DANIELI 9:6 - Biblía Axweesantá Hhohho' ar Mungú 2004

⁶ Sagadiyuuseerók tidár aaruuse aga iiárií qaasaniiká, tidá' aa axwes ar umuuwók dír waawitaárén nee mukrén oo urén nee xwayliteérén, nee xooroorén sleémeerowo.

DANIELI 9:6 Iomraidhean Croise

2 WAAWITÁ 18:12

Adoorí ina tleehharút asma múk Israeli afór AAKOÓ MUNGÚ, Munguúín, nga iiárií qaasi'iiká. Inooín al'axweesantós ngina geexayé', laqaá afór Mose sleeme nga iiárií qaasi'iiká, sagadiyusmoó AAKOÓ MUNGÚ kudá' aa hara'ayín.

2 QOM'I 33:10

AAKOÓ MUNGÚ Manase nee mukós gina naanaáq, ala inooín ngwa iiárií qaasi'iiká.

ESRA 9:7

Iimír baabi'iirene tam ay laarí ateékaá mukók kuúng una sadakumamisaán, as tlakweemaarene atén nee waawitarene, nee kaahamuuseerene, taa qaás gawaá dabaá waawituú xoordaá hatlá', tari tsuú/, tiri loohatís, daqaari'iimaarén kari haasaáng wa ar tláy, tiri ló'wa mureekeés adoorí laarí tay diriiaan.

NEHEMIA 9:30

Ina saqiqtlaatliín har afiqoomár kureeraá yaariire, kiri gurbu'uún ar qeeruuwók ar loohír aaruseerók, tam nee tihe naa axasi'iiká. Gawaá adoorihe kiri qás gawaá dabaá xoordaá yaamuudá'.

NEHEMIA 9:32

«Gawaá adoorihe, aá Munguúrén, Munguú úr oo /uuruú koóm nee oo dae tlaáq, kuúng alqadorók an ohiín nee sla'aarirók i warqeeraaká, slahh'amaayedá' atén taa sleer nee waawitaárén, nee múk urén nee kaahamuuseero nee aaruseerene, baabi'iirén nee mukók sleémeero iimír qoomár waawituú Ashuru ay laarí, kuúng ma gár niiná wa araar.

NEHEMIA 9:34

Waawitaárén nee geeraharuuseerén, nee kaahamuusero, nee baabi'iirene, dabeerók nga ohi'iiká nee hara'ayarók ngaa iiárií qaasi'iiká, nee gurbu'uungók sleeme kudá' taa dir'ín i ó'.

YEREMIA 26:5

nee axweesanoó sagadiyuuser'eé' tidár aaruuse bura axasé', tidá' naa amorhúngí ya/ababiít umuú daqto, tam handá' iga iiárií qasi'iikahe,

YEREMIA 29:19

Adoorí an tleéhh asma kuungá' axweesante'eé' tidá' naa aaiím ar loohír sagadiyuuser'eé', tidár aaruuse aga axasi'iiká, kuungá' ana ló'wa sié'.› Anuú AAKOÓ MUNGÚ tí ngina oó'.

YEREMIA 44:16

«Axweesantisíng naa atén beér ar umuú AAKOÓ MUNGÚ atén a iiárií qaasanaaká.

YEREMIA 7:13

AAKOÓ MUNGÚ i kaahi, ‹Hám daxta muruuwí kuwa qo tlehhahhiti'i, nee qoomár nuwa i axweemaamiís iga iiárií qasi'iiká, tam qoomár nuwa ateetaatiím aga ooiindi'iiká.

YEREMIA 7:24

Ala inooín aníng iga ilaiwa/i'iiká laqaá axweesante'eé' nga iiárií qaasi'iiká. Inooín nina hootiyé' ar adoodá' sager'ine i slaiya', nee muner'ín tidá' gawden ngina eehariyé', inooín nina alií ki/iyé' kitángw tawa geerií kumiiti hhooeema tlehhtuwo.

DANIELI 9:10

Aá AAKOÓ MUNGÚ, Munguúrén atén kuúng ugwa iialooeesaniiká, aga hootaniiká ar har afiqoomár dabeerók tidá' naa ó' ar loohír sagadiyuuseerók tidár aaruuse.

DANIELI 9:9

Aakoó Munguúrén, kuúng guruuwók i tlatláy nee tlakweemá muu in gurtleér tam handá' atén aga dee/anutani.

Matayo 23:37

«Aá Yerusalému, Yerusalému, kiídá' aaruusér tsu/aa/iim, nee mukdá' tinda amoorók i ya/aáw un tlaqwaaqút ar tlaa/e. A sagaáwa magá' án mukók nguwa dinkwárí burumburtá wa slaá', adoodár koonki tsiioorós ngir baraá hhaampi'iiwósií burumburaariin, ala kuungá' aga ya/aandi'iiká.

Tlehhema'aá ya/Abuuse 13:27

Asma múk Yerusalemu nee geeraharuuser'ín, inós kwaa tsaahhiiká adór tar Ba/amusmo. Kuri sakwasleemuút. Gawaá adoorihe axweesanaydá' aaruuse aa kát kuri boo/eés, kudá' ta soomaamuusi umuúqo deelór Sabaátoro.