Ebrania 11:16 - Biblía Axweesantá Hhohho' ar Mungú 2004

¹⁶ Ala a yaamuudaeeká. Ala yaamaá inooín ta leelehhiiti an yaamuudá' ak hhoo', an doori. Gawaá adoorihe Mungú i murumiitiiká kuwa babay a Munguúín. Asma inós gixsár inooín ta hooti gaa tleéhh.

Ya/abtór hho' 1977

¹⁶ Ala a yaamuudaeeká. Ala yaamaá inooín ta leelehhiiti an yaamuudá' ak hhoo', an yaamaá gawaá doori. Gawaá adoorihe Mungú i murumiitiiká kuwa babay a Mungúín. Asma inós gixsár inooín ta hooti gaa tleéhh.

Ebrania 11:16 Iomraidhean Croise

IIMU/UUNGW 26:24

Xweeradaá kilae AAKOÓ MUNGÚ guri i ti'iít, guri báy, «Aníng an AAKOÓ Munguú baabuúwók Abrahamu. Ma da'ayumiitaar, asma aníng nee kuúng a dinkwa. Án kuúng u tsuúq, nee xwaylarók ngiri tlahhás as sagadiyusmooeé' Abrahamu.»

IIMU/UUNGW 28:13

Nee ga/aaweek, AAKOÓ MUNGÚ aa sihhiít gawaá tsa/a/amtoodaádí alé. Yakobo guri báy, «Aníng an AAKOÓ MUNGÚ, Munguú Abrahamu baabuúwók, nee Munguú Isaka. Yaamusíng taa i qát án ngi kuúng i haniís nee xwaylarók.

TI'INAANGW 3:15

Mungú Mose guri malé báy, «Múk Israeli gár ku beer a tí: AAKOÓ MUNGÚ, Munguú baabi'iihúng, Munguú Abrahamu, nee Munguú Isaka, nee Munguú Yakobo, aníng iga amorhúng i ya/aáw. Umuuwós an kwí ay alhhe'eesay wasle, nee adoorí an adór tir inslaslay baraá qari sleémeero.

TI'INAANGW 3:6

Mungú iri malé oó', «Aníng a Munguú baabuúwók, Munguú Abrahamu, nee Munguú Isaka nee Munguú Yakobo.» Mose ilaawós giri luú/ asma qaytsitár amór Mungú gana da'ayuút.

TI'INAANGW 4:5

AAKOÓ MUNGÚ Mose guri báy, «Daqaní inooín i haratlintii'iyá' adór AAKOÓ MUNGÚ, Munguú baabi'ii'ín tira dirógí laqán, Munguú Abrahamu, Munguú Isaka nee Munguú Yakobo.»

YEREMIA 31:1

AAKOÓ MUNGÚ i kaahi, «Qooma i hardát ar aníng tawa Munguú tlahh'aá múk Israeli, nee inooín tari muk'eé'.»

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Marko 12:26

Daanduú waasle/uú múk aa qatli, án kuungá' nu yaahaás, ‹Aga soomuusi'ikáhe baraá kitaábuú Mosewo, didár kángw kitkintiro?› Didae gár taa gooín a tí: Mungú Mose guna báy, ‹Aníng a Munguú Abrahamu nee Munguú Isaka nee Munguú Yakobo.›

Marko 8:38

Asma umuúqo heewo oo aníng i samurumiít, nee as axweesante'eé', baraá mukuú de'emaaká' oo fuquuse nee tlakuuseero, heé adoorí ku samuruut nee Garmoó Hee, qoomár Garmoó Hee birna hardáh ar xirfuú Baabuúwós dinkwa nee malaykér hhohho'.»

Luka 12:32

«Ma da'ayumitaara', kuungaá daqtá niina. Asma Baabuúhúng gaa slaá' waawuti'iimadá' ngiwa haniisi.

Luka 20:37

Mose sleeme ngaa oó' ar geehhoeema adór muu ir waasleé/. Dír ki gooín a dír kangwduú kitkiinti. Didaádae kángw Aako guna oó' adór tar, ‹Munguú Abrahamu nee Munguú Isaka nee Munguú Yakobo.›

Yohana 14:2

Dír doó Baabuúeene hotángw yaariír i deer. Geera bar adooriheeká, án kuungá' naa ádbáw. Asma án hám a tláw, hotangwhúng nguwa amohhe'eesár aw.

Tlehhema'aá ya/Abuuse 7:32

‹Aníng a Munguú baabi'iiwók, Munguú Abrahamu nee oo Isaka nee oo Yakobo.› Mose iri daaraxaát, iri naá/ tam qaytaro.

Filipi 3:20

Ala atén a yaamuloouusér gawaá doori. Slám atén Aakoorén Yesu Kristo u daamaaramaán niwa hardihi gawaá doorí wa aleeró, tiwa ba/amisi.

2 Timoteo 4:18

Aako aníng i ba/amis baraá umuúqo gár tlaakwe, nee iri amohhe'eemiis ay dír ni hardah baraá waawuti'iimarós ar gawaá doori. Inós i xirfuuti ay alhhe'eesay wasle. Amin.

Ebrania 10:34

Kuungá' ana slahhahhaé' dinkwa nee mukdá' taa tsegiít. Slám muu muruuhúng nguwa hayohín, kuungá' adoodá' ana ya/aandé' ar qwal/amaaye. Asma kuungá' aga xué' adór daqaari'iimarhúng ar hatlá' ir deér, tidá' baloó faakaaká.

Ebrania 11:10

Asma Abrahamu gár i haraxui, a gixsadá' Mungú aa geerií aldakuút as ngiwa tleehhi, nee gari tleéhh, gixsadá' iihhafiirír hhoo' ga koom.

Ebrania 11:14

Múk axweesantá adór tí ga axweemaamiís, ga laqaqán adór inooín ayaaín oo kilá' kur leelehhiít.

Ebrania 11:40

Asma Mungú gár ak hhoo' gaa amohhe'eés iimír aáng wa ale as atén. Inós gár i slai a boo/eesár axweesantós inooín makawa i giirín hardahamuuwo ta atene, ala masók an al i hardahaán.

Ebrania 12:22

Ala kuungá' tloomár taa i hardaté' a tloomár Siyoni, nee Yerusalemúr gawaá doori gixsár Munguúdá' slaáf, nee amaqawár yaariir ar malayke.

Ebrania 13:14

Asma baraakaá yaamuwo gixsár ak hoot a koomanaaká, ala atén gixsadá' hardah an leelehhiitaán.

Ebrania 2:11

Inós tlakweemaá muu gin hheehhe'eemiis. Inós nee mukdá' ta tlakweema hheehhe'eemiisi Baabuúín a wak. Gawaá adoorihe inós i murumiitiiká inooín ngiwa hhaeewós ar ateetin.

Geehhoeemaá 21:2

Gixsadá' hhoohhoo' ngiri ár, Yerusalémúr /aben, i gawaá doorí wa awdít, amór Mungú wa ale. Gixsadá' kaa tsiitiís adór dasír ta duxuuti, ar taa parootuús as garmaadá' ga duxuút.