DANIELI 9:17 - Biblía Axweesantá Hhohho' ar Mungú 2004

¹⁷ Gawaá adoorihe, Munguúeé', firór sagadiyusmoowók iiarí qaaseek as kuúng. Ar gurtleemuwoge didár hotaawók tidá' taa hhitín male gurtlaweek.

DANIELI 9:17 Iomraidhean Croise

1 WAAWITÁ 8:28

Aá AAKOÓ MUNGÚ, Munguúeé', aníng a sagadiyusmoowók. Firor'eé' iiáií qaseek, afor'eé' tí laarí ya/aameek.

NEHEMIA 1:6

Iiarók qaaseek, ilaawók ni qaytsitiye' as firór anuú sagadiyusmoowók kawa iiárií qas, tí hamí ni dír geeraawók wa fiririim tlatla/aangw nee xweeraawo as xoorór Israeli, lawaaleerók. Aníng a tlakweemaá xoorór Israeli hhu'u'uúm, kudá' taa tleehhaán daanduuwoge, asma aníng nee múk doó baabuúeé' tlakweema iga tleehhaán.

WARA'AMI 119:135

Anuú sagadiyusmoowók ilaa'aráng kaahiroge intsaahhatisáng.

WARA'AMI 4:6

Awa yaariir i kaahiya', «Heé hhooa ngi atén i laqaám a heemá? AAKOÓ MUNGÚ, atén ti i qaytsit ar gurtleemu.»

WARA'AMI 67:1

Mungú ti gurtlay nee ti tsuuqi, nee atén ti ila'ari.

WARA'AMI 67:2

Adoodá' kuúng ta sla' i xu'utit baraá yaamuwo, xoordu sleémeero /uuruuwók kudá' ba/amaamís ngu xuiye'.

WARA'AMI 74:3

Hi'iimiít baraá taanguuká' wa ale, wakuuseerén umuú gaaro gaa hhitiín baraá Do'ók oo hhoohhooe.

WARA'AMI 80:1

Kuúngusuú de'eemusmoó múk Israeli, iia qaaseek, múk Yosefu geeraharaahareek adór daqooroó bee/aangw. Kuúngudá' aga gáwtí iwit dír malaykeero, xirfuuwók gwa/atiseek.

WARA'AMI 80:19

Aá AAKOÓ MUNGÚ Aleesleemusámo, atén ti malé /uurií ki/is, ti ilaa'aan, daqaní atén a ba/amán.

WARA'AMI 80:3

Xáy, Mungú, atén ti malé /uurií ki/is, nee atén ti ilaa'aan, daqaní atén a ba/amán.

WARA'AMI 80:4

Xáy AÁKO, Munguú Aleesleemusmo, ay xaylá firór mukók kas qa/iimit?

WARA'AMI 80:7

Xáy, Munguú Aleesleemusmo, atén ti male /uurií qas, atén ti ilaa'aan daqaní atén a ba/amán.

ISAYA 48:11

Adoorí an tleéhh as daanduueénuú kilá'. Asma waáy gár umuueé' kus waaqaqai? Aníng xirfuueé' u baloó heé hatlá' i haniisaaká.

WA/AA/I 3:56

Kuúng firor'eé' kari iiárií qás, niwa kah, «Iaawók mi oohaar bur alee/isáy fiririím!»

WA/AA/I 5:18

Asma tloomár Siyoni kaa kilós geexáy, tawer i baraá tanguuwós wa harweeriirín.

DANIELI 9:19

Aá Aáko, atén ti iiárií qas, aá Aáko, atén ti gurtleer. Aá Aáko, ti iiárií qas, nee adoodá' ta sla' tleehheek, ala mindi tligaar as umuuwók, aá Munguúeé, as daanduú gixsarí nee mukwí taa umuuwók ar ateét.»

Yohana 16:24

Ay hamí gár taa firiindé' i káhh ar umuueé'. Fiririimé', a sleerá', as qwal/uuhúng iwa boo/i.»

2 korinto 1:20

Asma al'axweesantá Mungú sleémeero ar baraá inose a «Eeít». Gawaá adoorihe atén sleeme an kaahaan «Amin» ar inós as Mungú kuwa xirfayeemiisaan.

Geehhoeemaá 21:23

Tsee/amá nee slahhaangw gixsarí gár ngis i gwa/aatiya' i káhh, asma xirfuú Mungú i baraadá' wa gwa/aat, nee tsaa'astós an Deelmoó bee/i.