DANIELI 9:7 - Biblía Axweesantá Hhohho' ar Mungú 2004

⁷ Aá Aáko, diroge gan'amu i deer, ala atén umuú deeloro mure taa fák. Kaangwí sleémeero a ló' dír ateéká' Yudeár hootá' nee yaamuloouusér Yerusalemuro, nee múk Israeli sleémeero kudá' taa diyá/ baraá yaamaá saawá' nee awa tsewene, asma inkihhimu nguwa dakuusiyé' diroge.

DANIELI 9:7 Iomraidhean Croise

ESRA 9:13

Nee alaá tí sleémeero taa sleeri as tlehhmi'iirén kudá' tlakw nee as tlakweemaarén kudá' ur, ala kuúng Munguúrén taa muxká ar adoodá' atén wa hariim as tlakweemaarén, nee mukrén oo niiná nguri meetís.

ESRA 9:15

Aá AAKOÓ MUNGÚ, Munguú Israeli, kuúng an gan'amuú koón, atén tina meetís, tari kotsqotaán adoorí tay diriaan. Ga/aaweek, atén a dír geeraawók i diriiaán, atén awa tlakuuse, asma heé hariím sihhtanór dír geeraawoge i kaahh as tlakweemaaká'.»

NEHEMIA 9:33

Tam adoorihe kuúng gan'amu u koón baraá muruuwí sleémeero atén taa slayi, asma kuúng tu inkihhím, atén a tlakuuse.

WARA'AMI 119:137

AAKOÓ MUNGÚ, kuúng a ganá', sakwasleemarók i ganá' sleeme.

WARA'AMI 44:15

Tlaatla/aangw sleémeero an murumiít, tam ilaaeé' qayta ngiri si'iyé' mureero,

WARA'AMI 51:14

Aá Mungú, Mungú ba/amusmooeé', ba/amisáng tseerdaá muu miwa ku'umiís, tsifrangw'eene adoodá' ira ba/amís an daá'.

WARA'AMI 51:4

Án kuúng una tlakweemáy tleéhh, kuúngú kilá', nee muruú slasl/arén una tleéhh dír geeraá ilaawoge, gawaá adoorihe kuúng tu tsaahhi adór tar dakuúsár koondaaká bar axwés, nee kwasleema bar tléhh i hariín.

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 45:16

Kudá' slaqsa'aá munguaá hatlá' tlehhiitá' gin mureekees, giri amoqwaarees. Sleémeero giri amoqwaarees.

YEREMIA 12:1

Aá AAKOÓ MUNGÚ, kuúng an ganá' aníng tam ui qununu/a. Aníng yaahasarka a koóm diroge. Ahaá múk tlákw baré gadiyeduuín i ya/aa/á'? Ahaá baré múk al/aymuuse aa diihhe'eés?

YEREMIA 23:6

Qoomár waawuti'iimarose múk Yuda ku ba/amis, nee múk Israeli i saxareemár hoot. Inós umuuwós ku bay, ‹AAKOÓ MUNGÚ an gan'amuurén.›

YEREMIA 24:9

Aníng inooín in gár dae tlaaq tleéhh baraá waawuti'iima sleémeero ar daanduú yaamuwo, inooín kiri niqín nee kiri waaqaqaa', nee kiri waaqaseesén nee kiri lu'umis umuúqo dír ngi loohatisi baraá yaamuwo.

YEREMIA 3:25

Gimsé' atén gár tiwa hariím an yaamií qaataán as mureerén, nee masók mureekesayrén ti tuuntuuk, asma tlakweema iga tleehhaán dír AAKOÓ MUNGÚ, Munguúrene, atén nee xwayliteérene. Iimír masoombi'iimarén wa tleemu ay laarí atén afór AAKOÓ MUNGÚ, Munguúrén, aga iialooeesaniiká.»

YEREMIA 32:32

Asma múk Israeli nee oo Yuda tlakweemaá yaariir ngina tleehhiyé', nee aníng iri buhhtisiyé', inooín nee waawitaáine, nee geeraharuuser'ine, nee aaruuser'ine, nee kaahamuuser'ine, nee múk Yuda nee yaamuloouusér Yerusalemuro.

YEREMIA 33:16

Deeloodae yaamaá Yuda ki ba/amis, nee awa Yerusalemu i hootiyá' ar saxareema. Gixsarí umuuwós kuri bay, ‹AAKOÓ MUNGÚ an gan'amuurén.›

YEREMIA 4:17

Yerusalemu ngiri harweeriyá' adór xuumuusér qamu, asma mukós aníng ina aáhh. tí AAKOÓ MUNGÚ tí ngina oó'.

YEREMIA 7:19

AAKOÓ MUNGÚ i kaahi, «Mukwí heé i buhhtamiisi a anínge baré? Aasla'áy inooín ti kilooín slahh'eemisiyá' as amoqwaqwadingw'ín.»

ESEKIELI 16:63

Aníng kiíng i gurtláw gawaá tidá' sleémeero taa tlehhi. Kiíng tidá' sleémeero taa tléhh bar aga insleér, tari waa/ó/, afkók kuri mutsuutsú' as mure, tay qitlká axweesántí ki/imawo. Anuú Aakoó MUNGÚ tí aga oó'.»

ESEKIELI 36:31

Naagáy kuungá' hotaarirhúng tidá' tlakw kari insleerá', nee tlehhmi'iihúng kudá' tlakwe, kuungá' tari kiloohúng ahhitá' asma tlakweemahúng nee muruudá' aníng ni waak taa tlehhé'.

ESEKIELI 5:10

Baraadá kilá' gixsaro xwayliité na/ii'ín awa kilá' gi /ák, nee na/ii xwayliitér'ín ngi /ayiyá'. Sakwasleemar'eé' a boo/eés daanduuhunge, nee panaydá' aa meet nguri diyaá/ bihhe sleémeerowo.

ESEKIELI 6:12

Heé saáw tiqtír pu/i gu gás, heé tseéw ku gaas ar paánga. Panmoó aa meet, oo taa geexáy kuká' tsár niwa qatliyé' un alhhe'eés ar qwari. Adoorí an adoodá' buhhtaeé' ngir boo/ees daanduuine.

DANIELI 9:14

Gawaá adoorihe, AAKOÓ MUNGÚ, kuúng tiri amohhe'és atén tiwa mux, nee adoorí kari tléhh. Asma kuúng AAKOÓ MUNGÚ, a ganá' baraá umuúqo gár ta tlehhita. Nee atén axweesantók aga iilooeesaniiká.

DANIELI 9:18

Aá Munguúeé', iia qaaseek, qaytsiít slahh'amuú ta koomaan, nee adór gixsarí taa umuuwók ar ateét ir slahhaahha'. Gár atén kuúng us firirimaan a gan'amuureneeká, ala a as gurtleemuuwók oo yaariír.

DANIELI 9:8

Aá AAKOÓ MUNGÚ, a mure direne, nee dír waawitaárene, nee geeraharuuserene nee bariiseerene, asma kuúng ugwa sadakusaán.

AMOS 9:9

«Qaytsiít, aníng hara'aya a oó' múk Israeli kuwa haritleesi baraá xoordu sleémeerowo ar adoodá' angaáno kur haritlemamiisi ar iimpe, as kudá' ganaa'a'aaká ngiwa ohiim.

Rumi 6:21

Qoomaadaádae gár taa sleeré' a milá? Gár taa sleeré' a muruuwí hám ta sa murumitá'aáke. Ala alhhe'eesoó muruuwí a gwa'ara.

DABE 32:4

Inós a tlaa/a, gadiyeérós gár kawa /aár i káhh lohduuwós sleémeero i ganaaiyá'. Inós a Munguú inkihhím nee ku dakuús wásl, inós ku hhoó' nee i ganaa'.

DABE 4:27

AAKOÓ MUNGÚ kuungá' nun diyaa/ baraá tla/ángw xoordaá hatlá', nee múk niiná dirhunge iri meet amoodá' AAKOÓ MUNGÚ nay guusi.