Ebrania 12:1 - Biblía Axweesantá Hhohho' ar Mungú 2004

¹ Asma atén taa harweér nee lamabu'uuseerí yaariir adór huunkár alé. Gawaá adoorihe atén sleeme gár tiwa hariím a muruudá' sleémeero atén ti iilooeemiís un kwahhaán, nee tin paraatlaán nee tlakweemaadá' sleémeero atén taa oohiye', nee slám atén tawa geerií ta'aimaan ar qitla baraá qwaatloodá' taa dír geeraarén i qaasi.

Ya/abtór hho' 1977

¹ Ala atén taa harweér nee lambu'uuseerí yaariir adór hunkár alé. Gawaá adoorihe atén sleeme gár tiwa hariím a muruudá' sleémeero oo atén ti iilooeemiís un kwahhaán, nee tiwa paratlaan nee tlakweemaadá' sleémeero awa atén taa oohiye', nee slám atén tawa geerí ta'aaiman ar qitla baraá qwaatloodá' taa dír geeraarén i qaasi.

Ebrania 12:1 Iomraidhean Croise

YOBU 8:10

Ala inooín kuúng u intsaahhatisiyá' nee muruudá' tinda sláy baraá sagalooar'ine kungu kuúng báy.

WARA'AMI 18:23

Dír geeraawose a dakuúsár koomaaká, nee taa harmagaáhh tlakweemaawo.

ISAYA 60:8

Muruuwí aa /akumiit adór huunkáy a milá? Adór hhookár harakikii/ amór maray'ín.

ESEKIELI 38:16

Múk Israeli kuri haraxeér adór huunkír giiw gawaá daanduú yaamuwo. Qoomaadae aníng kuúng un ya/aáw yaamuueé' kiwa i haratleer, as múk xoordu ngiwa tsaahhi adór aníng kuúng Gógu ura ya/aáw as hhohhoarir'eé' ngiwa laqaám dir'inií ale.›

ESEKIELI 38:9

A ta'aaiín adór bambaao, nee daanduú yaamu kuri tuuntúk adór huunki, kuúng kilók nee slaqwaruuserók sleémeero nee xoordaá hatlá' kudá' awa dinkwa nee kuúng.›

Matayo 10:22

Kuungá' muu sleémeero nu aahh as aníng. Ala heedaádá' aa qiitl ay alhhe'eesaay, an kudá' ba/ám.

Matayo 24:13

Ala heé ba/ám a kudá' aa qiitl ay alhhe'eesaay.

Marko 10:50

Inqwaarirós gari amorqií kwaáhh, iri tláy amór Yesu ar gaanslaay.

Luka 12:15

Yesu giri báy, «Qaytsité', ti harmagahhe' nee qahángw umuúqo adooro. Asma daqaari'iima tam ka yaariír dír heewo, i slafíngw hupká.»

Luka 16:28

Asma hhaee'eé' awa kooán i dayá', ngi gurbu'utá ay, asma inooín mindiwa hardihiyé' diirí slahh'amuú koom.›

Luka 21:34

«Ti harmagahhe', munerhúng miwa hhitirút ar hheehha, nee xufta, nee ma daawimitaara' as muruú baraakaá yaamu, deeloodár alhhe'eesaay munduwa hhaawís adór tsaaxweeli ir ohaahiin.

Yohana 3:32

Muruudá' aa ár nee aa axamiís an kudá' i lamabu'un, ala heé lamabu'uungós gu ya/a/aám i kaahh.

Yohana 4:39

Baraá gixsadae múk yaariír oo Samaria Yesu guri haratlintií', asma axweesantadá' /ameenidá' iwa ó', «Muruú aníng naa tleéhh sleémeero inós nguna oó'.»

Yohana 4:44

Asma Yesu inósuú kilá' gana lamabu'ún adór aarusmo kur ilaiwawa/iiká baraá ayaawósuú kilae.

Rumi 12:12

Kuungá' qwalaala/é' baraá haraxu'utír wa aleeró, qiitlé' baraá slahh'amaayerhunge, kumiité' baraá firooro.

Rumi 2:7

Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.

2 korinto 7:1

Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.

Galatia 2:2

Aníng ana daqáw asma Mungú daqeemuueé' kwí nguna geehhooatís. Dinkwa ana tleehhaán nee geeraharuusér múk kríshaanáy kiloorén. Ya/abtór hho' tidá' ni dír múk xoordaá hatlá' i alki/aa/iit, ngari dir'íní alki/iít. Aníng ana xu'utír wa slaá' áx, gadiyér'eé' tidá' naa tleéhh, nee tí ni tleehh, a tawóro laqaá a adoomá.

Galatia 5:7

Kuungá' ana kumité' ar adór hhoo' baraá slafingwhúng oo Krishanu'uumaro. Ala heé kuungá' naa ilaa/ a heemá, tawa kumita', looeema kiwa iialooeemisa'?

Efeso 4:25

Gawaá adoorihe, lama mawaak. Kuungá' looeema kilooín na axweesaak baraá tla/angwhunge. Asma atén sleémeero a diqoó slaqwtá wák, tidár Kristo.

Filipi 1:30

Asma kuungá' sleeme a slaqwá' baraá slaqwaraarí aníng ni slaqwa. Kuungá' aáng aníng iga aandé', niwa slaáqw, nee hamí aga axasé' adór aníng nir kumiít slaqwaraarihe.

Filipi 2:16

asma kuungá' Ya/abtór hho' ar slafiingw an alki/itá' dir'ín i alé. Gawaá adoorihe kuungá' a xirfuueé' bál deeloodár Kristoowo, asma aníng aga tawó ti'ii'imiiká, laqaá aga tawó daawiimitiiká gadiyeede.

2 Timoteo 2:4

Askaarmoó baraá slaqwarár i dirií', i dahiiká baraá daawitimér muruú hatlae, asma gár i slai a geeraharusmoowós kudá' úr kilós gun sla'atimis.

2 Timoteo 4:7

Slaqwarár hho' aga slaáqw, qwaatlo aga faák, nee haratlintaao aga xuúm.

Ebrania 6:15

Gawaá adoorihe Abrahamu iri qiqtlín, nee gadaádá' Mungú aa al'axweés, gari sláy.

Yakobo 1:3

Asma kuungá' a xuá' adór haratlintaaorhúng barka iiara'ár, gár i huwahup tar qiqtliingw.

1 Petro 2:1

Gawaá adoorihe tlakweema sleémeero hingeesaak, lama nee hhaahhafiingw sleémeero, nee da/i nee /ayseeno sleémeero.

1 Petro 4:2

Gawaá adoorihe qoomár aa meti baraá slafingwhúng oo baraakaá yaamuwo, kuungá' gár tunduwa hariím an hotá' ar sla'aarír Mungú kawa tlehha', ala ma hootara' ar ilatleerír muu kawa eeharahada'.

1 Petro 5:1

Kuungá' bariíse, án kuungá' nu gurbuú'. Asma aníng sleeme a aakoó adór kuungá'. Slám aníng a lamabu'usmoó slahha'amaayér Kristo. Tam aníng a dinku'uús baraá xirfuudá' tindi geehhooeesi.

1 Petro 5:12

Án barwaárí naa amorhúng i gooiimi a Silwano ina alee/iís. Inós a hhiyoó ló'wa inkihhím. Barwaárí ngina gooiím as kuungá' nuwa gurbuu' nee nuwa lamabu'uum gídaabá gaarí a gurtleemuú ló' oo Mungú. Gawaá adoorihe sihhtano hhe'eesé' baraá gurtleemuuwihe.

2 Petro 1:6

nee baraá xu'utirhunge harqoomaay doogaak, nee baraá haraqoomayhunge qiqtliingw doogaak, nee baraá qiqtlingwhunge ilaíwa/amér Mungú doogaak,

Geehhoeemaá 1:9

Aníng a Yohane, hhiyaahúng, kudá' aa al dinku'uus nee kuungá' baraá slahh'amaayeero, nee baraá Waawuti'iima, nee baraá qiqtliingw baraá Yesuwo. Qoomarkaaro aníng ana hardáh baraá yaamaá kaahaar awa tla/ángw tlawi, awa ta bay Patmo, as a axweesantá Mungú ngiwa alki/iit nee Yesu nguwa lamabu'uum.

Geehhoeemaá 13:10

Hee bar kwa tseegamór i gooín, aqo kun tseek. Nee hee bar kwa gaasár i gooín ar paánga, aqo kun gaas ar paánga. Baraá kaangwihe múk hhohhó' oo Mungú gár kuwa hariím a qitla nee haratlintaao.

Geehhoeemaá 22:16

«Anuú Yesu malaykamooeé' nguna ya/aáw as muruuwí nguwa dirhúngií lamabu'un, kuungá' múk kríshaanáy oo baraá gixsadaá dimbadimbé. Aníng a heedá' baraá tlahhoó Daudí daáhh. Aníng oo xwaylár Daudi. Aníng an tsatsee/idá' gwa/aat ar matlaatle ar ta bay Haymú.»

Geehhoeemaá 3:10

Kuúng axweesante'eé' tidá' daanduú qiqtliingw aga ót. Gawaá adoorihe aníng kuúng u xuúm qoomaadár iiara'aduuwo, tidá' hardah baraá yaamu sleémeerowo, as muu sleémeero oo baraaká' yaamu kuwa iiari.