timoteo 6:11

Ala kuúng a heé Mungú. Kuúng ti paratl nee muruú adór kwí. Hotaá ganaa'á' na eehareek, nee ilaiwa/ame nee haratlintaao, nee sla'aari nee qiqtliingw nee tsatsaa'areema.

2 Timoteo 2:22

Ala kuúng ilatleeridár masoombi'iima ilaguweek. Ilakaaharu na tleehheek hotaá ganaa'á' kiwa sleer, nee haratlintaao, nee sla'aari nee wayda. Adoorí na tleehheek dinkwa nee mukdá' Aakoó ateetiím ar muunuú hhoohhoó'.

Ebrania 12:10

Baabi'iirén awa slaqwa baraaká' yaamuwo atén tin muxaxiná' as slafingwí oo har qoomár niina. Slám tina muxiyé' ar har adoodá' inooín taa ár. Ala Mungú atén tin muux ar adoodá' atén ti gaa waa buu', asma inós gár i slai masók atén hhohhoaarirós tidá' an slawaán.

Ebrania 9:28

Adoorí an adoodár Kristo sleeme ku laqi. Inós kuna ilahhooár wa haniís sagaáwa wák wa ale as tlakweemaá múk yaariír ngiwa hingeesi. Inós nin malé ti'iit baraakaá yaamuwo sagaáwa tsár wa ale. Ala gár nis hardihi a tlakweema hingeesarooká, ala a mukdá' inós gu daamaaraám nguwa ba/amisi.

1 Petro 3:11

Inós tlakweema ngi may nee tlehhema'aá hho' ngi tleehhi. Wayda ngu leeleehhi ar ilakaaharu.

1 Petro 3:13

Ala heé kuungá' nu aleesláw slahh'eemisuuwo a heemá bar kuungá' gár ta sla'a' a hhooeema in tlehhá'?

2 Petro 3:11

Ala mura' sleémeero barqo in adoorír weeq, kuungá' gár tunduwa hariím masók an hotá' ar slafíngw hhohhó' nee oo Mungú kuwa ilaiwawa/a',

2 Petro 3:18

Kuungá' kumiité' tawa urareera' Aakoorén nee Ba/amusmoorén Yesu Kristo kuwa xua', nee tawa gawduura' ar loohír tsuuqaawós kudá' ni tawó hanmamiisi dirhúng i alé. Inós i xirfuuti iimír hamí ay alhhe'eesaay wasle. Amin.

3 Yohana 1:11

Sla'aarúsmo, tlehhma'aá tlakw mi eeharaar, awa hho' na eehareek. Heé tlehhma'aá hho' gi tlehhiít a heé Mungú. Ala heé tlehhma'aá tlakw gi tlehhiít, Mungú gwa ariiká.

HAR'OHUUSE 11:14

Yefta muu gway ya/aáw wa'aá tsare amór waawutmoó múk Amoni,