Ebrania 11:13 - Biblía Axweesantá Hhohho' ar Mungú 2004

¹³ Mukwí sleémeero ina qaátl, tawa baraá haratlintaaór i dirii'i. Ala muruudá' Mungú aa al'axweés inooín kwaa slayká. Kuna ár amór saáw i alé, kuri sa qwalaalaá/. Nee adór inooín tar dahaaye nee aauuse baraá yaamuwo kari ya/an.

Ya/abtór hho' 1977

¹³ Mukwí sleémeero ina qaátl, tawa baraá haratlintaaór i dirii'i. Ala muruudá' Mungú aa al'axweés inooín kwaa slayká. Kuna ár amór saáw i alé, kuri sa qwalaalaá/. Nee tari ya/án gídaabá inooín a dahaaye nee aauuse baraá yaamuuwo.

Ebrania 11:13 Iomraidhean Croise

IIMU/UUNGW 21:34

Abrahamu iri hoót deelór yaariire baraá yaamaá Filistír wa alé tawa /eetusmo.

IIMU/UUNGW 23:4

«Án niwa hoót a adór dahaaymo nee /eetusmo baraá tla/angwhunge. Yaamaá niina dir'eé' weerisaare', awa muk'eé' nguy foliit, as dír tuuár harer'eé' ngi fool ngiwa slaw.»

IIMU/UUNGW 25:8

Kureeraá yaariir gina hoót, diimaay guri daáhh.

IIMU/UUNGW 47:9

Yakobo Farao guri báy, «Kureeraá naa hoót tawa adór aausmo a tsiiru nee mibeeri tám. Kureeriiká' ki niina, slám awa slahh'amaayér koomá'. Ala adór kureeraá taati'iieé' naa dahi'iimár hootiyé' ngaa ay'iiká.»

IIMU/UUNGW 48:21

Aluuwo Israeli Yosefu guri báy, «Daxta aníng gwa'arar'eé' naa hamát, ala Mungú a dinkwa nee kuungá', inós kuungá' nu ki/is ay baraá yaamaá baabi'iihúng.

IIMU/UUNGW 49:10

Yúda, hhartá waawuti'iima i baloó qutlaaká diroge, nee xwaylarók deelo sleémeero in waawuti'iín, ay dír heé waawuti'iima loó' nay hardihi, kudá' xoordu ni ilaiwawa/iya'.

IIMU/UUNGW 49:18

«Aníng ba/amarók an daamaraám, aá Aakoó Mungú.»

IIMU/UUNGW 49:28

Kuká' an tlahh'aá mibaá nee tsár awa múk Israeli, nee gaarí an /aymi'iidá' baabuúín aa káh qoomár ngiwa tsuúq. Umuú heewo ar adoodá' inós wa hariim.

IIMU/UUNGW 49:33

Yakobo alqaduuwós ngiwa hhe'eés ooaro dír daaqaywose, ya'aawós giri gawaá qatnírí tsa/aás, hiinsluú alhhe'eesáy guri uuruúx, iri tsatiít.

IIMU/UUNGW 50:24

Yosefu hhaeewós giri báy, «Án hám gwa'arar'eé' naa hamát. Ala Mungú niqo hardah dirhúng i alé, as nuwa duuxi baraá yaamuká' Misriro ay dír yaamuudá' aa oó' dír Abrahamu nee Isaka nee Yakobo.»

YOBU 19:25

Asma aníng a xuú', ba/amusmooeé' i slaaf, nee adór alhhe'eesaywo ir sihhiít gawaá daanduú yaamu, aníng iri aleekalaa/.

WARA'AMI 119:19

Aníng a adór dahaaymoó waaraáhh baraá yaamuwo, hara'ayarók ma lu/aar dir'eene.

WARA'AMI 39:12

AAKOÓ MUNGÚ, firor'eé' axaaseek, /aa/ee'eé' iiárií qaaseek, ma xasliitaar qoomár bar /aa/amiím! Asma aníng a dahaaymoowók oo waaraáhh, aausmo adór baabi'iieé' sleémeero.

TI'INAANGW 2:22

Sipora na/oó garma guri xwayluúr. Mose iri oó', «Aníng an dahaaymoó baraá yaamaá ni xuaaká.» Naagáy umuú na/aydá' guri báy Gershomu.

TLAHHOÓ LAÁWI 25:23

«Yaamu mi baloó weerisaara', asma a kwe'eé', nee kuungá' a dahaaye, nee aauuse baraá yaamueene.

FAARO 10:30

Ala Hobabu Mose guri báy, «Aasla'áy, aníng nee kuungá' ti alkoomanaaká, ala aqo an kií/ baraá yaamuueé' nee amór hhaee'eé'.»

FAARO 24:17

Kudá' hardáh u ga/áw, ala a hamiheeká, una ár ala ku tseeweeká. Baraá xwaylár Yakobowo tsatsee/i ni ti'ít, waawutmo ni tla/ángw múk Israelír wa ti'iit, ar hhartós tidár waawuti'iimaro múk Moabu gun baal, xwaylár Seti sleémeero gari qororo'oos.

Matayo 13:17

Án a kah, aaruusér yaariir nee múk hota ganaa'aá' kana slaá' arto tidá' kuungá' ta ga/eera', ala kaa ariiká. Nee kari slaá' axaasaro tidá' kuungá' ta axamisa', ala kaa axaasiiká.»

Yohana 12:41

Axweesanaywí aarusmo Isaya guna oó', asma inós xirfuú Yesu guna ár, nee kangós guri axweés.

Yohana 8:56

Abrahamu, baabuúhúng, ina baraá/ asma deelor'eé' ngiwa ari. Inós gay ár, iri qwalalaá/.»

Rumi 4:21

Nee slám al'axweesantá Mungú gari haraxuú' adór Mungú tidá' aa dir'ínií al'axweés ngir aleesláy tleehhamooro.

Rumi 8:24

Asma atén ana ba/amán ar baraá haraxu'uti. Ala gadá' taa haraxuaán barnaxes aga araán adór kara boo/eés, gadá' daqaní a haraxu'utirooká. Asma hee gadaádá' i ga/ay adór ngir haraxui?

2 korinto 4:18

Asma atén muruudá' gehhó' u ga/aawanaaká, ala muruú ta ga/aawaan a kudá' getlákw. Asma muruudá' gehhó' oo har qoomár niina kilós, ala kudá' getlákw oo alhhe'eesay wasle.

2 korinto 5:6

Gawaá adoorihe atén deelo sleémeero haraxu'uti a koomaán, nee slám a xuaán qoomaarí atén tawa hootaan baraá slaqooká' wa ale, atén dír Aakoowo a kahhaán.

Efeso 2:19

Ala daxta kuungá' a dahaayeerooká, slám a múk waaraahhaaká, ala an yaamuloouuse dinkwa nee múk hhohhó', slám a múk doó Mungú.

Ebrania 11:14

Múk axweesantá adór tí ga axweemaamiís, ga laqaqán adór inooín ayaaín oo kilá' kur leelehhiít.

Ebrania 11:17

Abrahamu a heé haratlintaaór koóm, tam garmaawós oo kilós Isaka guri ilahhooár wa haniís, qoomár Munguú Abrahamu nguwa iiár, Abrahamu an kudá' Mungú aa al'axweesantós i haniís. Ala Abrahamu ina ya/án garmaawós oo kilós nguwa ilahhooár wa haniisi,

Ebrania 11:27

Mose ina yaamaá Misrír wa tláy ar haratlintaao, tam xaraasleemaá waawutmo gaa da'ayuutiiká. Asma ina kumiít ar pihh'uuma adór heé Munguúdá' geetlaákw gu ga/áw.

Ebrania 11:39

Mukwí sleémeero kuna ya/án nee Mungú as haratlintaaor'ín, ala gadaádá' Mungú aa al'axweés ngaa slay'iiká.

1 Petro 1:1

Anuú Petro, ya/abusmoó Yesu Kristo, barwaárí ngina gooiím amór múk taa tsawaár oo Mungú, oo aa diyaayaa/aat, oo baraá yaamaá dahaayi'iimár wa hoót, baraá yaamaá Ponto nee Galatia nee Kapadokia nee Asia nee Bitinia.

1 Petro 1:17

Kuungá' Mungú bur firiiriindá', un Baabár ateetiindá', inósuudá' umuúqo heewo gu sakwasleemuút ar qoomoó tlehhemi'iiwós ar barqaanti wasle. Gawaá adoorihe, kuungá' hooté' ar Mungú kuwa ilaiwawa/a' baraá qoomaarí tawa hota' baraakaá yaamuú wa ale adór dahaaye.

1 Petro 2:11

Sla'aaruuser'eé', kuungá' a adór múk waaraáhh nee adór dahaaye tawa hota' baraakaá yaamuwo. Ala án kuungá' nu gurbuú', kuungá' ti harmagahhe' nee ilatleeri sleémeero ar slaqwa, asma i sláqw nee qeeru.

1 Yohana 3:19

Gawaá adoorihe daqaní a xuaán adór atén tar múk looeema, nee tari gurkwa/aán dír geeraawose,