DANIELI 9:3 - Biblía Axweesantá Hhohho' ar Mungú 2004

³ Aluuwo Aakoó Mungú una firiím ar muunaáeé' sleémeero dinkwa nee gwaawito, tlabaá guniyadu ngiri dahaás nee niri iwiít baraá da/ara.

DANIELI 9:3 Iomraidhean Croise

2 SAMUELI 12:16

Daudi Mungú guna firaarín as na/aay tsiní ngiwa slay. Iri gwaawín, ina dáh baraá kutuwirós, iri qaát yaamií ale iimír xweera ay iimi garwa /awakuúr.

ESRA 10:6

Aluuwo Esra iri tláy dír geeraá Doó Mungú wa alé, iri dáh baraá kutuwír doó Yehohanani garmoó Eliashibu, iri amoodí qaát mikaáte gaa /ayiiká tam ma'aay gaa wahiiká as gurhaami, asma ina /aa/amín as dakuúsár mukdá' naa baraá looháy wa waatl.

ESRA 8:21

Aluuwo aníng gwaawito ngiri iigu'uús afaá yaaér Ahafa wa ale, as tiwa ninaweesaan dír geeraá Munguúrén, nee loohiidá' aa gana' kawa dirós wa slawaan, as atén kiloorén, nee as na/iirén, nee as daqaari'iimarén sleémeero.

ESRA 9:5

Qoomár ilahhooár muruú ta tsu/i ar tsiindo iwa xeér, niri tláw alaá niwa gwaawiím, nee tlabaeé' nee hiyay'eé' kudá' taa fehhamaamiisi, niri tumbarara'aát dabaeé ngiri tleés amór AAKOÓ MUNGÚ, Munguúeé' nguri firiím.

NEHEMIA 9:1

Bál slahhangwduú kilá' tawa mibeeri tsár nee tsiyáhh, múk Israeli tari burumburiít as tawa gwaawin gunaydu ngaa tsiitiyé' nee sage kari hhapeérár slikín.

ESTA 4:16

«Tláw, múk Yahudi sleémeero oo diirír Susarí dirií' burumbureek, ta gwaawiindá' as aníng. Ma /ayimaara' laqaá ma gaa wahaara' har afiqoomár deelo tame, xweera nee tlaatla/aango. Aníng nee sagadiyuuser'eé' a gwaawimaán sleeme, daqaní niri dáh amór waawutmo adoodá' dabe i sla'aká, ar naa hamat bar gwa'ara ni gwaá'.»

YOBU 42:6

Gawaá adoorihe aníng taa kilooeé' aáhh. Aníng aga ya/a/aám, da/ara nee teeriro i gawaaéní qaás.»

WARA'AMI 35:13

Ala inooín niwa tiqiyé', aníng tlabaá hheehhe'eemiis ina tsiít as gurhaami laqaama. Ana slahhaá' niri gwaawiím, sagw'eé' una xupu'uús as niwa fiririim.

ISAYA 22:12

Baalaadae Aako MUNGÚ Aleesleemusmo muu gun bay, «/Aa/amimé' nee tsuunqumisé', nee deequmé', nee guniyadu siinootaak.»

YEREMIA 33:3

«Aníng ateetáng, aníng kuúng un mu/aywaáts, nee muruú urén ngu kuúng báw, kudá' taa luú/ oo kuúng ta baloó xu'uká.

ESEKIELI 36:37

«Anuú Aakoó MUNGÚ a kah, Múk Israeli aníng i firín as tawa tlahhi adór daqtá bee/ángw wa alé, aníng in adoorí tleéhh.

DANIELI 6:10

Danieli ngiwa tsaáhh waawutmo duguno gwaa qaás, inós iri kií/ amór do'ós kuduú qorofa, baraá kutuwirós tidá' pa/eeriwós taa kiís i amór Yerusalemúr ga/ayá'. Danieli umuú deelooro in tumbarara'amamiit looár wake sagaáwa tám, as Munguúwós nguwa firiirin nee nguwa sluufmiisi adoodá' /iisí i /imaamisi.

DANIELI 9:2

anuú Danieli kitaaba'aá hhohho' ina soomuús, ngiri tsaáhh adór AAKOÓ MUNGÚ aa xu'utís dír aarusmo Yeremia daanduú kureeridaá mibeeri faanqwe, kudá' gixsár Yerusalemu kawa hhitin.

DANIELI 9:20

«Qoomár niwa firiím, niwa tlakweemaaeé' gwadidiim, nee tlakweemaá muk'eé' oo Israeli dinkwa nee AAKOÓ MUNGÚ, Munguúeé' nguwa i /aa/amiim as daanduú tloomár hhoohhoo' ar Munguúeé',

DANIELI 9:4

AAKOÓ MUNGÚ, Munguúeé' una firiím, nee niri gwadidiím niwa kah: Aá Aáko, kuúng an Munguú úr nee oo ta da'ayumiti. Kuúng tu inkihhím daanduú alqadoroge, nee sla'aarirók i warqeeraaká dír kudá' kuúng u sla'a' nee hara'ayaarók ngi ilaiwawa/á'.

Yoeli 1:13

Guniyadu tsiitaak ta tsuunqumisá', kuungaásingaá kaahamuusér Mungú. /Aa/amiimé', kuungaásingaá sagadiyuusér kitángw ilahhooa. Tlawsé' baraá Doó Mungú, guniyadu tsiitaak, tsuunqumisé' xweera sleémeero. Asma ilahhooár balaangw nee ar muruú wahaango baraá Doó Munguhe aa fák.

Yoeli 2:12

AAKOÓ MUNGÚ i kaahi, «Ala tam hamí, amor'eé' ki/aare' ar munerhúng sleémeero, nee ar gwaawito nee ar /aa/e, nee ar tsuunqumis.

YONA 3:5

Múk Ninewi Mungú kuri ya/án, kángw tawa gwaawin kuri alki/iít, tlabaá gwadidiingw kiri tsitiít, múk urén nee na/iiwo.

Matayo 17:21

Ala neetlaamér adoorí gár duuxaro ga aleeslaw i káhh, aqo har firo nee gwaawito.]»

Luka 2:37

Daxta inós a kwaalo'ór kureeri mibeeri dakaát nee tsiyáhh. Baraá Doó Munguhe i ququtlaatliindaaká, aqo in sluufmaamís xweera nee tlaatla/aango, iwa gwaawiwiin nee iwa fiririin.

Tlehhema'aá ya/Abuuse 10:30

Kornelio iri oó', «Laarí ar tsiyáhh qoomár looár gwaleél, aníng a saaliím baraá dooeé' wa aleeró. Heeko inqwar qwiirií/ nina geeraaeé' wa adaá ti'iít,