Ebrania 11:9 - Biblía Axweesantá Hhohho' ar Mungú 2004

⁹ Iri hoót ar haratlintaao baraá yaamuudá' Mungú aa dirósií al'axweés. Ala inós a adór dahaaymo baraá yaamuudae. Ina hoót baraá heémár wa ale tam Isaka nee Yakobo sleeme tana baraá heémár hoót al'axweesantadá' Mungú aa oó' kari sláy.

Ya/abtór hho' 1977

⁹ Iri hoót ar haratlintaao baraá yaamuudá' Mungú aa amoorós i al'axweés. Ala inós a adór dahaaymo baraá yaamuudae. Ina hoót baraá heémár wa ale dinkwa nee Isaka nee Yakobo. Inooín sleeme al'axweesantadá' Mungú aa oó' kaa sláy.

Ebrania 11:9 Iomraidhean Croise

IIMU/UUNGW 12:8

Abramu iri didá' wa tláy, iri hardáh ay yaamaá goongoama bihhaá da/aáw awa gixsár Beteli. Heémarós gari didií kikií', gixsár Beteli i bihhaá /uwa, nee gixsár ta bay Ai i bihhaá da/aáw. Kitángw ilahhooa guri tleéhh, umuú AAKOÓ MUNGÚ guri ateetín baraá firoorose.

IIMU/UUNGW 13:18

Naagáy Abramu heémarós gay surkuús, iri hardáh dír ta/eewoó heé ta bay Mamre, baraá yaamaá Hebroni. Iri didá' wa hoót. Didaádae kitángw ilahhooa guri tleéhh as AAKOÓ MUNGÚ.

IIMU/UUNGW 13:3

Abramu iri yaamaá Negebuú wa tláy, iri kumaamiít aaiiwo ay yaamaá Beteli nee gixsár Ai.

IIMU/UUNGW 17:8

Aníng yaamuká' kuúng ta dahi'iimár wa hot, ngi haniís dirógí ale, nee dír xwaylarók ar kumiit aluuwoge, yaamuká' sleémeero awa Kana'ani, tawa kók ay alhhe'eesay wasle, aníng tay Munguúín.»

IIMU/UUNGW 18:6

Naagáy Abrahamu iri gaanslár kií/ amór Sara baraá heéma, gari báy, «Mutliít, slooqa'aá tám awa puurúdá' hhohhó' adaá amohhe'eeseek, lufu/eek, mikaáte ka tléhh.»

IIMU/UUNGW 18:9

Inós nguri yaahasiyé', «Hareerók Sara i amá?» Iri oó', «I baraá heéma.»

IIMU/UUNGW 21:34

Abrahamu iri hoót deelór yaariire baraá yaamaá Filistír wa alé tawa /eetusmo.

IIMU/UUNGW 23:4

«Án niwa hoót a adór dahaaymo nee /eetusmo baraá tla/angwhunge. Yaamaá niina dir'eé' weerisaare', awa muk'eé' nguy foliit, as dír tuuár harer'eé' ngi fool ngiwa slaw.»

IIMU/UUNGW 25:27

Daaqaywí iwa uraaráy, Esau tari slakaatusmoó ilakaahaár oo sla/tá hotaatiím, ala Yakobo an heé tsá', oo doó hoót.

IIMU/UUNGW 28:4

Kuúng u tsuuqi dinkwa nee xwaylarók ar adór Abrahamu ngura tsuúq, as yaamu kiwa al, kwisíng tawa adór dahaaymoó wa hot, yaamuudá' Mungú aa Abrahamú i haniís.»

IIMU/UUNGW 31:25

Labani iri hardáh amór Yakobo, qoomaarihe Yakobo heémarós gaa kikií' gawaá gongoamo. Labani sleeme nee mukós heemaduuín ngay kiki'iyé' gawaá gongoamaá Gileadi.

IIMU/UUNGW 35:27

Yakobo iri hardáh amór baabuúwós Isaka, baraá yaamaá Mamre, gixsár Kiriat-arba, tida' ta bay Hebroni, iri amoodá' wa hoót, yaamuudá' Abrahamu nee Isaka naa hootiyé' ar dah'iima.

IIMU/UUNGW 36:7

Asma daqaari'iimar'ín ka ló'wa ur, tam hotaá dinkwa i ya/ana'aaká, laqaá tam yaamuudá' taa i lóh in bu'uutiaaká inooine sleeme, asma muruuín ku ló'wa úr.

IIMU/UUNGW 47:9

Yakobo Farao guri báy, «Kureeraá naa hoót tawa adór aausmo a tsiiru nee mibeeri tám. Kureeriiká' ki niina, slám awa slahh'amaayér koomá'. Ala adór kureeraá taati'iieé' naa dahi'iimár hootiyé' ngaa ay'iiká.»

WARA'AMI 105:12

Qoomár múk Mungú kuwa ureeká, tawa dahaaye baraá yaamaá Kana'aniro,

YEREMIA 35:7

Nee maraay mi tleehhara', qamu mi dooslara' laqaá tam qamaá sabiíbu mi koomara'. Ala kuungá' aqo an hotá' baraá heemadú wa alé deelo sleémeero ar hotangwhunge, as tawa hota' deelór yaariir baraá yaamuwo adór dahaaye.›

Ebrania 6:17

Gawaá adoorihe Mungú sleeme lo'o gana /aáy qoomár al'axweesantós ngiwa gawdeesár wa slaá' dír mukdá' al'axweesnatadá' ga aál, adór inós ir baloó warqayká baraá tidá' aa al'axweesi.