Ebrania 10:5 - Biblía Axweesantá Hhohho' ar Mungú 2004

⁵ Gawaá adoorihe, qoomár Kristo niwa hi'iiti baraakaá yaamu Mungú guri báy, «Kuúng gár ta sla' a ilahhooarooká, laqaá ilahhooár hikwaá ta tsu/i a sla'aká. Ala slaqwa ngina aníng i hanís.

Ya/abtór hho' 1977

⁵ Gawaá adoorihe, qoomár Kristo niwa dahmaá slai baraaká' yaamí alé, iri oó' dír Mungú gídaabá, “Kuúng gár ta sla' a ilahhooarooká, laqaá hikwaá ilahhooarooká. Ala slaqwa ngina aníng i hanís.

Ebrania 10:5 Iomraidhean Croise

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

ISAYA 1:11

AAKOÓ MUNGÚ i kaahi, «Ilahhooár yaariir ar muruú ta tsu/i garós a milá? Aníng aga hhe'eés ilahhooár da/a/aangw ar gwaandaawe, nee di/tá makaá na wahhaaditi'i, Aníng tseerér awe, laqaá ar deeloó bee/aangw, laqaá ar gurtaawe i sla'atamiská.

ISAYA 40:16

Xaa'aá Lebanoni nee makaydaá Lebanoniro sleémeero i bu'uutiaaká ilahhooár da/ato.

ISAYA 7:14

Gawaá adoorihe, Aako laya ngi kuungá' i haniis, /amaatliito'o i tsít, na/oó garma gu xwayluúr, nee gu umií tsát gu beer Imanueli.

YEREMIA 31:22

Ta baabaqaamamisa' ay xaylá, kuungaákaá inkihhimu wasl? Asma aníng gár dimbé, ar /aben daanduú yaamuwo aga tleéhh, ‹/Ameeni hhawaata gu xuún.› »

YEREMIA 6:20

Asma milá misa ubaánír amór Shebár daáhh i hubé' tidá' mooyángw tsuú' koom? Nee uúdi ar mooyángw tsuú' koom mis nga amór yaamaá saáw wa hubé'? Ilahhooarhúng tidár da/a ka ya/aniká, laqaá ilahhooarhúng tidár muruú ta tsu/i i sla'atimisiiká.

Matayo 11:3

«Kuúng a kudá' hardáha, laqaá heé hatlá' un daamaán?»

Luka 1:35

Malaykamo gari báy, «Qeeruú hhoohhoó' oo Mungú ni dirók i hardah, nee /uuruú Kudá' Gáwtí dirií' kiíng i tuuntuuk. Gawaá adoorihe na/oó ta laqwaali ku hhoohhoó', kuri bay Garmoó Mungú.

Luka 7:19

gari ya/aáw amór Yesu, kuwa yaahasi gídaabá, «Kuúng an kudá' hardáha, laqaá heé hatlá' un daamaán?»

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Galatia 4:4

Ala qooma iwa bó/, Mungú Garmaawós nguna ya/aáw, kuri laqwaál nee /ameeni, kuri laqwaál didár hara'aya i sa waawuti'ii'iin,

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

Ebrania 1:6

Nee malé alé qoomár Garmaawós oo baris nguwa huwtá wa slai baraá yaamií alé, ina oó', «Malaykér Mungú sleémeero ngu i tumbarara'at.»

Ebrania 10:10

Yesu Kristo tidá' sleémeero Mungú aa slaá' gana tleéhh. Gawaá adoorihe atén sleémeero taa hamaátl as adoodá' Yesu Kristo slaqwtós ngiwa ilahhooár wa haniís sagaáwa wák wa ale.

Ebrania 10:7

Ala aníng niri oó', ‹Mungú, aníng a deer, as tidá' kuúng ta sla' ngiwa tleehh adoodá' daanduueene kara gooín baraá kitaábuú hara'ayár Mosewo.› »

Ebrania 10:8

Gár geeraawo aa oó' a tí, «Kuúng ilahhooa a sla'aká, slám ilahhooár hikwaá ta tsu/i sleeme a sla'aká, laqaá hikwaá ilahhooa awa ta adoodá' alda/i, laqaá ilahhooár taa hanmiís as tlakweema. Ilahhooarí sleémeero kuúng u sla'atimiská.» Inós adoorí gana oó', ilahhooarí sleémeero tam ka hanmamiisi ar adoodá' hara'ayár Mose i kat.

Ebrania 2:14

Na/ii tseerer'ín a wak, nee slaqwtaín a wak. Gawaá adoorihe Yesu sleeme muruuwí guna sláy adór inooín wa ale. Adoorí gana tleéhh as gwa'ara ngiwa slay. Asma ar loohír gwa'araarose inós gár i slai a /uuruú Neetlaangw nguwa hhitin, kudá' úr oo gwa'ara.

Ebrania 5:7

Qoomár Yesu iwa baraakaá yaamuú wa hoót, Mungú guna i /aa/amín ar afór ur, nee ar hhirhheeri, guri firiirín nee nguwa ateetin. Asma Mungú inós gu aleesláy nguwa ba/amisi baraá gwa'araaro. Inós kuri iiárií qaás nee Mungú asma adoodá' tiwa niinaweés, nee adoodá' Mungú nguwa ilaiwawaá/.

Ebrania 8:3

Umuúqo kaahamusmoó úr oo Mungú kuna qaás as Mungú nguwa qeemií haniisi, nee hikwa ngiwa tsu/i ilahhooár wa ale. Gawaá adoorihe tam kaahamusmoorén kwí oo úr sleeme gár kus hariím masók gár i ilahhooár wa haniisi in deer.

1 Petro 2:24

Kristo inósuú kilá' tlakweemaarén gina gagaár ar gawaá slaqwtós ay gawaá msalaába, as kahhó' atén tawa adór múk aa qaatl baraá tlakweemaawo, nee slám atén masók a múk slaáf baraá gan'amuuwo. Kuungá' tunduri hungu/uús as inkahhi'iidá' inós aa sláy.

2 Yohana 1:7

Asma al/aymuusér yaariir naa ti'ít baraá yaamuwo, ar kah, Yesu Kristo naa hardihiiká ar baraá slaqwa. Kwí an kuduú al/aymusmo, nee Wakusmoó Kristo.