Ebrania 10:20 - Biblía Axweesantá Hhohho' ar Mungú 2004

²⁰ Inós slaqwtós ngiwa haniís, loohír /aben gana gweér ar slafíngw koom. Atén an waaraahhaán ar loohirí, ar baraá baquuduú doó Mungú ay amór Mungú.

Ya/abtór hho' 1977

²⁰ Inós slaqwtós ngiwa haniís, loohír /aben gana gweér ar slafíngw koom. Atén an waaraahhaán ar loohirí, ar baraá baquuduú doó Mungú ay amór Mungú.

Ebrania 10:20 Iomraidhean Croise

TLAHHOÓ LAÁWI 16:15

«Aluuwo gurtuú ilahhooár tlakweema hingeesa guri gaas as muu sleémeero. Tseerér gurtuudá' gari baraádií huúw, didá' ak hhoohhoo', ar adór tseerér awu ngaa /imiís, gari hikimiís gawaá kitángw gurtleemu nee amór geeraá kitaango.

TLAHHOÓ LAÁWI 16:2

Guna báy, «Hhiyaawók ádbaweek, umuúqo qoomaaro miwa daráh didá' hhoohhoo', ar alaá inqwaaridá' do' gwaa tla/a qasis, dír geeraá kitángw gurtleemu, kuduú gawaá sandakmoó alqado, as kahhó' miwa gwaá'. Asma aníng ti geehhooeés ar baraá huunki gawaá kitangwdú gurtleemuú wa ale.

TLAHHOÓ LAÁWI 21:23

Inqwaaridá' didá' ak hhoohhoo' gaa qasis, laqaá kitángw ilahhooa munguwa baloó i tseewúy, asma i xaslxaanslír kón, as didá' hhoohhoo' mingiwa meetagaás. Asma aníng an AAKOÓ MUNGÚ kudá' inooín gaa paraatl.»

Matayo 27:51

Inqwaarír baraá Doó Mungú, ar do' gwa qasis, iri tla/a feehhít gáwtá wa ale ay baraay. Yaamu nay daaraxaatiyé' as kunseeli, tla/u nay feehhamitiyé',

Marko 15:38

Inqwaarír baraá Doó Mungú, ar do' gwa qasis, iri tla/a feehhít gáwtá wa ale ay baraay.

Luka 23:45

Tsee/amá gwa/aateema giri máy. Inqwaarír baraá Doó Mungú, ar do' gwa qasis, iri tla/a feehhít.

Yohana 10:7

Yesu iri malé oó', «Án a kah, aníng an afkú doó bee/aangw.

Yohana 10:9

Aníng an afkú do'. Hee bira dáh ar aníng, i ba/án. Inós in darah nee in ti'imiit, nee /aymisi ga sláy.

Yohana 14:6

Yesu iri oó', «Aníng an loohi nee looeema nee slafiingw. Heé naa dir'ér oohiiká, i amór Baabá i hardihiiká.

Efeso 2:15

Qoomár wakaari ngiwa hingeés, an qoomaadá' dabe ngiwa hingeés dinkwa nee hara'ayaro, ar slaqwtós. Gawaá adoorihe baraá mukwí tsaraawo heé /abén oo wák guri tleéhh ar baraawós. Wayda guri tleéhh ar adoorí.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

Ebrania 6:19

Harahhifoorí a toorén. Haraxu'utirí muneerén gaa ló'wa ót as miwa qwát. Adoodá' miringamo kur baraá ma'áy ila/aa/an ar tlaa/a, as mukuwa tliw/ín nee gwaanduú ma'aay. Harahhifoorén tí alhhe'eesaywós dír kway tseék a gawaá doori, dír ira waaráhh a dír baquú baraá doó Mungú i dirií'.

Ebrania 9:3

Alaá baquuwo matla/ángw hatlá' i deer, oo ta babay Didá' ak ló'wa Hhoohhoo'.

Ebrania 9:8

Gawaá adoorihe Qeeruú hhoohhoó' oo Mungú ga laqaaqán adór loohír tar dahi baraá matla/angwduú tsár oo heéma, oo ta babay Didá' ak Hhoohhoo' kara gweeriiká, asma ay hamí matla/angwduú geera oo heéma i kumiit.

1 Petro 3:18

Tam Kristo sleeme ina gwaá' as tlakweema. Ina gwaá' sagaáwa wák wa ale as tlakweema sleémeero. Inósuudá' gan'amuú koóm kuna slahh'eemiís as mukdá' gan'amuú koomaaká, as inós atén tiwa huwi amór Mungú. Slaqwtós kana gaás, ala kuri waaslee/atís ar Qeeru.

1 Yohana 4:2

Qeeruú Mungú adór kur tsahha' a adoorí, «Umuúqo heé káh, Yesu Kristo nina hardáh ar baraá slaqwa.» Kwí i Qeeruú Mungú kón.

2 Yohana 1:7

Asma al/aymuusér yaariir naa ti'ít baraá yaamuwo, ar kah, Yesu Kristo naa hardihiiká ar baraá slaqwa. Kwí an kuduú al/aymusmo, nee Wakusmoó Kristo.