DANIELI 9:2 - Biblía Axweesantá Hhohho' ar Mungú 2004

² anuú Danieli kitaaba'aá hhohho' ina soomuús, ngiri tsaáhh adór AAKOÓ MUNGÚ aa xu'utís dír aarusmo Yeremia daanduú kureeridaá mibeeri faanqwe, kudá' gixsár Yerusalemu kawa hhitin.

DANIELI 9:2 Iomraidhean Croise

2 QOM'I 36:21

Adoorihe axweesantá AAKOÓ MUNGÚ tidá' aa oó' ar loohír aarusmo Yeremia iri bó/, tidá' kah, «Yaamaá i hootiya' i tawo iwiitiyá', ki doosliiká ay kureeri mibeeri faanqw, ar adoodá' kureeraá Sabaáto awa taa boo/eesiiká.»

ESRA 1:1

Kurkú geera oo waawuti'iimár Koreshi, waawutmoó yaamaá Persia, as axweesantadá' AAKOÓ MUNGÚ aa oó' ar afkú aarusmo Yeremia iwa bo/, AAKOÓ MUNGÚ muunuú waawutmo Koreshi oo Persia guri gwarangwaár, inós afo gari ilahaniís baraá waawuti'iimarós sleémeero, sleeme gay gooín, iwa kaahi:

WARA'AMI 119:24

Tidá' kuúng naa ó' an qwal/uueé', asma ina gurbu'uún.

ISAYA 64:10

Gixsaduuwók kudá' hhohho' naa darma tleehhitiyé' Siyoni aa darma tleehhít, Yerusalemu aa deewá'.

YEREMIA 1:1

Kaangwí an axweesantá Yeremia garmoó Hilkia, heé wák baraá tla/ángw kaahamuusér Munguhe, oo baraá gixsár Anatoti daáhh ar baraá yaamaá Benyamini.

YEREMIA 25:18

Ana giiriím ar Yerusalemu, nee gixsadaá Yuda, nee waawitaáín nee geeraharuuser'ín, as kahhó' iwa xaanxay tleehhitiya', nari deewaaiyá', nee tawa gár ta waaqaqai nee ar ta lu'umisi. An adór i dirii'iya' ay laarí.

YEREMIA 26:18

«Qoomár Hesekia tawa waawutmoó Yuda, Mika, heé Moreshetír daáhh, múk Yuda sleémeero guna báy, AAKOÓ MUNGÚ Aleesleemusmo i kaahi, ‹Gixsár Siyoni ka adór qaymór wá doosl. Gixsár Yerusalemu ka taangu tleehh. Tloomár Doó Mungú i darma tleehhít.›

YEREMIA 26:6

naagáy aníng do'owí un adór kuduú Shilór wa hhitiím, nee gixsarí an adór gixsár taa lu'ús tleéhh dír xoordu sleémeero awa daanduú yaamuwo.› »

YEREMIA 27:7

Xoordu sleémeero inós ngun sagadiyuusiyá', nee na/iiwose nee nángw naangose, ay dír waawuti'iimarós baraá yaamuwo i fak. Aluuwo inós xoordaá yaariir nee waawituú yaariír ngun lawaalmooín tleehhiyá'.

YEREMIA 29:10

«Anuú AAKOÓ MUNGÚ an kah, ‹Alaá kureeraá mibeeraá faanqwe awa hotaahúng baraá yaamaá Babuloniro, aníng ni hardáh, qoomaarihe al'axweesante'eé' tidá' ngiri boo/eés ar nuwa ki/is baraá yaamuuká'.

YEREMIA 7:34

Yaamu in xaanxay tleéhh, iimír gixsadaá Yuda wa tleemu ay lohdaá Yerusalemu, afór qwala/ nee qaseengw ka axaasiiká nee afór ni/imár /aylaawo asma yaamu i deewaaiyá'.»

WA/AA/I 1:1

Gixsarí geeraawo muko haats, adór ira kilós mét. Tidá' geeraawo ur baraá xoorduuwo, adór ira kwaali'ít. Inósadár dasír waawutmo baraá tla/ángw gixsaduuwo, adór ira adór kwaalo'o tleehhít.

ESEKIELI 29:11

Heé baraadár waaraáhh i kaahh, laqaá makiito'o. Heé baraadá' wa hoót i kaahh ar afiqoomár kureeri mibeeraá tsiyahhe.

DANIELI 9:3

Aluuwo Aakoó Mungú una firiím ar muunaáeé' sleémeero dinkwa nee gwaawito, tlabaá guniyadu ngiri dahaás nee niri iwiít baraá da/ara.

MIKA 3:12

Gawaá adoorihe, siyoni, gixsár Mungú, ka doosl adór qaymór wá alé, Nee Yerusalemu iri taango tleehhít asma kuungá'. Nee tloomadá' taa Doó Mungú i tleéhh, iri gara tleehhít sleeme.

SEKARIA 1:12

Aluuwo malaykamoodú AAKOÓ MUNGÚ iri ilawaáts, iri oó', «Aá AAKOÓ MUNGÚ Aleesleemusmo, ay xaylá Yerusalemu ka siaiin gurtleemuuwo, nee gixsadaá Yudawo, kudá' taa i buhhahhiín kureeriiká mibeeraá faanqwe.»

SEKARIA 7:5

«Muu sleémeero nee kaahamuusér Munguhe ki beer, ‹Qoomár tawa gwaawiindé' nee tawa tsuunqumiisé' umuúqo slahhángw kooán nee oo faanqwe, baraá kureeriká mibeeri faanqw awa naa waarahhii'i, xáy aníng ina sa gwaawiindí'i?

Matayo 24:15

«Qoomár kudá' tlaákw oo Hhitusmo bura aandé' aa sihhiít didaádá' hhoohhoó' i alé, kudaádá' aarusmo Danieli aa oó' (heé soomuús gídaabárós ngi tsaahhi),

Marko 13:14

«Kudá' tlaákw oo Hhiturusmo bura aandé', aa sihhiít didaádá' iwa harinaká» (heé soomuús gídaabárós ngi tsaahhi), «qoomaadae múk yaamaá Yudeár i dirií' ta ta'aain gawaá tlom'i.

Tlehhema'aá ya/Abuuse 8:34

Heedaáduú Kushi Filipo guri báy, «Aníng i ooang, aarusmoowí axweesanaywí i kaahi a daanduú heemá? A daanduuwósuú kiláe, laqaá a daanduú heé hatlá'?»

1 Timoteo 4:13

Qoomaarí án niwa hardihiiká, ilakaaharu tleehheek oo muu kuwa axweesantá Mungú i soomus, nee kuwa naanaq, nee kuwa intsaahhatimis.

Geehhoeemaá 1:3

Heé amohhoó' a kudá' axweesantá aaru'uumarí ga soomuús. Nee múk amohhoó' a kudá' tidá' taa baraakií gooín ga axamiís nee gaa oh. Asma qooma aa naká/.