DANIELI 9:21 - Biblía Axweesantá Hhohho' ar Mungú 2004

²¹ heedaádá' ta bay Gabrieli, kudá' aáng naa geerií ár baraá iigu'utuwo, niri gaanslár /eét ay didá' aníng nay dirii'. Qoomaadá' an qoomár ilahhooár muruú ta tsu/i ar tsiindo kawa hanmaamisi.

DANIELI 9:21 Iomraidhean Croise

1 WAAWITÁ 18:29

Tana ló'wa kumiít tsimaahhiro, tari ti'ii'ín adór slarhhamaaye ay looár aa /uwaá xu', qoomár ilahhooa haniisa, kár ala heé gaa iiárií qaas i kaahh, laqaá oo gaa gaáriíi xuu' i kaahh.

1 WAAWITÁ 18:36

Qoomár ilahhooár tsiindo haniisaro iwa xeér, aarusmo Eliya ina tseewúy dír kitangwdá', iri firín, «Aá AAKOÓ MUNGÚ, Munguú Abrahamu, nee Isaka nee Israeli, laarí i xu'utit adór kuúng tar Munguú Israeli, nee adór aníng tar sagadiyusmoowók, nee adór án muruuwí sleémeero ngura tleehh ar adoodá' kuúng ngira ó'.

WARA'AMI 103:20

AAKOÓ MUNGÚ diidi'iimisaak kuungá' malaykeerós, kuungásingá' /uuruú koomá' nee axweesantós ngi boo/eemisá', axweesantá AAKOÓ MUNGÚ iiárií qaasaak.

WARA'AMI 104:4

Fur'a an ya/abusmoowók tléhh. Asla nee tsaangose an sagadiyuuseerók.

WARA'AMI 141:2

Firor'eé' ilaooheek adór mooyángw tsuú'. Dabaaeé' ngi amoorógií tleés adór ilahhooár muruú ta tsu/i ar tsiindo.

TI'INAANGW 29:39

Oo wák matlaatleero un gás nee oo tsár qoomár tsiindo.

ISAYA 6:2

Sagadiyuusér Mungú ar ta bay Seraáfi i gáwtií dirí' dír kitangwdae, umuú seraáfamoowo hhampe'eeri ngi koon lahhoó', hhampe'eeraá tsare gitsee/aawós gina tuuntuúk, nee awa tsare ya'aawós gina tuuntuúk, nee awa tsár gin ar gáwtí /akumiit.

ESEKIELI 1:11

Hhampa'aá tsár awa umuú gaaro kaa gweér gáwtí alé, nee ti kwatimitiyá'. Nee hhampi'iidaá hatlá' tsare, slaqooín ngina tuuntukiyé'.

ESEKIELI 1:14

Muruuwí slaáf ina amoorí nee taqá' xuaxuú' adór mankartá wer'eeliim.

ESEKIELI 14:14

tam geera Noa, nee Danieli, nee Yobu in baraá yaamuuká' i diri'iia, inooín mukwí /iisaro ngu aleeslay'aaká, aqo har slafingw'ín ngun ba/amisiyá', as gan'amuuín kudá' i koná'. Anuú Aakoó MUNGÚ tí aga oó'.

DANIELI 10:10

Qoomaarihe dawa iri kwatiít, iri sihhtís nee diqoó ya'aeé' nee oo dabaawo guri kwa/ás.

DANIELI 10:16

Naagáy, slaqsayko wák una ár oo adór hee, slufoeé' gina kwatiít, aníng nay ilawaáts, heedaádá' aa sihhiit bihhaeé' nguri báw, ‹Aá Aáko, iigu'utuwí iga ló'wa slahh'eés tam án nay bus'umiít.

DANIELI 10:18

«Slaqsayduú adór hee aníng iri malé kwatiít, /uuru nguri sláw.

DANIELI 8:16

Afór hee ana axaás i atetiín tla/ángw yaaér Ulaír wa ale, i kat, ‹Gabriéli, heesíng xu'utisek kángw iigu'utuudá' aa ari›

DANIELI 8:18

Qoomár iwa amor'eé' axweesi, aníng ana xopiít gu'uteero amooqae aga gurúr qaát yaamií ale. Ala inós aníng iri taataáhh iri sihhtís.

Matayo 27:46

Looár gwaleele Yesu iri tseé' ar afór ur, iri oó', «Eloi, Eloi, laama sabaktani.» Gídaabárós a «Munguúeé', Munguúeé', án misa geexeér.»

Luka 1:19

Malaykamo iri oó', «Án a Gabrieli, kudá' geeraá Mungú i dirií'. Nee aníng tina ya/aáw nee kuúng niwa axweesaan, nee ya/abtoorí hho' ngiwa dirógií oo'.

Luka 1:26

Qoomár tsiihoó Elisabeti tawa slehheeri lahhoó', malaykamo Gabrieli kuna ya/aáw nee Mungú ay gixsár Galilaya, ar ta babay Nasareti,

Tlehhema'aá ya/Abuuse 10:3

Looarka wake qoomár looár gwaleél ar tlaatla/aangw iigu'utu guna ár. Malaykamoó Mungú guna i daqáy, guri báy, «Kornelío.»

Tlehhema'aá ya/Abuuse 10:9

Bál tsár tawa baraá aaí dirii'i, gixsa kari i tseewúy. Qoomaadae Petro iri tsa/án gawaá daanduú do', as iwa firór ay. Qoomaadá' a looár lahhoó' ar tlaatla/aangw.

Tlehhema'aá ya/Abuuse 12:7

Hamtidár kilá' malaykamoó Aako iri sihhiít bihhiiwós, do' iri gwa/aát, malaykamoodá' Petro guri tleés, guri báy, «Tlawáng ar gaanslaay.» Pínguudá' oo gawaá dabaawós iri paáhh.

Tlehhema'aá ya/Abuuse 3:1

Looarka wake Petro nee Yohane tana tsa/án amór Doó Mungú qoomár looár gwaleél siiwadár saaliingw.

Ebrania 1:14

Gawaá adoorihe malayke sleémeero a qeeru. Inooín kaa ya/aáw nee Mungú as mukdá' ba/ama ga sláw nguwa sagadiyuusiya'.

Ebrania 1:7

Nee daanduú malaykeero i kaahi, «Malaykeerós gaa tleéhh ar adór fur'a, nee sagadiyuuseerós ar adór tsángw asla.»

Geehhoeemaá 9:17

Baraá iigu'utueene faras nee mukdá' gwaa i tsa/ani una ár. Mukdá' gawaá farás i dirií' gaambuín awa da/eewe ki da/aten adór asltá wa ale, slám ki sirbo/, nee slám ki tsee/atayen. Sagér farásuudá' a adór sagér direeri, nee baraá afer'ine gár ti'imiit a asla nee quui nee asltá xaraasl ar kiberiíti.