DANIELI 9:27 - Biblía Axweesantá Hhohho' ar Mungú 2004

²⁷ Waawutmowí mulqi'iimár gawit ga tleehh nee múk yaariír har afiqoomár wiíkír wake. Alaá tlaqtá wiíkiro inós ilahhooár muruú ta tsu/i nee ilahhooár hatlae gin qwaarees. Inós gár ta waki gari qaas didár kitángw ilahhooa kawa hanmamisi. Gadaádá' ta waki in diirií mét ay dír heedaádá' gaa sihhtis kway suquy nee Mungú ar adoodá' ngira tsabín.»

DANIELI 9:27 Iomraidhean Croise

ISAYA 28:15

Asma kuungá' a kata', «Atén nee gwa'ara alqado aga tleehhaán, nee gi'i taa axweesani slawaán, qoomár amotlakwe bir taa i hardát, amoorén ngi keeraaká, asma lama ana dír guwayrén tleehhaán, nee al/ayma an dír tay nahhataan.»

ISAYA 28:22

Gawaá adoorihe, kuungá' ma niqiimara' as tsegmuuwo mutunduwa harwaarahhaás. Asma aníng kángw qwanoó yaamu ugwa axaás, amór Aako, AAKOÓ MUNGÚ Aleesleemusmo ngin daahh.

ISAYA 42:6

Anuú AAKOÓ MUNGÚ, aníng kuúng una ateét ar hotaá ganaa'á', ugwa dawa óh nee u de'eém. Ar kuunge aníng alqado a tleéhh dír muu sleémeero, kuúng u gwa/aateema tleéhh dír xoorduuwo.

ISAYA 53:11

Ala sagadiyusmooeé' mamaá slahh'amuú hhiintluuwós gi ar, iri hhe'ees. Ar fuqurángw sagadiyusmooeé' kudá' ganaá' múk yaariír kun gan'amú i harafaar, nee inós tlakweemaaín gin gagaar.

ISAYA 55:3

Iaahúng qaasaak, nee amor'eé' hardahare'. Aníng iiárií qaasaré', daqaní a hotá'. Aníng alqadór alhhe'eesay wasl a tleéhh nee kuungá', sla'aarir'eé' ar warqawaaká tidá' ló' dír Daudiwo.

YEREMIA 7:30

AAKOÓ MUNGÚ i kaahi, «Xwaylár Yuda tlakweema gaa tléhh dír ilaeene. Inooín muruuín kudá' án ni waak ngwaa baraá dooeé' i qaasiyé'. Dooeé' kudá' taa umuuér ateét ngway meetagaasiyé'.

DANIELI 11:31

Slaqwaruuseerós muruú ta waki kun dahaas baraá Doó Mungú nee baraá gixsa. Ilahhooadár da/aa/aangw ar umuú baala kan ilaa/. Gadaádá' ta waki gan sihhtis baraá Doó Mungú.

DANIELI 11:36

«Waawutmoó /iya adoodá' i slai gan tleehh. Inós ti kilós xirfayees nee tiri gáwtí tleés iri ooi inós ku úr dír mungui sleémeero. Munguú mungui guri /oosliislín. Iri kumiit ay dír har afiqoomár buhhtaawós i fakiya'. Asma qoomaadá' taa qaás iwa bo/ i hariín.

DANIELI 12:11

«Iimidár qoomár ilahhooár da/a/aangw kawa hingeés, tidár umuú daqi, iimír qoomár gadaádá' ta waki kawa sihhtís, a afiqoomár deelo kumuú wák nee tsiire tsár nee mibeeraá gwaleél.

DANIELI 7:25

Kwí Munguúduú Gawa gu /ooslislín nee mukdá' hhohhó' oo Munguú Gawa guri baramaanuús. Inós ado gan leeleehh ar qooma ngir warqeesi nee dabeero, nee múk hhohhó' ku gawaá dabaawós i qaas har afiqoomár kureeri tám nee tlaqi.

DANIELI 8:13

«Aluuwo malaykamoó wák una axaás iwa axweesi, malaykamoó hatlá' kudá' axweés guri yaahaás, ‹Xáy, muruuwí ta ooiin nee iigu'utuwí i kumaamitiya' ay xaylá? Xáy ilahhooár da/a ar umuú deelo tidá' taa hhitín waaqa'a'ati ay xaylá? Xáy, hhitiru'umarí ar umuú gaa kawa hhaamimiisi i kumaamit ay xaylá, nee didá' hhoohhoo' dinkwa nee múk Mungú kuwa yaamaá hara'adararahi ay xaylá?›

HOSEA 3:4

Asma múk Israeli deelór yaariire i waawutmoó kon'aaká, laqaá heé úr, laqaá ilahhooár muruú ta tsu/i, laqaá /aampa, laqaá naifeéra laqaá tam slaqsa'aá munguii'ín.

FAARO 7:62

Muruú taa huúw as ilahhooár da/a a kwí: Slooqoó wák oo taa tleéhh ar sahaábu, iilooeemaawós a graámu tsiiruú wák nee mibaangw, mooyángw tsuua kwaa dalaá/,

Matayo 24:15

«Qoomár kudá' tlaákw oo Hhitusmo bura aandé' aa sihhiít didaádá' hhoohhoó' i alé, kudaádá' aarusmo Danieli aa oó' (heé soomuús gídaabárós ngi tsaahhi),

Matayo 26:28

Asma gaarí a tseerer'eé' ar alqado, ar ku'uut as múk yaariír as hingeemisuú tlakweema.

Matayo 27:51

Inqwaarír baraá Doó Mungú, ar do' gwa qasis, iri tla/a feehhít gáwtá wa ale ay baraay. Yaamu nay daaraxaatiyé' as kunseeli, tla/u nay feehhamitiyé',

Marko 13:14

«Kudá' tlaákw oo Hhiturusmo bura aandé', aa sihhiít didaádá' iwa harinaká» (heé soomuús gídaabárós ngi tsaahhi), «qoomaadae múk yaamaá Yudeár i dirií' ta ta'aain gawaá tlom'i.

Luka 21:20

«Qoomár bar gixsár Yerusalemu aga aandé', kaa harweér nee múk slaqwara, daqaní ka tsahhá' adór deelór hhaamiisarós nira tseewuúr.

Luka 21:24

Inooín ki tsuu/ ar paánga, kiri lohatis baraá yaamuuine, kay huuw baraá xoordaá dimbadimbé. Gixsár Yerusalemu kay i iwiit nee xoordaá hatlá' ay dír qoomár xoordu i bo/.»

Rumi 11:26

Daqaní múk Israeli sleémeero i ba/án. Asma kaa gooín, «Ba/amusmo naa hardáh, amór i dahhi a amór Siyoni. Inós dee/anu sleémeero gu hingees dír xwaylár Yakobowo.

Rumi 5:15

Ala tlakweemaadá' Adam aa tleéhh nee gurtleemuudá' Mungú naa haniís a ló'wa dimbadimbé. Asma tam heewí wák, ta bay Adam, gwa'ara ngaa huwi ar tlakweemaawós dír múk yaariír i alé, ala heewí wák, ta bay Yesu Kristo, gurtleemuú yaariír oo Mungú nguna ak ló'wa huúw dír múk yaariír i alé ar loohír tsuuqaá Mungú.

Rumi 5:19

Asma adoodá' mukdá' yaariír ira tlakuuse tleehhiít as dee/aanuú heé wák, adoorí sleeme an adoodá' mukdá' yaariír kur gan'amií harafaari as iialooeesár heedá' wák.

Ebrania 9:28

Adoorí an adoodár Kristo sleeme ku laqi. Inós kuna ilahhooár wa haniís sagaáwa wák wa ale as tlakweemaá múk yaariír ngiwa hingeesi. Inós nin malé ti'iit baraakaá yaamuwo sagaáwa tsár wa ale. Ala gár nis hardihi a tlakweema hingeesarooká, ala a mukdá' inós gu daamaaraám nguwa ba/amisi.