Ebrania 10:26 - Biblía Axweesantá Hhohho' ar Mungú 2004

²⁶ Atén xu'uti barnaxes aga slawaán daanduú looeemaawo, aluuwo tlakweemaá fahhaari kiri malé tleehhaán, ilahhooár ta gaasi ar tlakweemaadá' gi hingees i káhh daqaní.

Ya/abtór hho' 1977

²⁶ Atén xu'uti barnaxes aga slawaán daanduú iidíguú looeema, aluuwo tlakweemaá sidoót kiri malé tleehhaán, ilahhooár tlakweemaadá' gi hingees i káhh daqaní.

Ebrania 10:26 Iomraidhean Croise

TLAHHOÓ LAÁWI 4:13

«Barnaxes dinku'uumár xoorór Israeli tlakweema gaa tléhh ar adór taa haraxuiiká, gár nee hara'ayár Mungú ti slawa'aaká kari tleéhh, inooín tari dakuús.

TLAHHOÓ LAÁWI 4:2

«Xoorór Israeli ka beeto, bar hee tlakweema gaa tleéhh ar adór aa haraxuiiká, gár nee hara'ayár AAKOÓ MUNGÚ ti slawa'aaká gari tleéhh, adór i tleehhi a tí:

Luka 12:47

«Sagadiyusmoodá' gár aakoowós i slai ga xuu', aluuwo inós tiri amohhe'eesiiká, laqaá slám adoodá' aakoowós i slai gari tleehhiiká, inós ku kángw kilá' wa muúx.

Yohana 13:17

Tí kuungá' bara xué', kuungá' tundu amohhoó bar aga tlehhé'.

Yohana 9:41

Yesu iri oó', «Kuungá' geera bar taampu, geera alók a tlakweemaá koonda'aaká. Ala hám kuungá' a kata', ‹Atén a xumiisaán,› gawaá adoorihe tlakweemaahúng i gawaahúng i kahhiyá'.»

DABE 17:12

Barnaxes hee kaahamusmoó Mungú kudá' taa qaás, as AAKOÓ MUNGÚ, Munguúhúng nguwa sagadiyuusi, laqaá har'ohusmo, gu iialooeemisiiká, heewí a gaasa. Adoorí an adór tlakweema kir hingeesa' baraá tla/angw múk Israeliwo.

2 Tesalonike 2:10

Nee umuúqo loohír al/aymaaro gari tleehh as kudá' sleémeero awa baraá loohír qwanáy i diriiá' ngira qwaareesi. Inooín tan qwaar asma looeema kaa slaiiká ilaooharo, looeemaadá' geeraawo inooín ngi ba/amisá'.

1 Timoteo 1:13

anuúdá' aáng geeraawo inós ugwa /ooslaasliim, nee ugwa gusiisiim, nee ugwa slahh'eemiis. Ala Mungú aníng ina gurtláy, asma tí sleémeero ana tleéhh as xuawasler'eé'. Asma qoomaadae aníng Yesu ugwa haratlinti'iiká.

1 Timoteo 2:4

Inós muu sleémeero gu slaa' iwa ba/an nee looeema ngiwa xuiya'.

Yakobo 4:17

Heedaádá' gár hhoo' tleehhamooro ga xuú', ala gari tleehhiiká, heedaádá' tlakweema gaa tleéhh.

1 Yohana 5:16

Hee bar hhiyaawós gwa ár, i tlakweemaá tlehhiit, ala a tlakweemaá gwa'arár kooma'aaká, ngu aleefirin, nee Mungú gu slafíngw i haniis. Ala firoorí a har dír mukdá' tlakweemaá gwa'ara gaa tleehhiiká. Tlakweemaá gwa'arár koomá' i dayá'. Aníng a kaahaaká ngu aleefirin as tlakweemaaká'.

1 SAMUELI 2:25

Asma hee bar kuqá' ngwa sadakuús, Mungú gu aleekalaa/, ala hee bar AAKOÓ MUNGÚ ngwa sadakuús, heé gu alefiriím a heemá?» Ala afór baabuúín ngaa axaasi'iiká, asma AAKOÓ MUNGÚ gina wa tsabín ngiwa tsu/i.