DANIELI 9:20 - Biblía Axweesantá Hhohho' ar Mungú 2004

²⁰ «Qoomár niwa firiím, niwa tlakweemaaeé' gwadidiim, nee tlakweemaá muk'eé' oo Israeli dinkwa nee AAKOÓ MUNGÚ, Munguúeé' nguwa i /aa/amiim as daanduú tloomár hhoohhoo' ar Munguúeé',

DANIELI 9:20 Iomraidhean Croise

ESRA 10:1

Naagáy qoomár Esra iwa firiirin nee iwa hhu'uu'un, iwa /a/aamin nee giti ngiwa yaamúr óh dír geeraá doó Mungú, kuri i burumburiít nee boo/oó yaariír oo múk Israeli, hhawaate, nee /ameena, nee na/ii, inooín tari ló' wa /aa/amín.

NEHEMIA 1:6

Iiarók qaaseek, ilaawók ni qaytsitiye' as firór anuú sagadiyusmoowók kawa iiárií qas, tí hamí ni dír geeraawók wa fiririim tlatla/aangw nee xweeraawo as xoorór Israeli, lawaaleerók. Aníng a tlakweemaá xoorór Israeli hhu'u'uúm, kudá' taa tleehhaán daanduuwoge, asma aníng nee múk doó baabuúeé' tlakweema iga tleehhaán.

WARA'AMI 145:18

AAKOÓ MUNGÚ ku tseéw dír kudaádá' sleémeero ngu ateetima'a, kudaádá' sleémeero ngu ateetimá' ar looeema.

WARA'AMI 32:5

Án dakuúsar'eé' ngiri dirók i alki/iít, nee adór nira qwaár aga duqumiiká diroge. Niri oó', «Dakuúsar'eé' a gwadidiím dír AAKOÓ MUNGÚ.» Kuúng dakuúsar'eé' kari gurtleér.

DAHARUSMO 7:20

Heé gan'amuú koóm tumu wák i kaahh baraá yaamuwo, oo hhooeema gi tlehhaahhiít tam tlakweema gari tleehhiiká.

ISAYA 56:7

Mukwí aníng un huúw gawaá tloomar'eé' tidá' hhoohhoo', aníng inooín ngiri baraá dooeé' kuduú firór wa qwal/atamís. Ilahhooar'ín ar da/a nee ar muruú ta tsu/i kin ya/án dír kitangw'eé' oo ilahhooaro. Asma dooeé' kun babay a doó firo as muu sleémeero.»

ISAYA 58:9

Daqaní kuungá' anuú AAKOÓ MUNGÚ bira firiindé', aníng kuungá' nu mu/aywaats. Slám bira ateté', aníng an oo', ‹Aníng a diirí.› Barnaxes kuungá' baramaani aga meeré' baraá tla/angwhunge, nee muu bur looloqoomisa'aaká nee muruú tlákw axweesanto bura meeré'.

ISAYA 6:5

Aluuwo aníng niri oó', «Tsaxwaaeé', asma aníng aga qwaár, aníng a heé afa slasla/aár, nee an hoót tla/ángw múk afe slasla/arén wa ale, nee ilaaeé' waawutmo ngwaa ariyé', AAKOÓ MUNGÚ Aleesleemusmo.»

ISAYA 65:24

Dír aníng ira firini'iiká in geerií mu/aywaáts, tam qoomár barta baraá axweesántií dirii' aníng in iiárií qaás.

DANIELI 10:12

Naagáy inós iri báy, ‹Daniéli, ma da'ayumiitaar, Mungú firoorók gaa axaás iimír bál geera tiwa niinawés geeraawós i alé, as tsaahha kawa sleer. Aníng hamí nina hardáh as daanduú firoorók tidá'.

DANIELI 10:2

«Qoomaarihe anuú Danieli a tsuunqumiís har afiqoomár wiikidaá tame.

DANIELI 11:45

Ak ale inós heemaduuwós awa uren giri sihhtis dír tla/ángw tlawi nee tloomadá' hhoohhoo' xirfuú koom. Ala daqaní adoorihe inós afiqoomarós ar alhhe'eesaay gaa áy, nee hee tumu wák oo gu alee/iís i kaahh.»

DANIELI 9:16

Aá Aáko, adoodá' tlehhmi'iiwók awa ganaa'á' i diri'iia atén miti i buhhaar, laqaá gixsarók ar Yerusalemu ma i buhhaar, tam tloomarók tidá' hhoohhoo'. Asma muu sleémeero kuduú inslaawaay gixsarók ar Yerusalemu nee mukoge kin waqaqaa' as tlakweemaadá' atén nee baabi'iirén naa tleehhaán.

SEKARIA 8:3

Aníng a wayaá' Siyoni, án niri hotaá áw tla/ángw gixsár Yerusalemu, nee gixsár Yerusalemu kay bay, ‹Gixsár inkihhím.› nee tloomár AAKOÓ MUNGÚ Aleesleemusmo kari bay, ‹Tloomár hhoohhoo'.›

Tlehhema'aá ya/Abuuse 4:31

Mungú firooro kuwa hhe'eés, didaádá' tay burumburiít iri daaraxát, sleémeero tari haáts Qeeruú hhoohhoó' oo Munguhe. Axweesantá Mungú kari alki/iít ar pihh'uuma.

Rumi 3:23

Asma muu sleémeero tlakweema gaa tleéhh, nee xirfuú ta kon i kaahh dír geeraá Munguhe.

Yakobo 3:2

Asma atén sleémeero a dakumaamisaán baraá muruú yaariire. Heé dakumiisaaká baraá axweesanto, inós a heé ganaá', a heé slaqwtós sleémeero ila/aro ga aleesláw, nee geeraharto.

Geehhoeemaá 21:10

Inós aníng iri ar tláy ar baraá Qeeru ay gawaá tloomár ur ar tleerantleer. Gixsár Yerusalemu ngiri laqán, gixsadá' hhoohhoo', i awdít gawaá doorí wa ale amór Mungú.

Geehhoeemaá 21:2

Gixsadá' hhoohhoo' ngiri ár, Yerusalémúr /aben, i gawaá doorí wa awdít, amór Mungú wa ale. Gixsadá' kaa tsiitiís adór dasír ta duxuuti, ar taa parootuús as garmaadá' ga duxuút.