Ebrania 11:33 - Biblía Axweesantá Hhohho' ar Mungú 2004

³³ Mukwí a múk haratlintaaór koóm. Inooín waawituú yaamaá hatlá' nguri baaliyé', adór ganaa' ngiri tleehhiyé', ngiri tsaahhiyé' adór al'axweesantá Mungú kara boo/eés. Slám inooín afér direeri ngiri tseegiyé',

Ya/abtór hho' 1977

³³ Mukwí a múk haratlintaaór koóm. Inooín waawituú yaamaá hatlá' ngurir ba/iyé', adór ganaa' ngiri tleehhiyé', ngiri tsaahhiyé' gídaabá al'axweesantá Mungú kaa boo/eés. Slám inooín afér direeri ngiri tseegiyé',

Ebrania 11:33 Iomraidhean Croise

2 SAMUELI 10:12

Ala /atláng, hhawaati'isáng, tawa slaqwaan as mukrén nee as gixsadaá Munguúrén, AAKOÓ MUNGÚ adoodá' atén wa qoom ngi tleehhi, adoodá' inós ngira ár.»

2 SAMUELI 8:15

Gawaá adoorihe Daudi iri waawuti'ín daanduú múk Israeli sleémeero, gari ara hhe'eés adór mukós sleémeero kur gan'amií tlehhiiti adoodá' kus hariím.

1 WAAWITÁ 13:28

Aakoodá' iri tláy, tuuaadár heé Mungú gari baraá loohírí áy, diraangw nee daqwaywós i bihhaawós wa sihhimiitiya'. Diraangw tuuaadá' gaa /ayiiká tam daqwaydá' gwaa oohiká.

WARA'AMI 144:10

Kuúng an kudaádá' baali ga hanmiís dír waawitá. Kuúng sagadiyusmoowók Daudi una ba/amís.

WARA'AMI 91:13

Diraangw nee dayshamo in adarát, na/oó diraangw nee waasla in ya'ár naasuúr.

Matayo 5:12

Qwalaala/é' nee baraa/é', asma bu'utuhúng ku úr gawaá dooriiwo. Asma adoosíng an adór aaruuseedár aáng kaa /imiís.»

Galatia 3:16

Ala Mungú al'axweesantós gana oó' dír Abrahamu nee oo wák baraá xwaylarose. Al'axweesantí i katká, «dír xwaylarós.» Gawaá adoorihe a dír múk yaariireeká. Ala al'axweesantí gár i kat a «dír oo wák baraá xwaylarose.» An heé wák, nee heewí an Kristo.

2 Timoteo 4:17

Ala Aako ina sihhiít dinkwa nee aníng, aníng iri /uurií haniís. Asma Aako gár i slai a aníng Ya/abtór hho' an alki/iít, as múk xoordu sleémeero ngiwa axaasi. Aníng tiri baraá afkú dirángw wa ba/amís.

Ebrania 10:36

Kuungá' gár tunduwa hariím an qiqtliindá', as adoodá' Mungú aa slaá' kawa tlehhita', nee gadaádá' inós aa oó' baraá al'axweesantose kawa sleera'.

Ebrania 11:17

Abrahamu a heé haratlintaaór koóm, tam garmaawós oo kilós Isaka guri ilahhooár wa haniís, qoomár Munguú Abrahamu nguwa iiár, Abrahamu an kudá' Mungú aa al'axweesantós i haniís. Ala Abrahamu ina ya/án garmaawós oo kilós nguwa ilahhooár wa haniisi,

Yakobo 2:18

Laqaá daqtakaaro heeko i ooi, «Kuúng gár ta koon a haratlintaao, aníng gár ni koom a tlehhemi'i.» Ala gár án ni oo' a tí, «Haratlintaaoorók tidá' tlehhema'aá koomaaká laqaamang, adór tar haratlintaaór ló', nee daqaní aníng haratlintaaor'eé' ngi laqaám ar loohír tlehhemi'i, adór tar ló'.»

1 Petro 5:8

Kuungá' masók a múk qoóm. Dalaaé', asma wakusmoohúng, Neetlaangw, i adór dirángw wa harweerirín, kudá' aahhamiím, as heé i gu/i nguwa leelehhiiti.

HAR'OHUUSE 4:1

Alaá Ehudi iwa gwaá' xoorór Israeli tlakweema gina malé tléhh dír ilaá AAKOÓ MUNGUHE.

1 SAMUELI 12:4

Inooín tari oó', «Taa malguská, slám taa hara/uuntsindiiká, slám tam gár taa dákw heéwaá ilaót i káhh.»