Ebrania 10:4 - Biblía Axweesantá Hhohho' ar Mungú 2004

⁴ Asma tseerér awe nee ar gurtaawe tlakweema hingeesaro gi baloó aleesleeraaká.

Ya/abtór hho' 1977

⁴ Asma tseerér awee nee ar gurtaawe tlakweema hingeesaro gi baloó aleesleeraaká.

Ebrania 10:4 Iomraidhean Croise

WARA'AMI 51:16

Asma tu sla'atisiká nee ilahhooár muruú ta tsu/i tam ngi duuxa, kuúng u qwal/atiská ar ilahhooár ta da/aa/an.

ISAYA 66:3

Ala mukwí adór i slaiya' ngin tlehhiitiyá', dir'ine dimbé i káhh bar awu ngwa gaasiyé', laqaá hee, Bar deelmoó bee/i ngwaa ilahhooár wa haniisiyé' laqaá seeaay. Bar balaangw ngwa ilahhooár wa haniisiyé' laqaá tseerér baynamo. Bar ilahhooár inslaslaangw ar mooyángw koóm ngwaa haniisiyé' laqaá bar munguúduú murslaaqat ngwa sluufmiisiyé'. Mukwí lohduuín gina kilooín sláy, nee muner'ín ka sla'atamis nee muruuín kudá' ni waak.

YEREMIA 6:20

Asma milá misa ubaánír amór Shebár daáhh i hubé' tidá' mooyángw tsuú' koom? Nee uúdi ar mooyángw tsuú' koom mis nga amór yaamaá saáw wa hubé'? Ilahhooarhúng tidár da/a ka ya/aniká, laqaá ilahhooarhúng tidár muruú ta tsu/i i sla'atimisiiká.

HOSEA 14:2

Tlawsé', inós firiimaak, ki/é' amór AAKOÓ MUNGÚ. Inós ku beera', «Tlakweemaarén sleémeero hingeseek, qeemuurén ilaooheek, daqaní atén kuúng u xirfayesaán afeerene.

HOSEA 6:6

Aníng ilahhooár muruú ta tsu/i a sla'aaká, ala gár ni slaa' a sla'aarír warqawaaká, aníng ilahhooár da/a/aangw a sla'aaká, ala a Mungú kuwa xui.

Marko 12:33

Nee hee inós nguwa slai ar muunaáwós sleémeero, nee ar fuquraangós sleémeero, nee ar /uuruuwós sleémeero, nee inslaawmoowós nguwa slai adoodá' inós tir kilós slai, adoorí in ganá' ta hikwaá adoodá' koomá' kiwa ilahhooár wa da/i nee ilahhooár muruú ta tsu/i.»

Yohana 1:29

Bál tsár Yesu iwa amór Yoháné kay, kuri ár nee Yohane. Yohane iri oó', «Ga/aawaak Deelmoó bee/i oo Mungú, kudá' tlakweemaá muu gi hingeemiís.

Rumi 11:27

Alqadoorí an alqadoodá' aníng ni tleehh nee inooín, qoomár tlakweemaaín bira hingeés.»

Ebrania 10:1

Hara'ayár Mose a geehhaantamoó tawo oo muruudá' hhó' oo hardáh, ala a muruudá' oo kil'eeká. Asma hikwaá ilahhooa kin adoodár tsu/aa/ín umuúqo kurko. Ala gawaá loohír adoorihe hara'ayár Mose muu boo/eesaro gu aleesleeraaká, kudá' ilahhooadá' ga hanmamiís.

Ebrania 10:11

Umuúqo kaahamusmoó Munguhe gadiyeérós gan tlehhahhiit umuúqo deelooro ar ilahhooadár muruú ta tsu/i ngiwa hanmaamisi umuúqo daqto. Ala ilahhooarí tlakweema hingeesaro gi baloó aleesleeraaká.

Ebrania 10:8

Gár geeraawo aa oó' a tí, «Kuúng ilahhooa a sla'aká, slám ilahhooár hikwaá ta tsu/i sleeme a sla'aká, laqaá hikwaá ilahhooa awa ta adoodá' alda/i, laqaá ilahhooár taa hanmiís as tlakweema. Ilahhooarí sleémeero kuúng u sla'atimiská.» Inós adoorí gana oó', ilahhooarí sleémeero tam ka hanmamiisi ar adoodá' hara'ayár Mose i kat.

Ebrania 9:9

Gaarí a slaqsaay oo qoomaarí ga laqaqaám. Gídaabárós a tí: Qeemuú ta hanmiisi dír Mungú i alé ar loohirí, nee hikwaá ta ilahhooár wa tsu/i munér mukdá' sluufmiís hhoohhooeesaro ngi aleeslay'aaká.

1 Yohana 3:5

Kuungá' a xuá' adór Yesu kungura geehhooatís tlakweema ngiwa hingeesi, asma inós i tlakweemaá konká.