Ebrania 11:37 - Biblía Axweesantá Hhohho' ar Mungú 2004

³⁷ Kina tlaquút ar tlaa/e, nee kina siiqiít ar masumenadu, kina iiara'ár nee kiri tsuú/ ar paangadu. Inooín tana harweeriirín tawa tlabaá bee/ángw dahamiisi nee tlabaá aara. Inooín a múk liitlakwén oo ta slahh'eemisi nee oo ta muruú tlákw i tlehhiiti.

Ya/abtór hho' 1977

³⁷ Kina tlaquút ar tlaa/e, nee kina siiqiít ar masumenadu, kina iiara'ár nee kiri tsuú/ ar pangadu. Inooín tana harweeriirín tawa tlabaá bee/ángw dahamiisi nee tlabaá aara. Inooín a múk liitlakwén oo ta slahhe'eemiisi nee oo ta muruú tlákw i tlehhiiti.

Ebrania 11:37 Iomraidhean Croise

2 SAMUELI 12:31

Aluuwo múk gixsadá' guri ar tláy, giri qaás baraá gadiyeé. Xooslaá tar gadiyuusi a kuká': Masmeenadu nee sururuú muqsla, nee tsabuuwo, nee gadiyér matofaáli da/a/aangw kawa tleehhi. Adoorí an adór aa tlehhiít baraá gixsadu sleémeero awa múk Amoniwo. Alhhe'eesaywo Daudi nee muu sleémeero tari kií/ Yerusalemu.

1 WAAWITÁ 18:13

Xáy, kuúng gár ta xu' i káhha, qoomár aníng aaruusér AAKOÓ MUNGÚ ngiwa luú/, qoomár kiwa tsu/i nee Yesebeli. Aníng aaruusér tsiiru ana luú/ baraá mar'o, daqooráy tsár oo mibeeri kooán, kooán nee ngiri muruú /ayma nee ma'aá wahángw i hanmiís.

1 WAAWITÁ 18:4

Nee qoomaadá' Yesebeli iwa aaruusér AAKOÓ MUNGÚ tsu/, Obadia aaruusér tsiiruú wák gana lu/tá áy baraá mar'o, umuú mar'iro muu mibeeri kooán, nee giri muruú /aymár i huwahuúw nee ma'aá wahaango.)

1 WAAWITÁ 19:1

Waawutmo Ahabu do'o iwa hardáh kangwdaádá' Eliya a tleéhh, nee adoodá' aaruusedár Ba'ali ngira tsuú/, gari alki/iít dír hareerós Yesebeli.

1 WAAWITÁ 19:10

Eliya iri oó', «AAKOÓ MUNGÚ, Munguú Aleesleemusmo, aníng da/i ina ló'wa ót as kuúng, nee as múk Israeli kudá' alqadoorók gaa sii', kiteeriwók kudaá ilahhooa ngaa fee/iyé' nee aaruuserók sleémeero ngaa tsu/iyé'. Aníng kilooeé' ana meét, slám hamí i gaasár wa slaiyá'.»

1 WAAWITÁ 19:13

Naagáy Eliya afoorí ngiwa axaás gitsee/aawós giri tuuntuúk ar hiyaywós, iri ti'iít dír afkú mar'idá'. Afo gari axaás i kat, «Eliya, kuúng ma tléhh diirihe?»

1 WAAWITÁ 19:14

Inós iri oó', «AAKOÓ MUNGÚ, Munguú Aleesleemusmo aníng da/i iga ló'wa ót as kuúng, nee as múk Israeli, kudá' alqadoorók ngaa si'iye', kiteeriiwók kudaá ilahhooa ngay fee/iyé'. Aníng kiloeé' ana meét, slám hám i gaasár wa slaiyá'.»

1 WAAWITÁ 19:19

Eliya iri tláy didae, Elisha garmoó Shafati guna baraá dooslárí áy. Didaádae daqooroó awe mibaá nee tsár ar doosla i deer, nee awér Elisha ir doosli i alaá saawá' i dirí'. Naagáy, qoomár Eliya iwa waaraahhi hiyaywós guri duúx, guri kwaáhh gawaá Elisha.

1 WAAWITÁ 21:10

Daqaní múk tsár oo gu lamtí tsaát ku sleerá', oo gu báw, ‹Kuúng waawutmo nee Mungú iga /ooslisliín.› Daqaní ku tsee/í duxá', ku tlaa/ér tlaqutá', i gwaai.»

2 WAAWITÁ 1:8

Inooín tari oó', «Heedaádá' hiyoó se'éngw koóm guna dahaás, nee himuú kaahari i gawaá afeetlaawós.» Waawutmo iri oó', «Heesíng xaa a Eliya kuduú Tishbe.»

2 WAAWITÁ 2:13

Naagáy tlawuuduú Eliya aa gawaawós i huu', guri taataáhh, iri kií/, iri sihhiít dír gaangeefír yaaér Yordani.

2 WAAWITÁ 2:8

Eliya tlawuwós guri duúx guri marmaár, ma'aay giri slaáhh, ma'aay nay tla/aa qasitiyé' bihhe tsár, inooín tari yaamaá kaahaár waaraáhh ay gayuuqá'.

1 QOM'I 20:3

Inós múk gixsarí guna ar tláy amór do'ós i alé, nay do'ós wa gadiyusiyé' ar musumeéno, nee kureemaá muqsla nee tsabu. Inós gixsadaá Amoni sleémeero gina adoorí laáq. Alhhe'eesaywo Daudi nee muu sleémeero tay kií/ Yerusalemu.

2 QOM'I 24:21

Ala inooín nguna fuqurángw i tleehhiyé', nguri tlaquutiyé' ar tlaa/e, nguri gaasiyé' ar afkú waawutmo baraá afeenír Doó AAKOÓ MUNGÚ.

YEREMIA 2:30

Aníng mukók una muúx ala naa ya/ani'iiká, inooín dakuúsar'ín ngiri si'iyé', aaruuserhúng kana tsuú/ ar lawluuhúng adór dirángw slahhaá' kawriro.

YEREMIA 26:23

Inooín Uria nguna ar ki/iyé' baraá yaamaá Misrír wa alé, nguri huwiyé' ay dír waawutmo Yehoyakimu. Waawutmo heedaádá' guri gaás ar paánga nee tuuaarós kari foól dír /antaá geeraharuuserooká.

SEKARIA 13:4

Baalaadár kilae umuúqo aarusmoowo iigu'utuwós gun murér wa ar, tam hiyaydá' se'éngw koóm nguri mayá' dahamisuwo as muu mukuwa malé al/agín.

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

Matayo 21:35

Ala doosluuseedá' sagadiyuuseedá' gari ohiín, oo wák kuri muúx, oo hatlá' kuri gaás, nee kuqá' kuri tlaquút ar tlaa/e.

Matayo 3:4

Yohane tlawuú aa tsiít kuna tleéhh ar se'éngw angamía, nee afetloowós a himuú kaahari, nee muruú /aymaarós a ingigi nee danuú darma.

Matayo 8:20

Yesu iri oó', «Intsaawe i mar'ór koón, nee tsir/o i maray'ín koón, ala Garmoó Hee tam dír sagós nguy qaasi i káhh.»

Luka 13:34

«Yerusalému, Yerusalému, kiíngadá' aaruusér tsu/a/iim, nee kudá' tinda amoorók ya/aáw kiwa tlaqwaqut ar tlaa/e. A sagaáwa magá' án mukók nguwa burumburtá wa slaa', adoodár koonki tsiioorós ngir burumburariin baraá hhaampi'iiwós, ala kuungá' aga ya/aandi'iiká.

Tlehhema'aá ya/Abuuse 14:19

Mukko Yahudi niri hardáh, i Antiokiár daahh nee Ikonio. Mukwí boo/aay guri harakeemiís. Aluuwo inooín Paulo kuri tlaquút ar tlaa/e, kuri duuruxún ar yaamu ay tsee/aá gixsa. Inooín geeraawo ka xui aa qaroó gwaá'.

Tlehhema'aá ya/Abuuse 7:52

Baabi'iihúng aaruusér taa máy gusisiingo a gaalá? Inooín aaruuse kana tsuú/, tidá' aa aaririin iwa kat, Kudá' Ganaá' ni hardah. Hám kuungá' ugwa saki/é' kuri gasé'.

2 korinto 12:10

Gawaá adoorihe aníng a qwalaá/ aníng barnaxes ti daqaatlaákw, laqaá tam ti muruú tlákw i tlehhiít, laqaá tam a daawimiít, laqaá tam ti gusiisín, nee laqaá tam ti slahh'eemiís as Kristo. Asma aníng barnaxes ti daqaatlaákw, daqaní aníng a /uuruú koóm.

Ebrania 11:25

Iri tsawdín slahh'amaaye ngiwa slaslay dinkwa nee múk Mungú, ta iwa qwalaala/i ar har qoomár niinawe baraá tlakweemaá wa ale.

Ebrania 13:3

Mukdá' taa tsegiít baraá doó tseegamo, inslaslaawaak. Kuungá' sleeme masók an adór múk taa tsegiít dinkwa nee inooín. Tam mukdá' ta slahh'eemisi sleeme inslaslaawaak, asma kuungá' sleeme a múk slaqwaá koóm adór inooín wa ale.

Geehhoeemaá 11:3

Nee aníng lamabu'uuser'eé' ar tsár a ya/aáw. Inooín tari aarirín deelo kumuú wák nee tsiire tsár nee mibeeri lahhoó'. Inooín tsitay'ín a guniyadu.»