Ebrania 11:7 - Biblía Axweesantá Hhohho' ar Mungú 2004

⁷ Noa a heé haratlintaaór koóm. Inós kuna gurbuú' nee Mungú daanduú muruú hardáh oo geetlaákw qoomaadae. Adoodá' Mungú aa oó' gari ilaiwawaá/, miringamo guri tleéhh as múk do'ós nguwa ba/amisi. Múk aa haratlintii'iiká kuna sakwasleemuút as haratlintaaoorós. Inós gan'amu guri sláy as haratlintaaoorós.

Ya/abtór hho' 1977

⁷ Nuhu inós a heé haratlintaaór koóm. Inós kuna gurbuú' nee Mungú daanduú iidíguú muruú hardáh oo geetlaákw qoomaadae. Adoodá' Mungú aa oó' gari ilaiwawaá/, miringamo guri tleéhh as múk do'ós nguwa ba/amisi. Múk aa haratlintii'iiká kuna sakwasleemuút as haratlintaaorós. Inós gan'amu guri sláy as haratlintaaoorós.

Ebrania 11:7 Iomraidhean Croise

IIMU/UUNGW 19:14

Loti iri ti'iít, hhawaataá dasuuwós giri ádbeemuú áy, iri oó', «Qwalaasaré', ti'iitaré' baraá ayaawihe, asma AAKOÓ MUNGÚ gixsarí ga qwaarees.» Ala Loti tari adór heé tatlkuús dír hhawaataá dasuuwose.

IIMU/UUNGW 6:13

Mungú Noa guri báy, «Aníng gár naa ístí tsaát, a umuúqo heewo un qwaareés, asma hara/untsaín naa tlahhiyé' baraá yaamuwo. Daxta inooín i fiíts baraá yaamuwo.

IIMU/UUNGW 6:22

Noa adoodá' sleémeero kwaa báy nee AAKOÓ MUNGÚ gana tleéhh.

IIMU/UUNGW 6:9

Kuká' an xwaylár Noa. Noa a heé gan'amkú koóm. Inós a heé hhoó' ta múk hatlá' oo qoomaarose. Noa nee Mungú tana aldinku'uumaamiís.

IIMU/UUNGW 7:23

AAKOÓ MUNGÚ umuúqo gár slafa daanduú yaamuwo gana adoorír hhaamiís, muu, nee makaay, nee muruú gur'eérár hi'iimita, nee tsir/o sleémeero, gina hhaamiís gawaá daanduú yaamuwo. Ala Noa kilós iri meét, nee kudá' nee inós dinkwa baraá miringamoowo.

IIMU/UUNGW 7:5

Noa tidá' sleémeero AAKOÓ MUNGÚ aa oó' gari tleéhh.

IIMU/UUNGW 8:16

«Ti'iít baraá miringamoowo, kuúng nee aamaarók nee daaqaywók nee tlaawoó daaqaywoge.

2 WAAWITÁ 4:5

/Ameenidá' nee na/iiwós tari dáh baraá do' afkú do' kuri tseék, di/i qaamiingo kari iimu/ún baraá xoosladá' di/tá koomaaká.

YOBU 35:8

Tlakweemaá kuúng ta tlehhit, heé i slahh'eesiya' a heé adór kuúng, nee hotaawók awa ganaa'á', hee ngun tu/iyá'.

AXWEESANOÓ SAGALOOA 22:3

Heé sagaloó' bar gár tlaakw ngaa ár in goow iri nahhaat. Ala heé iimiboó/ in amoodá' i hi'iit, slahh'amuudá' guri /aay.

AXWEESANOÓ SAGALOOA 27:12

Hee sagaloó' bar tsaxwa nga ár in nahhaat Ala heé iimiboó/ in amoodá' i hi'iit, iri dah baraá slahh'amu.

ESEKIELI 14:14

tam geera Noa, nee Danieli, nee Yobu in baraá yaamuuká' i diri'iia, inooín mukwí /iisaro ngu aleeslay'aaká, aqo har slafingw'ín ngun ba/amisiyá', as gan'amuuín kudá' i koná'. Anuú Aakoó MUNGÚ tí aga oó'.

ESEKIELI 14:20

tam geeraawo barnaxes Noa, nee Danieli, nee Yobu in baraá yaamuukae, adór anuú Aakoó MUNGÚ nirqo hotaatina, ar ló', tam na/oó wák oo garma laqaá oo dasi oo ta ba/amiisi i kaahh. Aqo har inooín slafingw'ín kilós ngun /iisiyá', asma gan'amuuín kudá' ta kon.

ESEKIELI 33:5

Oo afór tarumbeéta gaa axaas, nee gurbua gari waaqaá', slafiingós i gawaá dabaawósií dirii'. Ala barnaxes afoodá' gaa iiaárií qaás, slafiingós gwaa ba/amís.

Matayo 2:12

Inooín Mungú giri gurbuú' ar baraá tlata as mindiwa dír Herodér ki/iyé'. Inooín tari waátl ar loohír hatlá'.

Matayo 24:15

«Qoomár kudá' tlaákw oo Hhitusmo bura aandé' aa sihhiít didaádá' hhoohhoó' i alé, kudaádá' aarusmo Danieli aa oó' (heé soomuús gídaabárós ngi tsaahhi),

Matayo 24:25

Ala ga/aawaagáy, aníng kuungá' naa geerií gurbuú'.

Matayo 24:38

Asma qoomár tluwoó da/atén iwa tluwiiká, muu ina /ayín nee ina wahán, slám tana duuxuxún nee kina duxuút, tam ay baalaadá' Noa iwa baraá miringamoowí dáh.

Matayo 3:7

Múk yaariír oo Farisayo nee oo Sadukayo kuna i daqáy, as ngiwa baatimiisi. Ala Yohane ngiwa ár giri báy, «Kuungá' xwaylár dáyshe, heé kuungá' naa gurbuu' sakwasleemár hi'iit kawa ilagogoba'?

Luka 17:26

Adoodá' aa tleehharut deelór Noawo, an adoodá' tleehharuut bál deelór Garmoó Heewo.

Rumi 1:17

Asma baraá Ya/abtór hhoe loohír Mungú kaa geehhooatís ar hee nguwa gan'amií harafaari as haratlintaao. Nee loohirí i haratlintaaór huwaahúp sleeme. Asma Gooi i kat, «Heé gan'amuú koóm gár ir slafi a haratlintaao.»

Rumi 10:6

Ala gan'amuudá' ta slaslay ar haratlintaao, gár i kaahi a tí, «Kuúng ma baraá muunaáwógí kaahaar, ‹Heé gawaá doorí tsa/ám a heemá?› » (Gídaabárós Kristo kunguwa baraá yaamií huwi.)

Rumi 3:22

Mungú gan'amuuwí gun hanmiis dír umuúqo heewo oo Yesu Kristo gwa haratlintii'. Ku hanmiis dír umuúqo heewo as haratlintaao. Asma barqaanti i káhh.

Rumi 4:11

Aluuwo kuri al/uútl. Al/utloorós a layár taa haniís nee Mungú adór inós kura gan'amií harafaár as haratlintaaoodá' i kon qoomár inós kuwa al/utliiká. Gawaá adoorihe Abrahamu tari baabuú mukdá' sleémeero taa al/utliniiká, kudá' haratlintaatiiá', as inooín sleeme kiwa gan'amií harafaari.

Rumi 4:13

Mungú al'axweesani gana oó' dír Abrahamu nee xwaylarós yaamu kiwa aali. Al'axweesantí kaa haniisiiká asma Abrahamu hara'aya ngiwa eehár, ala kana haniís as adoodá' inós kuwa gan'amuú i harafaár nee Mungú as haratlintaao.

Rumi 9:30

Ala gár ta ooaan a milá daanduú tihe? Mukduú xoordaá hatlá' oo gan'amu gwa leelehhitiiká dír Munguhe, inooín kaa gan'amuú i harafaár ar loohír haratlintaao.

Galatia 5:5

Ala atén, harahhifoorén a Mungú ti gan'amií harafaar. Gaarí an gár ta daamaaramaan ar haratlintaao ar /uuruú Qeeruú Mungú.

Filipi 3:9

nee niwa haragwaa' dirós i alé. Daxta aníng hotaá ganaa'á' awa naa sláw as hara'aya ngiwa boo/eés, i kahhiyá'. Hotaá ganaa'á' awa ni xuu' a kudá' kilós hee i slay as Yesu Kristo nguwa haratlintií', an kudá' amór Mungú dahhá', as haratlintaao.

Ebrania 11:1

Haratlintaao bar koomaán a ló'wa xuaán adór gadá' ta harahhifaan ir tleehharút, slám muruudá' ta araanaaká u tsaahhaán adór ir deér.

Ebrania 12:25

Ala qaytsité', Yésuudá' nee kuungá' axweesá' mu siaara'. Asma mukdá' Mungú gwa sii' iiárií qaasaro, qoomár iwa axweés baraá yaamu ar afór Mose, mukdá' aa ba/anká. Ala atén adór tar ba/aman a adoomá, barnaxes kudá' gawaá doorí wa axweés ugwa siaán?

Ebrania 5:7

Qoomár Yesu iwa baraakaá yaamuú wa hoót, Mungú guna i /aa/amín ar afór ur, nee ar hhirhheeri, guri firiirín nee nguwa ateetin. Asma Mungú inós gu aleesláy nguwa ba/amisi baraá gwa'araaro. Inós kuri iiárií qaás nee Mungú asma adoodá' tiwa niinaweés, nee adoodá' Mungú nguwa ilaiwawaá/.

Ebrania 8:5

Inooín gadiyeé ngin tleehhiyá'. Gadiyér'ín tidá' an adór slaqsaay nee hhaantamo oo muruú gawaá doori. Gawaá adoorihe inooín an adór Mose. Asma Mose heéma ngiwa tleehhamór wa slaá', Mungú guna báy, «Ga/aaweek, umuúqo gaaro tleehheek ar adór slaqsaydá' tinda kuúngií laqán gawaá tloomár wa ale.»

1 Petro 3:20

Mukwí an kudá' Mungú gwa sii' qoomár de'emaá Noawo. Qoomaadaádae Mungú ina daamarán ar qiqtliingw qoomár miringamoó úr kuwa tlehhiiti. Baraá miringamoodae múk niiná ina ba/án ar baraá ma'aay, inooín a dakaát kilós.

2 Petro 1:1

Anuú Simon Petro, lawaalmoó Yesu Kristo nee ya/abusmoowós, aníng barwaárí ngina gooiím amór mukdá' haratlintaaór afhhamít gaa slay, adór atén wa ale, ar loohír gan'amuú Mungú nee Ba/amusmoorén Yesu Kristo.

2 Petro 2:5

Mungú múk aáng gwa gurtlayká sleeme, ala tluwoó da/atén nguri huúw daanduú yaamaá múk tlákw. Heé aa ba/an a Noa kilós, kudá' kángw hotaá ganaa'á' gu alki/aa/iít, nee múk faanqw oo hatlá' iri ba/án sleeme dinkwa nee inós.

2 Petro 3:6

Ala yaamuudá' geera kina qwaareés sleeme ar ma'aay, ar ma'aydá' tluwoó da/atén.