Ebrania 10:24 - Biblía Axweesantá Hhohho' ar Mungú 2004

²⁴ Atén masók ti kilootén ga/aawaán nee ti alee/iimisaán as tawa hootaan ar sla'aari nee ar tlehhema'aá hho'.

Ya/abtór hho' 1977

²⁴ Atén masók ti kilootén ga/aawaán nee ti alee/iimisaán as tawa hootaan ar sla'aari nee ar tlehhema'aá hho'.

Ebrania 10:24 Iomraidhean Croise

WARA'AMI 41:1

Heé amohhoó' a kudá' narkuute ga gaár i xuú', inós ku alee/iis nee AAKOÓ MUNGÚ baalár slahh'amuuwo.

AXWEESANOÓ SAGALOOA 29:7

Heé hota ganaá' harimadaá narkuute gin haniis Ala heé tlaakw tsaahha ga konká ar muruuwí ngur xui.

Tlehhema'aá ya/Abuuse 11:29

Eeharuuse iri al'axwés iri ó', «Umuúqo heewo alee/isoó i aleeslay ngu haniisi, as kuwa huwi amór hhaeerén kudá' yaamaá Yudeár i diriiá'.»

Rumi 11:4

Ala Mungú gár inós ngwa báy a milá? Guna báy, «Aníng múk kumér faanqw u koóm tam hamí oo Ba'ali gwa i tumbarara'atiiká.»

Rumi 12:15

Qwalala/é' dinkwa nee mukdá' qwalalaá/. /Aa/amiimé' dinkwa nee mukdá' /aa/amiím.

1 Korinto 10:33

ar adoodá' aníng ni tlehhaahhiit. Asma aníng umuúqo heewo un sla'atisár wa slaá' baraá muruudá' sleémeerowo ni tlehhiita. Gadaádá' aníng i gaa wa buu' a leelehhiitaaká, ala a tidá' múk yaariír gu gaa wa buu' an leelehhiít, as kahhó' inooín kiwa ba/amisi.

1 Korinto 9:22

Dír mukdá' haratlintaao tununu/a, aníng tina adór inooín laáq, as mukdá' haratlintaao tununuú/ nguwa slaw. Gawaá adoorihe aníng dír umuúqo heewo tina adór inós laáq as umuúqo loohi ngiwa leelehhiit ar muu bahh'alé nguwa ba/amis.

2 korinto 8:8

Aníng adoorí a kaahaaká as nuwa hara'ayiyiim. Ala aníng kángw múk hatlá' un káh, adór inooín ilakaaharu kura tlehhiít baraá alee/isaywihe. Kaangwí aníng una káh as sla'aarirhúng ngiwa tsaahh adór tar ar ló'.

2 korinto 9:2

Asma aníng a xuú' adór kuungá' muuná kur koondá' oo alee/isaywí kuwa hanisa'. Slám án kuungá' nuna xirfayeés dír geeraá múk yaamaá Makedoniár i alé gawaá kaangwihe, niwa oó', «Múk Akaya tina amohhe'eés alee/isaay haniisaro iimír kurkú /isá'.» Muunaáhúng kwisíng múk yaariír baraaine gwaa ilakaaharuú i qaás.

Galatia 5:13

Ala kuungá', hhaee'eé', kuungá' tunduna ateét as tawa hota' ar amohhooa. Ala amohhooarhúng tisíng ma ar hootara' as ilatleerír slaqwa kawa eeharahada'. Ala ti sagadiyuse' ar sla'aari.

Galatia 5:22

Ala gár Qeeru i laqwaali baraá slafíngw heewo a sla'aari, nee qwala/, nee wayda, nee qitla, nee hhooeema, nee gurhhooa, nee inkihhimu,

Galatia 5:6

Asma hee barnaxes i baraá Kristo Yesu, dirose al/utlo a gaarooká, laqaá tam kwa al/utliiká a gaarooká. Ala gár afhhamít a haratlintaao, tidá' ti laqaqaam ar sla'aari.

Galatia 6:1

Hhaee'eé', hee bira huú' baraá tlakweemakaarí alé, kuungaásingá' awa Qeeru heé adoodá' gan'aasaak ar tsatsa'aareema. Ala kuungá' kilá' ti harmagahhe', kuungá' sleeme mutunduwa iiara'ár.

Kolosai 3:16

Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.

1 Tesalonike 1:3

Umuúqo deelooro an inslawiiwimaán dír geeraá Mungú Baabuúrene, adór haratlintaaorhúng ira geehhoouúr ar baraá tlehhemi'i, nee adór sla'aarirhúng nura tliw/iín as gadiyeé kawa ló'wa tlehha', nee haraxu'utirhúng baraá Aako Yesu Kristoowo adór qitla ngura hanís.

1 Tesalonike 5:11

Gawaá adoorihe kuungá' ti kiloohúng gurkwa/amise', nee ti alee/iimisé', adoosíng hamí ta tlehhita'.

2 Tesalonike 3:9

Geeraawo a gár hariim atén kuungá' tiwa /aymisa'. Ala atén adoorí aga sla'aaniiká, asma gár atén ta sla'aan a masók atén an slaqsaay tleehhitaán dirhunge, as kuungá' tiwa eehada'.

1 Timoteo 6:18

Inooín masók hhooeema kin tleehh, slám masók tlehhema'aá hho' awa yaariir ki tlehhiit, nee masók a múk gurhhoén oo múk qaqáw muruuine.

Tito 2:4

as sagalooa kawa hanisa' dír /ameenár ninakw. Ka intsaahhatimisá' hhawaateeín ngiwa slaiya', nee na/ii'ín sleeme,

Tito 3:8

Tí naa oó' ar ló'. Nee án gár ni slaa' muruuwí masók un gawdés ooaro, as mukdá' Mungú gwa sangw haratlintii', tlehhema'aá hho' kiwa tlehhiiti ki slai. Adoorí ka hhoo' nee slám ka afhhamít dír muko.

Ebrania 13:1

Kuungá' kumiité' tiwa sla'asla'a' adór hha'aá baraá Kristó wa ale.

Ebrania 13:3

Mukdá' taa tsegiít baraá doó tseegamo, inslaslaawaak. Kuungá' sleeme masók an adór múk taa tsegiít dinkwa nee inooín. Tam mukdá' ta slahh'eemisi sleeme inslaslaawaak, asma kuungá' sleeme a múk slaqwaá koóm adór inooín wa ale.

Ebrania 3:13

Ala kuungá' umuúqo deelooro ti gurbu'uunde' dír /aymuuwí «laarí» ir kumiiti, as tam heé wák baraá tla/angwhunge miwa ya/án kuwa al/ayi nee tlakweema, iri saga gawdúy.

1 Yohana 3:18

Laqwalór ninakw, sla'aarirén miwa axweesantá tawo tleehhít, ala masók sla'aarirén an sla'aarír tlehhema'aá koom, nee ar looeema.