Ebrania 10:29 - Biblía Axweesantá Hhohho' ar Mungú 2004

²⁹ Ala heé Garmoó Mungú gwa kalaa/ a adoomá? Sakwasleemarós ka ak ureéke? Asma inós tseerér alqadór Mungú gaa waaqaá', tidá' inós gwa hhoohhooes, nee Qeeruú Mungú guri malé /oosliislín, kudá' tsuuqa gi hanmaamiís.

Ya/abtór hho' 1977

²⁹ Ala heé Garmoó Mungú gwa kalaa/ a adoomá? Sakwasleemarós ka ak ureéke? Asma inós tseerér alqadór Mungú gaa waaqaá', tidá' inós gwa hhoohhooes, nee inós Qeeruú Mungú guri malé /oosliislín, kudá' tsuuqa gi hanmaamiís.

Ebrania 10:29 Iomraidhean Croise

2 WAAWITÁ 9:33

Yehu iri oó', «Yaamií kwahhaare'.» Inós kari yaamií kwaáhh nee tseerduuwós niri tsiniqitiyé' gawaá koo/i nee gawaá faras. Yehu faraasí nee gaáriro gay waarahhaás ar gawaá tuuarós.

WARA'AMI 143:10

Kuúng a Munguúeé'. Intsaahhatisáng ar kuúng ta sla' ngiwa tleehh. Qeeruuwók kudá' hhoó' án i geerahari, ar baraá loohír qoom!

WARA'AMI 91:13

Diraangw nee dayshamo in adarát, na/oó diraangw nee waasla in ya'ár naasuúr.

TI'INAANGW 24:8

Mose tseereedá' gari taataáhh, gari hikiís amór múkí ale, iri oó', «Ga/aawaak, gaarí an tseerér alqadoodá' AAKOÓ MUNGÚ aa tleéhh nee kuungá' ar loohír axweesanaywí.»

ISAYA 14:19

Ala kuúng tun amór saáwí kwaahh, dír /aantaarók tidár baraá tlaa/aro, adór na/oó taa guruú wa kwaáhh oo ta slaiiká, tuuaarók kan uuntsuus ar tuaá múk ta tsu/aa/iín ar paangadu, kudá' ta /aytisi baraá bohóngw tlaa/e, tuuaarók tari slaqás nee tuuár taa kal/aa/án ar ya'a'.

ISAYA 28:3

Daara/uusér xufimamiit ar Efraimu ka yaamií nakaa/arúy.

ISAYA 63:10

Ala inooín tana dee/aanuút, qeeruuwós kudá' hhoohhoó' nguna gurhaamír ar ayé'. Gawaá adoorihe inós iri warqáy tari wakusmooín, inósuú kilá' iri amor'ín i muxuút.

YEREMIA 1:5

«Iimír qoomár kuúng tuwa tsihiiká baraá guruú aayooro aníng kuúng una xuú', nee qoomár tuwa laqwaaliiká aníng kuúng una hhoohhoeés, una tsawaár as tawa aarusmoó xoordu.»

WA/AA/I 1:15

«Aako slaqwaruuser'eé' sleémeero gana waaqasén, inós dinku'uuma gana ateét niwa amor'eéní haratleer, as kahhó' masoombar'eé' kawa hhaamisi. Aako múk Yuda guna kal/aa/án adoodá' sabiíbu kur kal/aa/an.

ESEKIELI 16:6

«Aníng niwa bihhaawók ar waaraáhh, ina ár a kal/aandús baraá tseereerók wa alé, nee iri báw,

DANIELI 8:13

«Aluuwo malaykamoó wák una axaás iwa axweesi, malaykamoó hatlá' kudá' axweés guri yaahaás, ‹Xáy, muruuwí ta ooiin nee iigu'utuwí i kumaamitiya' ay xaylá? Xáy ilahhooár da/a ar umuú deelo tidá' taa hhitín waaqa'a'ati ay xaylá? Xáy, hhitiru'umarí ar umuú gaa kawa hhaamimiisi i kumaamit ay xaylá, nee didá' hhoohhoo' dinkwa nee múk Mungú kuwa yaamaá hara'adararahi ay xaylá?›

MIKA 7:10

Wakusmooeé' iri muruut adoorí birnga ár, tam kudá' káh, «AAKOÓ MUNGÚ, Munguúwók i amá?» Aníng a qwalalaá/ daxta, asma wakusmooeé' u ár kuwa kal/an adór baa/ír baraá loohi.

SEKARIA 12:10

«Aníng múk doó Daudi nee yaamuloouusér Yerusalemu i qeeruú i haniís oo firo nee oo gurtleemu, gawaá adoorihe, qoomár kudá' naa mutiyé' burngwa i qaytsitiyé', inooín nguri satsuunqumisiyá', adór hee na/aywós oo kilós ngur santsuunqumisi, inooín nguri sa/a/amná' adór heé na/aywós oo baris ngur alee/aa/amaamin.

Matayo 26:28

Asma gaarí a tseerer'eé' ar alqado, ar ku'uut as múk yaariír as hingeemisuú tlakweema.

Matayo 7:6

«Gár hhoohhoo' ma seeaawérií haniisara', asma inooín kuungá' nun harawarqayá' nuri kikiihhiyá'. Slám miisli ma baynuú i kwakwaahhara', asma inooín mingiwa yaamií adaraahiyé'.»

Marko 7:2

Eeharuusér Yesu kari bahh ár ta /ayín ar dabaá taa hamatliiká ar adoodá' uunuú múk Farisayo i kaahiya', kudá' daba' kiwa hamaatli qoomár bar ta /ayín.

Luka 12:10

«Umuúqo heewo oo /aymuú /ooslima gu oó' daanduú Garmoó Heewo ku gurtláy, ala umuúqo heewo oo /aymuú /ooslima gu oó' daanduú Qeeruú hhoohhoó' oo Munguhe ku baloó gurtlayká.

Yohana 10:36

Ala anuúwí taa tsuúq nee Baabá, nee tiri ya/aáw baraá yaamu, kuungá' mis babeera', ‹Kuúng a Munguú /ooslisliín,› án bar kah, ‹Aníng a Garmoó Mungú?›

Yohana 17:19

Ala aníng ti amoorók i haniís as inooín, as inooín sleeme tawa kók tleehhiti ló'wa ale.

Tlehhema'aá ya/Abuuse 7:51

«Kuungá' tundu sage gawdén. Slám munerhúng nee iaahúng a adór kuqaá múk Mungú xua'aaká. Umuúqo daqto kuungá' Qeeruú hhoohhoó' oo Mungú un siaiindá' adoodár baabi'iihúng sleeme naa tleehhiyé'.

Rumi 16:20

Nee Munguúduú wayduú hanmiís, inós kuungá' nu /uurií haniis oo Neetlaangw kuwa nakaa/aruura' ar gaanslaay baraá tsa/a'aá ya'aahúng i alé. Aakoorén Yesu Kristo kuungá' nu tsuuqi.

1 Korinto 11:27

Gawaá adoorihe, barnaxes hee mukaatmoowí gwa /aáy, nee gár baraá xooslmoó Aako gaa wáh ar loohír hariimaaká, heé adoorí slaqwtá Aako nee tseerér Aako gaa tlakweemií tleéhh.

1 Korinto 11:29

Ala umuúqo heewo oo /ayiím, nee oo wahaám, barnaxes slaqwtá Aako gaa tsaahhiiká, heewí taa kilós sakwasleemár i tleéhh ar loohír /ayma nee wahaangw.

1 Korinto 15:25

Asma Kristo gár kuwa hariím aqo in waawuti'ín ay dír Mungú wakuuseerós ngay gawaá dabaawós i qaasi.

1 Korinto 15:27

Asma Gooi i kat, «Mungú mura' sleémeero gway baál, gway gawaá dabaá Kristó i qaás.» Ala gooirí iwa kat, «Mura' sleémeero kwa gawaá dabaawós i qaás», gaarí ka geehhoo' adór Mungú ir kaáhh baraá muruudá' sleémeerowo. Asma Mungú an kudá' mura' sleémeero gwa baal guri qaás gawaá dabaawós i alé.

1 Korinto 6:11

Baraá tla/angwhunge bahh'alé aáng a múk adór kwí. Ala kuungá' tunda hamaátl, tunda hhoohhooeés, tunda gan'amí harafaár ar umuú Aakoorén Yesu Kristo nee ar /uuruú Qeeruú Munguúrén.

Efeso 4:30

Qeeruú hhoohhoó' oo Mungú mu gurhaamír ar awaara'. Asma Qeeruuwós an duguno direne oo atén tir tsaahhi adór tar mukós, bál deeloodá' inós atén tiwa gweeri.

Efeso 5:26

Adoorí gana tleéhh as mukós nguwa hhoohhooeesi nee nguwa hamaatli ar ma'aay ar /uuruú axweesantós.

Ebrania 10:10

Yesu Kristo tidá' sleémeero Mungú aa slaá' gana tleéhh. Gawaá adoorihe atén sleémeero taa hamaátl as adoodá' Yesu Kristo slaqwtós ngiwa ilahhooár wa haniís sagaáwa wák wa ale.

Ebrania 12:25

Ala qaytsité', Yésuudá' nee kuungá' axweesá' mu siaara'. Asma mukdá' Mungú gwa sii' iiárií qaasaro, qoomár iwa axweés baraá yaamu ar afór Mose, mukdá' aa ba/anká. Ala atén adór tar ba/aman a adoomá, barnaxes kudá' gawaá doorí wa axweés ugwa siaán?

Ebrania 13:20

Aakoorén Yesu an de'eemusmoó úr oo bee/aangw. Munguúduú wayduú koóm Yésuuwí guna waaslee/atís baraá múk aa qaátl wa ale, ar /uuruú tseereedár alqadór alhhe'eesay wasl.

Ebrania 2:11

Inós tlakweemaá muu gin hheehhe'eemiis. Inós nee mukdá' ta tlakweema hheehhe'eemiisi Baabuúín a wak. Gawaá adoorihe inós i murumiitiiká inooín ngiwa hhaeewós ar ateetin.

Ebrania 2:3

Gawaá adoorihe atén sakwasleemaro adór tar /uwaan a adoomá, bar ba/amár ur ar adór tí a gaárií xuanaaká. Ba/amarí geeraawo kana alki/iít nee Aako inósuú kilá'. Nee aluuwo kingiri diréní lamabu'ún nee mukdá' gaa dír Aakoó wa axaas adór tar ló'.

Ebrania 4:14

Gawaá adoorihe atén haratlintaaoorén tidá' ta koomaan masók an ló'wa oohaán. Asma atén kaahamusmoó úr oo Mungú u koomaán. Inós aa waaraáhh ar tla/ángw doori ay dír geeraá Mungú. Inós an Yesu, Garmoó Mungú.

Ebrania 6:4

Asma múk aa qaroó alií kii/, adór kungur ki/isi baraá hhu'u'úngw i alé a adoomá? Asma inooín kingina dahaás baraá gwa/aateemaá Mungú, tsuuqaá Mungú kudá' gawaá dooraá dahhá' kiri tsaáq, Qeeruú hhoohhoó' oo Mungú kuri én,

Ebrania 6:6

Aluuwo baraá haratlintaaor'ine tari alií kií/. I ya/aandaaká múk adoosíng kuwa ki/isi baraá hhu'u'úngw i alé, asma inooín Garmoó Mungú ku malé kiki'ín gawaá msalaába ar fahhari, nee ku geeraá múk wa mureekeemiis.

Ebrania 9:13

Asma tseerér gurtaawe nee ar awe, nee da/arár damaay barnaxes kaa tsifaqamiís gawaá slaqwaá mukdá' ta harmeetin, mukdá' guri hhoohhooés,

Ebrania 9:20

iwa kaah, «Gaarí a tseerér alqadoodá' Mungú naa hara'ayín dirhúng i alé.»

Geehhoeemaá 1:5

Nee amór i dahhiya' sleeme a amór Yesu Kristo. Inós an lamabu'usmoó inkihhím, nee slám inós an heé geera oo naa waaslee/ baraá múk aa qatli. Nee a waawutmoó waawitá sleémeero baraá yaamuwo. Inós atén tin slaa', nee tina gweér baraá lawaali'iimár tlakweemaá wa ale ar tseereerós.