Ebrania 10:28 - Biblía Axweesantá Hhohho' ar Mungú 2004

²⁸ Heé hara'ayár Mose gaa sii', inós gár kuwa hariím a in gwaa', ku gurtlayká, barnaxes múk tsár, laqaá tám, tlakweemaawós gaa lamabu'ún.

Ya/abtór hho' 1977

²⁸ Heé hara'ayár Musa gaa sii', inós gár kuwa hariím a in gwaa', ku gurtlayká, barnaxes múk tsár, laqaá tám, tlakweemaawós ngaa lamabu'uné'.

Ebrania 10:28 Iomraidhean Croise

2 SAMUELI 12:13

Naagáy Daudi Natani guri báy, «AAKOÓ MUNGÚ ugwa tlakweemií tleéhh.» Natani iri oó', «AAKOÓ MUNGÚ tlakweemaawók gaa gurtláy, kuúng a gwa'aká.

2 SAMUELI 12:9

Aníng a AAKOÓ MUNGÚ, asma milá axweesante'eé' masa waaqá', tlakweemaá adór kuká' kari dír ilaaeé' wa tléhh? Uria heé xoorór Hiti kuri gás ar paánga, harerós kari tók tléhh, inós kuri hanís baraá dabaá múk Amoni as kuwa gaasi.

ISAYA 27:11

Haleemaá xaai nina kahiyé' niri qeqtiné', /ameena nin hardát giri sleemís giri ásltár oohamís. Asma mukwí gár aa tsaáhh i káhh, gawaá adoorihe, tleehharusmooín gi sangw gurtlayká, kudá' inooín gaa tleehh gi sangw i gurtlayká.

YEREMIA 13:14

Inooín in kilooín haraa'awísh, ín baabá nee na/ii, i baloó gurtlawaaká, i baloó mawaaká sakwasleemaro, laqaá i baloó gurtlawaaká, aqo in hhaamiís.› »

FAARO 15:36

Naagáy muu guri tsee/aá xaftí duúx, heedaádá' kuri tlaquút ar tlaa/e, iri gwaá', adoodá' AAKOÓ MUNGÚ Mose ngura hara'ayín.

Matayo 18:16

Ala bar kuúng ugwa iiárií qaasiiká, tláw nee heé wák ti malé koonde', laqaá múk tsár, as umuúqo axweesanto ka tsati ar afér lamabu'uusér tsár laqaá tám.

Yohana 8:17

Slám baraá hara'ayarhunge kaa gooín adór lamabu'úngw múk tsár tar lamabu'úngw ló'.

Rumi 9:15

Asma Mungú Mose guna báy, «Án hee bur gurtleemuú wa slaá', u gurtláw. Nee kudá' guruueé' iwa tlatlay, u gurtleemuú i tleéhh.»

2 korinto 13:1

Daxta gaarí a sagaáwa tám niwa amorhúng i hardah. Gooi i kat, «Ar afér lamabu'uusér tsár laqaá tám umuúqo sakwasleemaro ka tsaat.»

DABE 19:13

Heé adoorí mu baloó gurtlawaara', ala masók tlakweemaá tsu/utár múk dakuusár koomaaká baraá yaamaá Israeliro in faká' as kuungá' tawa hota' ar wayda.

DABE 19:15

«Lamabu'úngw heé wák i bu'uutiiká kuwa heéwár sakwasleemut daanduú dakuúsár hee gaasaro, laqaá tlakweemaá hatlá' awa aa tleéhh. Lamabu'úngw múk tsár, laqaá tám, an lamabu'úngw bu'uút kuwa ar gadiyusa'.

Ebrania 12:25

Ala qaytsité', Yésuudá' nee kuungá' axweesá' mu siaara'. Asma mukdá' Mungú gwa sii' iiárií qaasaro, qoomár iwa axweés baraá yaamu ar afór Mose, mukdá' aa ba/anká. Ala atén adór tar ba/aman a adoomá, barnaxes kudá' gawaá doorí wa axweés ugwa siaán?

Ebrania 2:2

Asma tam Axweesantadá' taa alki/iít nee malayke, a Axweesantá /uuruú koom. Nee umuúqo hee oo axweesantadá' gaa eeharahaariiká, laqaá oo gaa ilaiwawa/iiká, inós sakwasleema gari sláy adoodár inós wa hariim.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.