Ebrania 10:22 - Biblía Axweesantá Hhohho' ar Mungú 2004

²² Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

Ya/abtór hho' 1977

²² Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

Ebrania 10:22 Iomraidhean Croise

1 WAAWITÁ 15:3

Abiya tlakweema gina tleéhh adór baabuúwós wá ale, inós inkihhimu gu konká dír geeraá AAKOÓ MUNGÚ, Munguúwose, adoodár Daudi wa ale, baabuúwós.

1 QOM'I 12:33

Múk Sebuluni a kume mibeeri kooán, mukwí an múk slaqwara ga baál, múk aa intsahhan slaqwaraaro. Xosluuín sleémeero awa slaqwara ngina amohhe'eesiyé' asma tawa tsabin Daudi kuwa ale/iisi.

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

1 QOM'I 29:17

Aníng aga xuú' adór kuúng Munguúeé' muu kur mune tsee/aariín, nee an qwalaalá/ as múk ganaá'. Aníng baraá gan'amuú muunaáeene muruuwí sleémeero nguna haniís ar muunuú /awaák, nee aníng daxta aga ár adór mukwí diirí dirií' kuúng tura ilahhooárí haniís ar muunuú /awaák nee ar qwala/.

WARA'AMI 111:1

AAKOÓ MUNGÚ xirfayeemisaak! AAKOÓ MUNGÚ un sluufmiís ar muunaáeé' sleémeero. An haragwaá' dír múk slafingw'ín hhohhó' baraá alqaatír wa ale.

WARA'AMI 119:10

Aníng kuúng u leelehhiít ar muunaáeé' sleémeero. Mi tawo mawaar hara'ayarók mawa geexáw.

WARA'AMI 119:145

Un i /aa/amiím ar muunaáeé' sleémeero, iiárií qaasáng, AAKOÓ MUNGÚ, daqaní aníng kaahirók a eehár.

WARA'AMI 119:2

Múk amohhoó' a kudá' axweesantá Mungú ngi iialooeemisá', kudá' ngu leelehhiitá' ar muner'ín sleémeero.

WARA'AMI 119:34

Intsaahhatisang dabeerók ngi aleesláw ooharo, ngi eehár ar muunaáeé' sleémeero.

WARA'AMI 119:58

Hhooeemaawók ngi ló'wa firiím ar muunaáeé' sleémeero. Aníng gurtlawáng adoodá' kara ó'.

WARA'AMI 119:69

Daara/uuse i lámtí tláq, ala aníng hara'ayarók aga óh.

WARA'AMI 119:7

Aníng kuúng un xirfayeemiís ar muunuú /awaák, as adoodá' ira intsaahhatís ar kaahirók tidá' ganaa'a.

WARA'AMI 119:80

Masók kaahirók an óh ar inkihhimu, as aníng mitiwa mureekeés.

WARA'AMI 32:11

AAKOÓ MUNGÚ sa qwalaala/aak, i baraa/aak, kuungaásingaá hota ganaa'á'. Ururu'umisé' ar qwala/ kungaásingaá sleémeero mune gan'ayen.

WARA'AMI 51:10

Aá Mungú, muunuú hhoohhoó' i tleehháng, qeeruú /abén oo inkihhím baraaeéní qaaseek.

WARA'AMI 73:28

Ala dir'eene Mungú nguwa i tseewúw a gár ló' wa hhoo', AAKOÓ MUNGÚ a dír guway'eé'. Aníng tlehhmi'iiwók sleémeero i lamabu'uúm.

WARA'AMI 84:11

Asma AAKOÓ Munguúrén an gwa/aateema nee an adór gaamboót, AAKOÓ MUNGÚ gurhhooa nee xirif gi kón. Inós ku hhoó' dír mukdaáduú gan'amuú kooma.

WARA'AMI 9:1

AAKOÓ MUNGÚ, aníng kuúng un sluufiís ar muunaáeé' sleémeero. Tlehhmi'iiwók sleémeero awa waa/oo/amo i alki/iít.

WARA'AMI 94:15

Sakwasleemár ganaa' i ki/, sleémeero kudá' hota ganaa'á' ngi eehariyá'.

TI'INAANGW 29:4

«Daqaní Aroni nee daaqaywose ki húp ay dír afkú heémár Mungú, ki hamátl ar ma'aay.

AXWEESANOÓ SAGALOOA 23:26

Garmaaeé', muunaáwók haniisang, adoorí aníng nir hoot u qwal/atis.

ISAYA 29:13

Asma Aako i kaahi, «Mukwí aníng in sluufmisiyá' ar afér tawo, nee in xirfayeemisiyá' ar axweesanoó tawo, siwaadár kilae muner'ín ka sawen dir'eene, nee aníng in ilaiwawa/iyá' ar hara'ayár taa dir'íní intsaahhatís nee muu.

ISAYA 52:15

Inós xoordu gi kwisltis, waawitá afe gari ohín as inós, asma muruudá' naa ari'iiká ngu ariyá', nee muruudá' naa axaasi'iiká ngway tsaahhiyá'.

YEREMIA 24:7

Aníng in tsaahhárí haniís adór aníng tar AAKOÓ MUNGÚ. Inooín tari muk'eé', aníng tari Munguúín, asma inooín nin amor'eéní ki/iyá' ar muner'ín sleémeero.›

YEREMIA 3:10

Tam adoorihe hhaeeín awa Yuda kudaá al/aymuuse naa amor'eénií ki/i'iiká ar muner'ín sleémeero, aqo har hhahhafiingw kilós. Anuú AAKOÓ MUNGÚ tí ngina oó'.»

YEREMIA 30:21

Geeraharusmooín kun baraá tla/angw'ín wa sláy, waawutmooín ku sláy baraaine, inós aníng u dir'eénií tseeweés, inós niri tseewúy. Asma heé dir'eénií tseewúw ar /uuruuwós tumu wák i kaahh. Anuú AAKOÓ MUNGÚ tí ngina oó'.

ESEKIELI 16:9

«Naagáy ma'aay ngari leéhh, iri hamaátl ar ma'aay, tseerduuwók niri faakiyé' nee iri sliík di/to.

ESEKIELI 36:25

Aníng kuungá' nun ma'áy tsiririxiís, ma'aá hhohho', nee tari hhoohhoaaeerá' baraá slasla/aruhúng kudae, nee dír slasla/aruú slaqsi'iihúng kudaá mungui sleémeerowo.

TLAHHOÓ LAÁWI 14:7

Naagáy tseereedá' gari hikimiis gawaá heedaádá' taa hhoohhooeés ay ki/ima faanqw. Iri ooi heedaádá' aa hhoohhooúy. Tsir/idá' slaaf kay geemáy, iri tleér baraá sla/a.

TLAHHOÓ LAÁWI 16:4

«Iri hamtlín ar ma'aay, tlabaá hhohho' giri tsiit. Iri dah didá' hhoohhoo' naa qaroó tsiitín tlabaawós kudá' hhohhoe: Hiyoó hhoohhoó' oo taa tleéhh ar kitaáni ngun dahaas daanduú suruwánidár kitaánír wa ale, nee hiyaydá' tleér oo kitaáni ngwa qaroó dahaás, nee tla/aangose himuú kitaáni ngwaa tseék.

TLAHHOÓ LAÁWI 8:6

Mose Aroni nee daaqaywós ngiri huúw, giri hheehhe'eés ar ma'aay.

SEKARIA 13:1

«Baalaadár kilae múk doó Daudi nee yaamuloouusér Yerusalemu kin kutltá ma'aáy gweer ar tlakweema nee ar slasla/aremaá umuu adooro gi hamaatl.»

FAARO 8:7

Adoorí an adór kir hheehhe'es: Ma'aá kir hheehhe'es ti tsipipi'is, nee slaqooín ngi deeqwiye' ar deeqwa, nee tlabaaín ngi hhuuntsiye' ti adoorír hheehhe'eesiye'.

Matayo 3:11

Ar ló', aníng gár kuungá' nur baatimiis a ma'aay as tawa hhu'u'uundé'. Ala kudá' aluueé' wa hardáh, inós i /uuruú kón ta aninge. Tam aníng a hariimaaká ya/ataawós ngiwa gagaar. Inós nun baatimiis ar Qeeruú hhoohhoó' oo Mungú nee ar asla.

Luka 1:1

Amór Teofíló xiríf. Múk yaariír kángw muruudá' yaariír aa tleehharuut direne gwaa iiár gooiro,

Yohana 3:5

Yesu iri oó', «Ar ló' án a kah, hee burkwa laqwaaliiká ar ma'aay nee Qeeruú Mungú, dahmuú baraá waawuti'iimár Mungú gu aslayká.

Yohana 8:9

Qoomár inooín /aymi'iidá' Yesu aa oó' kiwa axaás, muner'ín giri sakwasleemút. Tiri wakeetiné' ti'inango, bariise ina giiriín, sleémeero tay faakiís. Yesu kuna kilós geexáy, nee /ameenidá' i dír geeraawós wa sihhmít.

Tlehhema'aá ya/Abuuse 22:16

Slám mas dóts? Sihhiít tu baatisi, tlakweemaawók ki hamaatli umuú Aako ateeteek.› »

Tlehhema'aá ya/Abuuse 8:21

Dinku'uumár kuúng nee atén i káhh gawaá kaangwihe, asma muunaáwók ku hhoohhooeeká dír geeraá Munguhe.

1 Korinto 6:11

Baraá tla/angwhunge bahh'alé aáng a múk adór kwí. Ala kuungá' tunda hamaátl, tunda hhoohhooeés, tunda gan'amí harafaár ar umuú Aakoorén Yesu Kristo nee ar /uuruú Qeeruú Munguúrén.

2 korinto 7:1

Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.

Efeso 3:12

Gawaá adoorihe atén Kristo bura haratlintiaán, daqaní atén a da'ayumitanaaká Mungú i tseewuwto ar baraawós, nee tari axweesaán nee Mungú ar wayda.

Efeso 5:26

Adoorí gana tleéhh as mukós nguwa hhoohhooeesi nee nguwa hamaatli ar ma'aay ar /uuruú axweesantós.

Efeso 6:5

Kuungá' lawaále, daqaarerhúng tidá' ta sagadiyusa' iialooeemisaak, ar muunuú /awaák, ar dae nee daaraxaay, adoodá' geera Kristo kur sagadiyusa'.

1 Timoteo 4:2

Intsaahhasarí amór i dahh a amór mukduú lamuuse. Afoodá' hho' ar baraá muner'ín aa hhitirút adór gár taa daá/ ar muqslír da/a/aam.

Tito 3:5

inós atén tiri ba/amís. Ala gár tisa ba/amís a ooanaaká atén tlehhema'aá ganaa'á' ina tleehhaán, ala tina ba/amís as gurtleemuuwós. Mungú tina slafís ar hamtlitór laqwali'iimár /aben, tina /abeemiís ar Qeeruú hhoohhoó',

Ebrania 10:1

Hara'ayár Mose a geehhaantamoó tawo oo muruudá' hhó' oo hardáh, ala a muruudá' oo kil'eeká. Asma hikwaá ilahhooa kin adoodár tsu/aa/ín umuúqo kurko. Ala gawaá loohír adoorihe hara'ayár Mose muu boo/eesaro gu aleesleeraaká, kudá' ilahhooadá' ga hanmamiís.

Ebrania 10:19

Gawaá adoorihe, hhaee'eé', atén a aleeslawaán tawa dahaan ar pihh'uuma ay Didá' ak Hhoohhoo' ar tseerér Yesu.

Ebrania 11:28

Mose deelmoó Pasaáka guri gaás ar haratlintaao, muu guri hara'ayín tseere ka sliki gawaá maandár do' nee nahha, as malaykamoodá' tsu/uút na/aá baris baraá múk Israeliwo mingiwa tsuú/.

Ebrania 12:24

Kuungá' ana hardaté' dír Yesu. Inós an harki/isusmoó alqadoodá' /aben. Tam tseereerós tidá' hhoohhooeemiis i ak axwés ta tseereedár Abeliwo.

Ebrania 4:16

Gawaá adoorihe atén masók an tseewuwaán ar pihh'uuma dír kitángw Mungú, didá' tsuuqaá Mungú kiwa slay, as tíwa gurtleemuú i haniisi, nee /uuru kuwa slawaan, kudá' atén ti alee/iimiís qoomár hariima.

Ebrania 6:11

Gár atén ta ló'wa sla'aan masók umuúqo heewo dirhunge ilakaaharuudá' gun ar kumiit ar inkihhimu ay alhhe'eesaay, as muruudá' ta harahhifa' kuwa sleera'.

Ebrania 7:19

Asma hara'ayaadár Mose gár aa aleesleér boo/eesaro i káhh. Ala daanduú hara'ayaadae harahhifór ak hhoo' kingina haniís. Ar loohír harahhifoorihe a aleeslawaán Mungú kuwa i hardahaan.

Ebrania 9:10

Asma hara'ayár loohirí an hara'ayár tlehhema'aá slaqo kilós, daanduú muruú /ayma nee wahaangw nee hamtlór slaqwa. Hara'ayaarí kana oó' ay dír qoomaadá' Mungú loohír /aben ngi qaasi.

Ebrania 9:19

Asma Mose adoorí gana tleéhh, gár har geera a hara'ayár Mungú sleémeero gana alki/iít dír mukdá' aa burumburiit. Aluuwo tseerér damaay nee ar gurtaawe gari taataáhh, dinkwa nee ma'aay, tseere gari hikimiís ar se'engw da/atén oo bee/aangw nee loo/ór hisoópo, gawaá Kitaábu nee amór muu sleémeerowo,

Yakobo 1:6

Ala i firin ar haratlintaao ar xure wasle. Asma heé xurumiít a adór gwaanduú ma'aay oo baraá tlawi, kudá' ta gusiisin nee fur'a nee kuwa kwakwaahhi umuúqo bihhiwo.

Yakobo 4:8

Mungú i tseewuwaak, daqaní inós ni dirhúngií tseewúy. Dabaahúng hhoohhooeesaak, kuungaásingá' tlakuuse. Nee munerhúng hamaatlaak, kuungaásingá' badu tsadér.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i hikimiisi. Tsuuqaá Mungú nee wayduuwós i ló'wa doogine' dirhunge.

1 Petro 3:21

Ma'aydá' a slaqsoó baatiísmo, kudá' kuungá' nu ba/amiimís de'emakaákae. Baatiísmo a slasla/aruú slaqwa gun hingeemiisiiká, ala baatiísmo a hee Mungú gun firiirín as muunuú hhoó' nguwa slay, ar /uuruú waasle/uú Yesu Kristo.

Geehhoeemaá 1:5

Nee amór i dahhiya' sleeme a amór Yesu Kristo. Inós an lamabu'usmoó inkihhím, nee slám inós an heé geera oo naa waaslee/ baraá múk aa qatli. Nee a waawutmoó waawitá sleémeero baraá yaamuwo. Inós atén tin slaa', nee tina gweér baraá lawaali'iimár tlakweemaá wa ale ar tseereerós.