Ebrania 11:12 - Biblía Axweesantá Hhohho' ar Mungú 2004

¹² Gawaá adoorihe Abrahamu xwayla gari sláy, inós tam a adór heé aa gwaai. Nee heewí wák xwaylarós ka yaariir tam faarooro ka aleeslayká. Faaroorós a adór tsatse/uú gawaá doori, nee adór hhasángw baraá afaá tlawi.

Ya/abtór hho' 1977

¹² Gawaá adoorihe Abrahamu xwayla gari sláy, inós tam a adór heé aa gwaai. Nee heewí wák xwaylarós ka yaariir tam faarooro ka aleeslayká. Faaroorós a adór tsatse/uú gawaá doori nee adór hhasángw baraá afaá tlawi.

Ebrania 11:12 Iomraidhean Croise

IIMU/UUNGW 15:5

Mungú Abramu guri tsee/ií huúw, iri oó', «Gawaá doori i qaytsiteek daxta, tsatse/ faareek, bur aleesleér faarooro.» Guri malé báy, «Adoorí an adór xwaylarók i diri'.»

IIMU/UUNGW 22:17

án daxta kuúng u ló'wa tsuúq, nee xwaylarók an ló'wa tlahhás, tari adór tsatse/uú doori nee adór hhasángw afaá tlawi. Nee xwaylarók wakuuser'ín gari bál, nee gari sawaawuti'iín.

IIMU/UUNGW 26:4

Xwaylarók an tlahhás tawa adór tsatse/uú doori, nee yaamuká' sleémeero ngiri dir'ín i haniís. Ar baraá xwaylaroge xoordu sleémeero awa yaamu ki tsuuq.

IIMU/UUNGW 32:12

Inslaweek kuúng án ina al'axweesántí hanís ar iwa hhooárí tlehh, nee xwaylar'eé' kawa tlahhas adór hhasángw afaá tlawi, kudá' faaro ga ya/aamaaká.»

2 SAMUELI 17:11

Gár aníng ni oo' a tí, múk Israeli sleémeero amoorók ti burumbut, iimír Danír wa oohang ay Be'er-sheba, ayaá basa, masók ki yaariir adór hhasángw afaá tlawtá wa ale, nee kuúnguú kilá' ta daqeér baraá slaqwara.

1 WAAWITÁ 4:20

Xoorór Yuda nee ar Israeli ki ló'wa yaariir adór hhasángw afaá tlawi, nina /ayné' nay wahané', niri qwalaala/iyé'.

1 QOM'I 27:23

Ala waawutmo Daudi múk Israeli oo kureeri mibeeri tsár gaa ayká gwaa faariiká. Asma AAKOÓ MUNGÚ al'axweesani gana oó', adór múk Israeli ngur tlahhás adór tsatse/uú gawaá doori.

NEHEMIA 9:23

Xwaylar'ín kari tlahhás adór tsatse/uú doori, kiri húp ay baraá yaamuudá' taa baabi'ii'ín i al'axwés as ngiwa aaliya'.

TI'INAANGW 32:13

Sagadiyuuseerók Abrahamu nee Isaka nee Yakobo inslaweegáy, kudaádá' kuúng lo'o kasa /ák ar umuuwók nee kiri beér, ‹Aníng xwaylarhúng a tlahhás adór tsatse/uú gawaá doori, nee yaamuuká' sleémeero aníng naa dirhúng i al'axweés, aníng i haniís dír xwaylarhúng i ale, inooín kiri aal ay alhhe'eesáy wasle.› »

ISAYA 10:22

Asma mukók oo Israeli tam ku yaariire adór hhasángw afaá tlawi, aqo har panoó niiná kilós nin kii/, hhaamisa kaa geerií oó', nee gan'amu aa tleehharuút.

ISAYA 48:19

Xwaylarhúng geera a adór hhasaangw. Geera ki ló'wa ur adór hhasaangw umer'ín geeraawo ka baloó qwaareesiiká laqaá ki baloó hhaamiisiiká dír geeraaeene.»

YEREMIA 33:22

Aníng faarór xwaylár sagadiyusmooeé' Daudi a doók, nee faarór kaahamuusér Mungú tidár tlahhoó Laáwiwo, tari adór tsatse/uú gawaá doori kudá' faarooro ta aslayká, nee adór hhasángw afaá tlawi.»

HOSEA 1:10

Aluuwo faarór múk Israeli a adór hhasángw afaá tlawi oo qoomay wásl, nee oo faaroro ta aslayká. Adoodá' geeraawo kiwa bay, «Kuungá' a muk'eeneeká,» daxta kin tundun bay, «Na/aá Munguúdá' slaáf.»

HABAKUKI 1:9

«Inooín sleémeero nin hardihiyá' as malgu'uuma ngiwa tleehhiya', gitsee/er'ín i xarásl adór fur'ár da/aá daahh, nee múk taa haasaáng wa ohín kun buruumbuur adór hhaasaángw.

Rumi 9:27

Nee aarusmo Isaya ina axweés sleeme daanduú múk Israeliwo, iri tseé' iri oó', «Múk Israeli tam ku yaariire adór hhasángw afaá tlawi, ala múk ba/ám baraaine ku niiná.

DABE 1:10

AAKOÓ MUNGÚ, Munguúhúng, kuungá' naa tlahhás, hám laarí tundu ló'wa yaariír adór tsatse/uú gawaá doori.

DABE 28:62

Tam geeraawo kuungá' tundu ure adór tsatse/ú gawaá doori, ala kuungá' an faká', asma afór AAKOÓ MUNGÚ, Munguúhúng aga iiárií qaasi'iiká.

YOSHUA 11:4

Inooín slaqwaruusér yaariir ngiri burumburiyé' nee farsuú slaqwara oo gaardaá uuruxuúm oo faarooro ta aslayká adór hhasángw afaá tlawi.

Geehhoeemaá 20:8

Inós niri ti'iit as xoordu ngiwa al/agin, kudá' baraá bihhe tsiyahhaawo ar yaamií diriiá', kudá' ta babay Gogu nee Magogu. Xoorduuká' kiri burumbuur as slaqwara. Faaror'ín a adór hhasángw afaá tlawti.

HAR'OHUUSE 7:12

Múk Midiani, nee múk Amaleki, nee múk hatlá' sleémeero oo da/aá daáhh xatsa ngaa qaroó alqaatiyé', yaareemaawo a adór ingigi, nee inooín angamíár yaariir adór hhasángw afaá tlawi ngi koná'.

1 SAMUELI 12:5

Inós inooín giri báy, «AAKOÓ MUNGÚ nee waawutmoowo a lamabu'uuse laarí, adór kuungá' gár tlaakw taa sleeré' dir'eene ir káhh.» Inooín tari oó', «AAKO a lamabu'usmo.»