Ebrania 1:2 - Biblía Axweesantá Hhohho' ar Mungú 2004

² Ala de'emaarén kuká' alhhe'eesayhe ina dirén i axweés ar loohír Garmaawós, kudá' aa aaliitmoó mura' sleémeero wa qaás, slamí mura' sleémeero guna baraá inós ar tleéhh.

Ya/abtór hho' 1977

² Ala de'emaarén kuká' alhhe'eesayhe aa diirén i axweés ar Garmaawós, kudá' aa aalusmoó wa qaás oo mura' sleémeero, slamí mura' sleémeero guna baraá inós ar tleéhh.

Ebrania 1:2 Iomraidhean Croise

IIMU/UUNGW 49:1

Yakobo daaqaywós guna ateét guri báy, «Burumburité' dinkwa, asma muruudá' kuungá' nu sláw, nguwa dirhúngí oo'.

ISAYA 2:2

Adoorí an adór deelór alhhe'eesaywo tleehharuut. Tloomár Doó AAKOÓ MUNGÚ ka gawdees tlom'i sleémeero ba/a, nee kari gáwtí tlees tlom'aá hatlá' ba/a, nee xoordu sleémeero ngiri i daqayá'.

ISAYA 44:24

AAKOÓ MUNGÚ kuduú ba/amusmoohúng, kudá' kuungá' naa baraá gur'ér amuuhúngí tleehh, i kaahi, aníng kilooeé' doori ina intláh nee yaamu ina hhaáf, qoomár ngiwa tlehhiit heé aníng iga alee/iis i kaahh.

ISAYA 45:12

Aníng yaamu ina tleéhh, hee nguri tleéhh oo gawaadá' gi hoót. Doori aníng ina hhaáf ar dabaaeé', nee muruudá' gawaadií dirií' sleémeero un baliít.»

ISAYA 45:18

AAKOÓ MUNGÚ kudá' doori gaa tleehh, inós a Mungú. Inós yaamu gina tleéhh, nee gin gawdeemiis. Gaa tleehhiiká as kiwa gaa wásl, ala gina tleéhh as kiwa hooti. Inós i kaahi, «Aníng a AAKOÓ MUNGÚ, Munguú hatlá' i kaahh.»

YEREMIA 30:24

Buhhtaá xaraaslá' AAKOÓ MUNGÚ i tawo ki/iaaká ay dír tidá' muunaáwose aa slaá' ngay boo/eesi. Deeloodá' birna hardát daqaní kuungá' kaangwí u tsahhá'.»

YEREMIA 48:47

Tam adoorihe aníng múk Moabu un diihhooárí ki/ís de'emaá hi'iita'a. Anuú AAKOÓ MUNGÚ tí ngina oó'. Kaangwí an sakwasleemár múk Moabu gu slaw.»

ESEKIELI 38:16

Múk Israeli kuri haraxeér adór huunkír giiw gawaá daanduú yaamuwo. Qoomaadae aníng kuúng un ya/aáw yaamuueé' kiwa i haratleer, as múk xoordu ngiwa tsaahhi adór aníng kuúng Gógu ura ya/aáw as hhohhoarir'eé' ngiwa laqaám dir'inií ale.›

DANIELI 10:14

Aníng nina hardáh as uwa alee/iis gár mukók gu slaw de'emaá hi'iita'a kawa tsahh, asma iigu'utuú taa aán a daanduú muruú aluú wa hardáh.›

DANIELI 2:28

Ala Mungú i deer gawaá dooriwo oo kángw naaqo gu geehhooatimís. Inós muruú aluú wá hi'iít oo deelór alhhe'eesaay ngwa laqán, aá waawutmo Nebukadnésa. Tlataawók nee iigu'utuú taa aán gawaá qatanirók wa alé a kwí:

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

MIKA 4:1

Ala qoomár alhhe'eesáy birna xeér, tloomadá' taa Doó AAKOÓ MUNGÚ i tleéhh, ka gawdees, nee kari gáwtí tleerees ta tlom'aá hatlá' sleémeero. Xoordaá amoodá' kakaawá' hhay i tsatitiiká.

FAARO 24:14

«Aníng hamí an kií/ amór muk'eé', ala dír nira tlawiiká, muruú mukdá' i tleehhi dír mukók baraá de'emaá hi'iita'a ngu oó'.»

Matayo 13:39

Wakusmoodá' aa dahaasin a Neetlaangw. Bu'uungw a alhhe'eesoó yaamu. Nee mukdá' bu'uúm a malayke.

Matayo 17:5

Qoomár tawa axweesi, huunkír /awaak gina mahhtír i tléhh. Afo nina baraá huunkidá' wa ilawáts i kat, «Kwí a Garmaaeé', sla'aarusmooeé' oo aníng iga qwal/atis. Inós iiárií qaasaak.»

Matayo 21:38

Ala qoomár doosluuseedá' garmaadá' nguwa aán, tari kilooín axweés ta kaahi, ‹Kwí a aalitmoowós. Qwalaas un gaasaán, as daqaní aali tawa toorén.›

Matayo 26:63

Ala Yesu aa ilawatsiiká. Kaahamusmoó úr oo Mungú Yesu guri báy, «Án kuúng u baw, lo'o huweek ar Munguúdá' slaáf. Atén ti ádbeer kuúng barnaxes aqo Kristo, Garmoó Mungú.»

Matayo 28:18

Yesu giri i tseewúy, giri báy, «Aleesleemu sleémeero oo gawaá doori nee oo baraá yaamu kunga aníng i haniís.

Matayo 3:17

Afo nay gawaá doorí wa ilawáts iri ó', «Kwí a Garmaaeé', sla'aarusmooeé' oo aníng iga qwal/atis.»

Marko 1:1

Gaarí a iimu/úngw Ya/abtór hho' daanduú Yesu Kristo, Garmoó Mungú.

Marko 12:6

Garmaawós kuduú sla'aarusmo an heé aa meet, nee kwí sleeme alhhe'eesaywo gway ya/aáw, i kaahi, ‹Inós ku ilaiwaa/ asma tawa garmaaeé'.›

Marko 12:7

Ala mukdá' taa qaymór i saayín tari axweés ta kaahi, ‹Kwí an aaliitmo, gaasare', aali daqaní a toorén.›

Yohana 1:10

Inós i baraá yaamií dirii', tam yaamu nina tleehharuutiyé' ar inós, ala inós kwaa tsaahhiiká nee muu.

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 1:3

Mura' sleémeero ina tleehharuút ar inós. Geera bar inoseeká, gár aa tleehharut i káhh, baraá muruuwí sleémeero aa tleehharuuti.

Yohana 13:3

Yesu gaa xuú' adór Baabá mura' sleémeero ngura gawaá dabaawós i qaás, nee adór inós amór naa daáhh tar amór Mungú, nee hám i amór Mungú káy.

Yohana 13:32

Ala Mungú bar kwa xirfayeés ar baraá Garmoó Hee, Mungú sleeme inós gun xirfayees ar baraawós, nee guri xirfayees ar gaanslaay.

Yohana 15:15

Án kuungá' nu malé lawaalér ar ateetimaaká, asma lawaalmo gár aakoowós i tleehhi ga xuiiká. Ala án kuungá' nun mulqér ar ateetiím, asma tidá' sleémeero án naa axaás amór Baabuúeé' wa ale, nga kuungá' i oó'.

Yohana 16:15

Muruudá' sleémeero Baabá i kon a kwe'eé'. An gár nisa oó', inós tidá' i dir'eé' wa slay ngin dirhúngí oo'.»

Yohana 17:2

adoodá' kuúng Garma kura aleesleemuú i hanís daanduú muu sleémeerowo, asma sleémeero kudá' taa dirós i hanís ngiwa slafíngw alhhe'eesay wásl i haniisi.

Yohana 3:16

Asma Mungú múk baraaká' yaamu guna ló'wa slaá', tam Garmaawós oo kilós nguri haniís, as umuúqo heewo oo inós gwa haratlintii', miwa qwaár, ala masók slafíngw alhhe'eesay wásl gun sláy.

Yohana 3:25

Qoomaadae eeharuusér Yohane nee heeko wák oo Yahudi tay kaanganuús daanduú kángw hhoohhooeemisuuwo.

Yohana 5:26

Asma adoodá' Baabá ir slafíngw kon, nee Garma sleeme gwa slafíngw i haniís.

Yohana 5:27

Slám aleesleemuú sakwasleema gwa amoorós i haniís asma tawa Garmoó Hee.

Yohana 9:29

Atén a xuaán adór Mungú ira axweés nee Mose. Ala amór heesíng i dahhi a xuanaaká.»

Tlehhema'aá ya/Abuuse 10:36

Kuungá' Ya/abtoodá' Mungú aa huúw dír múk Israeli a xuá', Ya/abtoodá' hho' ar wayda ar loohír Yesu Kristo. Inós an Aakoó muu sleémeero.

Tlehhema'aá ya/Abuuse 2:17

‹Mungú ina oó', Adoorí an adoodá' ni tleehh bál deelór alhhe'eesaywo, aníng muu sleémeero un Qeeruueé' i haniís, daaqayhúng nee dasuuhúng tari aariirín, masoombarhúng iigu'utu guri aán, nee bariiserhúng iri tlatitiín.

Rumi 1:4

Slám inós ku hhoohhoó' adór Mungú wa ale, asma inós an Garmoó Mungú. Gaarí kaa laqán qoomár inós kuwa waasle/atís baraá múk aa qaátl wa ale.

Rumi 8:17

Nee atén barnaxes a na/ii, atén a aaluuse. Atén a aaluusér Mungú, nee a aaluuse dinkwa nee Kristo. Barnaxes a ló' adór tara slahhaahha'aán dinkwa nee inós. Daqaní atén xirif u slawaán sleeme dinkwa nee inós.

1 Korinto 2:7

Ala sagalooarí aníng ni axwees a sagalooár Mungú, tidá' taa luú/. Sagalooarí an tidá' Mungú aa iimír aáng wa tsawaár, qoomár yaamu kiwa tleehhiiká, as atén tiwa xirfuú i haniisi ar loohír sagalooarí.

1 Korinto 8:6

Tam adoorihe direne Mungú a wak, inós an Baabá. Mura' sleémeero ina tleehharuút ar inós. Nee atén an dawaán as inós. Nee slám Aako a wak, inós an Yesu Kristo. Mura' sleémeero ina tleehharuút ar inós nee atén an dawaán ar inós.

Galatia 4:4

Ala qooma iwa bó/, Mungú Garmaawós nguna ya/aáw, kuri laqwaál nee /ameeni, kuri laqwaál didár hara'aya i sa waawuti'ii'iin,

Efeso 1:10

Sla'aarirós iimír aange a mura' sleémeero nguwa haragaasi ar baraá Kristo, kuduú baraá yaamu nee oo gawaá dooriwo, qoomaadá' bál bira bó/, Kristo tay saga.

Efeso 3:9

Nee án gár tiwa hariím a lu/aaráydá' Mungú i tleehhamór wa slai, loohír ir tleehharuuti an gwa/atimís dír múkwií ale. Iimír iimu/uungo Mungú, kudá' mura' sleémeero gwa tleehh, kaangwí guna luú/.

DABE 18:15

AAKOÓ MUNGÚ, Munguúhúng aarusmo adór aníng ngu baraá tla/angwhúngú kilá' wa tsawaar, nee kuungá' inós ku iialooesá'.

DABE 31:29

Asma aníng a xuú' alaá gwa'arar'eene kuungá' a tsuwa hhitrumitá', nee loohidá' naa hara'ayiím kari geexeerá'. Nee de'emaá hi'iita'a kuungá' amotlakwe nu sleér, asma kuungá' tlakweema i tlehhá' dír geeraá AAKOÓ MUNGUHE, inós kuri mune duxá' ar muruudá' kuungá' dabaahunge ta tlehhita'.»

DABE 4:30

Muruuwí sleémeero burna sláy, aluuwo kuungá' slahh'amu u sleerá', daqaní kuungá' tari ki/á' amór AAKOÓ MUNGÚ Munguúhúng nee kuri ilaiwawa/á'.

Ebrania 1:5

Asma Mungú iimír aange tam malaykamoó wák gwa bayká, «Kuúng a Garmaaeé', án kuúng laarí una laqwaál.» Nee slám aa ooiiká, «Aníng a baabá tleehhiít dirose, nee inós dir'eene tari Garma.»

Ebrania 1:8

Ala dír Garmaawo i kaahi, «Mungú, kitaangók oo waawuti'iima ku alhhe'eesay wásl, nee waawuti'iimarók a waawuti'iimár gan'amu.

Ebrania 11:3

Haratlintaao bar koomaán a tsaahhaán adór, yaamu kira tleéhh ar axweesantá Mungú. Muruudá' gehhoó' kuna tleéhh ar muruú gehhooeeká.

Ebrania 2:3

Gawaá adoorihe atén sakwasleemaro adór tar /uwaan a adoomá, bar ba/amár ur ar adór tí a gaárií xuanaaká. Ba/amarí geeraawo kana alki/iít nee Aako inósuú kilá'. Nee aluuwo kingiri diréní lamabu'ún nee mukdá' gaa dír Aakoó wa axaas adór tar ló'.

Ebrania 3:6

Ala Kristo ku inkihhím asma inós tawa Garma. Inós kwaa qaás gawaá daanduú doó Mungú sleémeerowo as nguwa baali. Atén an do'ós, barnaxes a kumiitaán baraá pihh'uumarene nee harahhifoorene, harahhifoorén kawa diidi'iimisaan ay alhhe'eesaay.

Ebrania 4:14

Gawaá adoorihe atén haratlintaaoorén tidá' ta koomaan masók an ló'wa oohaán. Asma atén kaahamusmoó úr oo Mungú u koomaán. Inós aa waaraáhh ar tla/ángw doori ay dír geeraá Mungú. Inós an Yesu, Garmoó Mungú.

Ebrania 5:8

Inós a Garmoó Mungú. Ala tam adoorihe inós iialooemis guna intsaatsaáhh, as adoodá' kuwa slahh'eemiís.

Ebrania 7:28

Asma hara'ayár Mose muu gun qamiín, tawa kaahamuusér uren, inooín tam a múk tlakweemaá kooma'a. Ala al'axweesantadá' taa oó' ar lo'o, slám kana oó' alaá hara'ayár Mose wa aleeró, al'axweesantí Garma guna kaahamusmoó wa qás, kudá' taa bu'uutiís ay alhhe'eesay wasle.

Ebrania 7:3

Inós i baabuú konká, slám i aayór konká, slám tlahhaywós i kaahh. Iimu/úngw deeloorós i kaahh, slám alhhe'eesoó slafiingós i kaahh. Ala inós a adór Garmoó Mungú. Inós a kaahamusmoó Mungú ay alhhe'eesay wasle.

Ebrania 9:26

Asma geera barnaxes a adoorí, geera Kristo gár kuwa hariím a gwa'araarós gan inkaakii/ daqtá yaariire iimír yaamu kiwa tleéhh. Ala hamí qoomaarír alhhe'eesaywo inós nina hardáh baraaká' yaamu sagaáwa wák kilós as tlakweema ngiwa hingeesi ar gwa'araarós, tiwa kilós ilahhooár wa haniís.

1 Petro 1:20

Gaarí an gár inós kusa tsawaár nee Mungú iimír yaamu kiwa tleehhiiká, nee hamí baraá deeloorír alhhe'eesaywo kuna geehhooeés as kuungá'.

2 Petro 3:3

Gár har geeraá ar xu'utír wa hariim a tí, deeloodár alhhe'eesaywo muu ni hardah oo ilatleerir'ín eeharahár. Inooín kuungá' nuri niqimisiyá',

Yuda 1:18

Inooín tana oó', «Qoomár alhhe'eesaywo waniquuse i ti'ít ar ilatleerir'ín tidár qwanaay ga eeharahar.»