Ebrania 11:5 - Biblía Axweesantá Hhohho' ar Mungú 2004

⁵ Enoki sleeme a heé haratlintaaór koóm. Gawaá adoorihe kuna loohatís nee Mungú ay baraá slafíngw hatlá', nee aa gwaaiiká. Kaa gooín, «Kwaa ariiká malé alé, asma Mungú guna ar tláy.» Asma Gooi i malé kat, qoomár inós kuwa ar tlayká, inós Mungú gwa qwal/atís.

Ya/abtór hho' 1977

⁵ Henoko sleeme a heé haratlintaaór koóm. Gawaá adoorihe kuna loohatís nee Mungú ay baraá slafíngw hatlá', nee aa gwaaiiká. Kaa gooín gídaabá, “Kwaa ariiká malé alé, asma Mungú gura tláy.” A xuaán gídaabá gaarí ina tleehharút asma haratlintaaoorós. Asma Gooi i malé kat gídaabá, qoomár inós kuwa ar tlayká, inós Mungú gwa qwal/atís.

Ebrania 11:5 Iomraidhean Croise

2 WAAWITÁ 2:1

Qoomaadá' iwa xeér ar AAKOÓ MUNGÚ Eliya nguwa ar tleemuú wa slai gawaá doori ar fur'ár bambaao, Eliya nee Elisha ta baraá loohírí dirii', ta Gilgalír daahh.

2 WAAWITÁ 2:11

Qoomár tawa hi'iimiti nee tawa axweesi ila nee tí gaárír asla nee faraásír asla Eliya nee Elisha giri parátl, Eliya kuri ar tláy gawaá doori ar fur'ár bambaao.

WARA'AMI 89:48

Heé hoót a gaalá oo gwaa'aaká? Heé gwa'ara ilagowto ga aleesláw a heemá?

YEREMIA 36:26

Aluuwo wawutmoodá' Yerame'eli garmoó waawutmo, nee Seraya garmoó Asrieli, nee Shelemia garmoó Abdeli, giri ya/aáw as goousmo Baruku nee aarusmo Yeremiawo kiwa ohin, ala AAKOÓ MUNGÚ inooín gina luú/.

Luka 2:26

Inós kwa geerií ádbáy nee Qeeruú hhoohhoó' oo Mungú gídaabá i gwaaiiká ay dír Krístó Aako ngway ari.

Luka 3:37

garmoó Metusela, garmoó Enoki, garmoó Yaredi, garmoó Mahalaleli, garmoó Kenani,

1 Tesalonike 2:4

Ala Munguúdá' muneerén ga xuú', inós Ya/abtór hho' ngina atén i saayín. Atén Ya/abtoorí an alki/iitaán ar adoodá' inós i slai. Atén heé ta sla'atimisaan i kaahh, ala heé ta sla'atimisaan a Mungú kudaádá' muneerén ga xuú'.

Ebrania 11:6

Ala heé haratlintaaór koomaaká, Mungú qwal/atisaro gu aleeslayká. Asma heé amór Mungú káw, gár kuwa hariím a in haratlintii' adór Mungú ir deér, nee Mungú mukdá' inós gu leelehhiít gu qeemií haniis.

Ebrania 2:9

Ala heé taa araán a Yesu. Inós qoomarka niinawe kuna qaás tawa heé niiná dír malaykeero, as kahhó' ar gurtleemuú Munguhe inós gwa'ara ngiwa tsaqi as daanduú umuúqo hee. Ala hamí kwaa slamángw xirif nee oo ilaiwa/ameérí dahaás, as slahh'amuuduú gwa'ara aa sláy.

1 Yohana 3:22

Nee umuúqo gár ta dirós i firiimana a slawaán, asma hara'ayaarós kawa eeharaharaan, nee adoodá' inós i slai kawa tlehhiitaan.

Yuda 1:14

Nee Enoki a heé faanqw alaá Adamuwo. Inós aari gana oó' daanduú mukwihe iwa kaahi, «Qaytsité', Aako naa hardáh nee malaykeerós ar hhohho' ar kumér kúm.