DANIELI 9:14 - Biblía Axweesantá Hhohho' ar Mungú 2004

¹⁴ Gawaá adoorihe, AAKOÓ MUNGÚ, kuúng tiri amohhe'és atén tiwa mux, nee adoorí kari tléhh. Asma kuúng AAKOÓ MUNGÚ, a ganá' baraá umuúqo gár ta tlehhita. Nee atén axweesantók aga iilooeesaniiká.

DANIELI 9:14 Iomraidhean Croise

2 QOM'I 12:6

Naagáy ala waawutmo nee geeraharuusér Israeliwo tiri niinaweesiyé', tari oó', «AAKOÓ MUNGÚ adór ganaa' gaa tleéhh.»

ESRA 9:15

Aá AAKOÓ MUNGÚ, Munguú Israeli, kuúng an gan'amuú koón, atén tina meetís, tari kotsqotaán adoorí tay diriaan. Ga/aaweek, atén a dír geeraawók i diriiaán, atén awa tlakuuse, asma heé hariím sihhtanór dír geeraawoge i kaahh as tlakweemaaká'.»

NEHEMIA 9:33

Tam adoorihe kuúng gan'amu u koón baraá muruuwí sleémeero atén taa slayi, asma kuúng tu inkihhím, atén a tlakuuse.

WARA'AMI 111:7

Tlehhmi'iiwós i ganaaiyá', slám ki insareehhi wasl, hara'ayaarós bir nga oó' ar tsáp.

WARA'AMI 116:5

AAKOÓ MUNGÚ i haats gurhhooaro nee gana'amuwo, Munguúrén i gurtleemuú kón.

WARA'AMI 119:137

AAKOÓ MUNGÚ, kuúng a ganá', sakwasleemarók i ganá' sleeme.

WARA'AMI 51:14

Aá Mungú, Mungú ba/amusmooeé', ba/amisáng tseerdaá muu miwa ku'umiís, tsifrangw'eene adoodá' ira ba/amís an daá'.

TI'INAANGW 9:27

Aluuwo Farao Mose nee Aroni giri ateét, giri báy, «Aníng waiikae aga dakuús, AAKOÓ MUNGÚ in gan'amuú kón, aníng nee muk'eé' tlakweema iga tleehhaán.

YEREMIA 12:1

Aá AAKOÓ MUNGÚ, kuúng an ganá' aníng tam ui qununu/a. Aníng yaahasarka a koóm diroge. Ahaá múk tlákw baré gadiyeduuín i ya/aa/á'? Ahaá baré múk al/aymuuse aa diihhe'eés?

YEREMIA 31:28

Adoodá' aníng tir inkihhím ngiwa tu/uúm, ngiwa fe/iít, ngiwa daraáhh, ngiwa hhititiím nee ngiwa slahh'eemiís, nee ti inkihhím ngiwa malé dahaas nee ngiwa malé tleehh.

YEREMIA 4:17

Yerusalemu ngiri harweeriyá' adór xuumuusér qamu, asma mukós aníng ina aáhh. tí AAKOÓ MUNGÚ tí ngina oó'.

YEREMIA 44:27

Mukwí aníng u iltá tlaákw ar ga/áw as nguwa gár tlaákwí tleehh nee u hhooeemáy sla'aaká. Múk Yuda sleémeero kudá' baraá yaamaá Misrír hoót ku hhaamiis ar paánga nee qwari, ay dír ti suquuti.

WA/AA/I 1:5

Gixaarós kan baliit nee wakuuseerós, wakuuseerós aa slawiín, asma AAKOÓ MUNGÚ inós gana slahh'eemiís as tlakweemaawós kudá' yaariir. Na/iiwós wakuuse gira tleér baraá loohaay.

ESEKIELI 16:43

Kiíng aga gunqaarút tidá' anuú Aakoó MUNGÚ naa tleéhh qoomár kiíng tawa /amaatliito'o. Kiíng aníng iga ló'wa buhhtís ar muruudá' sleémeero taa tlehhaahhít. Aníng kiíng i li/áy buú' daanduú umuú gár taa tlehhi. Anuú Aakoó MUNGÚ tí aga oó'. Xáy, slasla/ara ugwa qo dogkáhe daanduú muruuwí sleémeero án ni ahhiita?»

DANIELI 4:34

«Alaá kureeridá' faanqw niwa waarahhiyé' anuú Nebukadnesa ana gawaá doorí qaytsiít, nee fuqurangw'eé' niri kií/. Munguúdá' úr una diidi'iís nguri sluufiís nee nguri ilaiwa/amér i tleéhh kudá' hotatiím ay alhhe'eesay wasle. Asma waawuti'iimarós an waawuti'iimár alhhe'eesoó koomaaká. Waawuti'iimarós in kumaamít qari sleémeero.

DANIELI 9:7

Aá Aáko, diroge gan'amu i deer, ala atén umuú deeloro mure taa fák. Kaangwí sleémeero a ló' dír ateéká' Yudeár hootá' nee yaamuloouusér Yerusalemuro, nee múk Israeli sleémeero kudá' taa diyá/ baraá yaamaá saawá' nee awa tsewene, asma inkihhimu nguwa dakuusiyé' diroge.