Ebrania 11:8 - Biblía Axweesantá Hhohho' ar Mungú 2004

⁸ Abrahamu sleeme a heé haratlintaaór koóm. Inós kuwa ateét, ateetamór Mungú gari iiárií qaás, iri tláy dír yaamuuwós wa ale, iri hardáh ay dír yaamuudá' Mungú aa al'axweés dirós i alé ngiwa aali. Slám iri tláy yaamuuwós wa ale, ala amór i kay ga xuiiká.

Ya/abtór hho' 1977

⁸ Abrahamu sleeme inós a heé haratlintaaór koóm. Inós kuwa ateét, ateetamór Mungú gari iiár i qaás, iri tláy dír yaamuuwós wa ale, iri hardáh ay dír yaamuudá' Mungú aa al'axweés dirós i alé gídaabá i sleér. Slám iri tláy yaamuuwós wa ale, ala amór i kay gaa xuiiká.

Ebrania 11:8 Iomraidhean Croise

IIMU/UUNGW 11:31

Tera Abramu garmaawós gurir tláy, nee Loti garmoó naangós, na/oó Harani, nee Sarai harér garmaawós Abramu. Inooín nina altlayé' iimír gixsár Uri wa alé ar baraá yaamaá Kaldayo as tawa yaamaá Kana'anír kay. Ala tawa hardáh yaamaá Harani, tana baraadá' wa hoót.

IIMU/UUNGW 12:5

Abramu hareerós Sarai gari ar tláy, nee Loti garmoó hhiyaawós, nee muruuwós sleémeero nee lawaaleerose, kudá' aa sláy baraá gixsár Haranír wa alé. Tari ti'iít as tawa tlay ay baraá yaamaá Kana'ani. Inooín tawa dáh baraá yaamaá Kana'anír i alé,

IIMU/UUNGW 12:7

Amoodaádae AAKOÓ MUNGÚ Abramu guri i ti'iít, guri báy, «Yaamukaáká' ngin kuúng i haniís nee xwaylarók.» Didaádae Abramu kitángw ilahhooa guri tleéhh as AAKOÓ MUNGÚ nguwa ilahhooárí haniisi, kudá' gwaa i ti'iit didae.

IIMU/UUNGW 15:5

Mungú Abramu guri tsee/ií huúw, iri oó', «Gawaá doori i qaytsiteek daxta, tsatse/ faareek, bur aleesleér faarooro.» Guri malé báy, «Adoorí an adór xwaylarók i diri'.»

IIMU/UUNGW 17:8

Aníng yaamuká' kuúng ta dahi'iimár wa hot, ngi haniís dirógí ale, nee dír xwaylarók ar kumiit aluuwoge, yaamuká' sleémeero awa Kana'ani, tawa kók ay alhhe'eesay wasle, aníng tay Munguúín.»

IIMU/UUNGW 20:13

Iimír baalaadá' Mungú aníng iwa loohatís dír doó baabuúeé' wa alé, ay baraá yaamaá dah'iima, aníng ngiri báw, ‹Umuúqo dír tay hardahaana, kiíng ta o', kwí a hhiyaaeé'.› »

IIMU/UUNGW 22:18

Ar baraá xwaylaroge xoordu sleémeero tsuuqa ngiri slayá', asma kuúng afor'eé' aga iiárií qás.› »

IIMU/UUNGW 26:3

Na dahaaymo tleehhiít baraá yaamukae. Aníng nee kuúng a dinkwa, nee án kuúng u tsuúq. Án al'axweesante'eé' a boo/eés dír baabuúwók Abrahamu, asma án yaamu sleémeero ngi kuúng nee xwaylarók i haniís.

ISAYA 41:2

Heé heewí baaliliím umuú diiro gwaa da/aáwá sihhtis a heemá bar a aningeeká? Oo xooslu sleémeero gaa dabaawós í haniis, inós waawitá gun yaamií adah, guri teeri tlees ar paángarós, giri adór muundáy wá haritlees ar ga/aleerós.

ISAYA 51:2

Baabuúhúng Abrahamu ga/aawaak nee Sara tidá' kuungá' naa laqwal. Qoomár án Abrahamu nguwa ateét na/aay gu konká, Ala aníng nguri tsuúq, na/iiwós ngiri ló'wa yaareés.

ESEKIELI 36:24

Aníng kuungá' nu duúx baraá tla/ángw xoordú wa alé, nee nuri burumbuúr baraá yaamaá dah'iimár wa alé, nuri ki/ís baraá yaamuuhúng awa kilá'.

FAARO 10:30

Ala Hobabu Mose guri báy, «Aasla'áy, aníng nee kuungá' ti alkoomanaaká, ala aqo an kií/ baraá yaamuueé' nee amór hhaee'eé'.»

Matayo 2:21

Yosefu iri tláy, na/aay nee aayooro girir kií/ ay yaamaá Israeli.

Rumi 1:5

Mungú aníng ina tsuuqaá i haniís niwa ya/abusmo tleehhiit as Kristo. Adoorí gana tleéhh ar loohír Kristo, as aníng xoordu sleémeero ngiwa geerahaar amoorós, as nguwa haratlintii'iya', nee nguwa iialooeemisiya'.

Rumi 10:16

Ala a mukdá' sleémeerowooká oo Ya/abtoodá' gaa iialooees. Asma Isaya i kaahi, «Aáko, ya/abtoodá' inooín naa axaasiyé' dirén wa ale, heé gaa haratlintii' a heemá?»

Rumi 6:17

Ala Mungú ku xirfayeesi. Asma kuungá' aáng a lawaalér tlakweema. Ala hamí intsaahhasadá' taa ilaoté', aga ló'wa iialooesé' ar mune sleémeero.

2 korinto 10:5

Nee slám gár atén ta fee/itaan a umuúqo inslawaywo, kudá' il/aám, oo daara/ángw koóm, oo taa tleéhh as hee kángw Mungú munguwa xuú'. Atén umuúqo inslawaywo un ohiimaán, nee kuwa iialooesaan dír Kristo i alé.

DABE 9:5

Yaamuuín kuungá' i ala'aaká as kuungá' tawa hota gana'a', laqaá munerhúng kawa hhohhó', ala AAKOÓ MUNGÚ, Munguúhúng mukwí gun geeraahúng wa gusiisín, asma inooín kiwa tlákw, nee axweesantós tidá' aa lo'ór wa /aáy dír baabi'iihúng, Abrahamu, nee Isaka, nee Yakobo gan gawdeesár wa slaa'.

Ebrania 11:33

Mukwí a múk haratlintaaór koóm. Inooín waawituú yaamaá hatlá' nguri baaliyé', adór ganaa' ngiri tleehhiyé', ngiri tsaahhiyé' adór al'axweesantá Mungú kara boo/eés. Slám inooín afér direeri ngiri tseegiyé',

Ebrania 5:9

Gawaá adoorihe inós kuri bu'uutiís nee Mungú. Bu'uutisaro kuwa hhe'eés, inós tari heé ba/amár alhhe'eesay wásl ngaa huuw dír mukdá' sleémeero inós ngu iialooemisa'a.

YOSHUA 24:3

Aníng baabuúhúng Abrahamu nguri ar tláw afaá yaaeedá' wa ale, nguri geerahaár baraá yaamu sleémeero awa Kana'ani, nguri xwaylár yaariírií haniís. Nguri Isakawí haniís.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.

1 Petro 3:1

Kuungá' tlaáwaay sleeme, iialooemisé' dír hhawaateehunge, asma tam hhawaateehúng kudá' axweesantá Mungú ngaa haratlinti'ii'iiká, ngi haratlinti'iye' as tlehhemi'iihúng, tam kaa ádbaykahe.

1 Petro 4:17

Asma qooma naa xeér ar sakwasleema iwa iimu/uun dír múk Mungú wa ale. Ala barnaxes sakwasleema in iimu/uún dirén wa ale, ala alhhe'eesaywós a adoomá dír mukdaádá' Ya/abtór hho' ar Mungú gaa si'i?