DANIELI 8:8 - Biblía Axweesantá Hhohho' ar Mungú 2004

⁸ «Aluuwo gurtuudá' tiri kilós xirfayeés ló'wa alé. Ala qoomár iwa ló'wa /uuruú kon xarmoowós kudá' úr iri qeét. Kitángw xarmoodae xareemaá ninakw awa tsiyáhh niri ti'itiyé' awa gehho', umuú xarmoowo ina bartós xuú' badu tsihhaawo awa yaamu.

DANIELI 8:8 Iomraidhean Croise

2 QOM'I 26:16

Qoomár Usia /uuru nguwa sláy, iri daara/uút, daara/angwdá' guri amór qwanáy huúw. Iri dee/anuút dír AAKOÓ MUNGÚ, Munguúwose. Iwa dáh baraá Doó Mungú ina tsabín mooyángw tsuú' nguwa da/tá wa slai dír kitangwduú ilahhooa.

ESTA 9:4

Asma Mordekai a heé úr doó waawutmoowo, nee xirfuuwós ina xu'utiít baraá ayeemo sleémeero, asma aleesleemuú Mordekai ina ak doogiigín.

YEREMIA 49:36

Aníng fur'a ngi tleés gawaá Elamu ar badu tsiyhhaawo ngi daahh, aníng inooín in diyaá/ baraá hhapeemo sleémeero, tam xoorór múk Elamu kway diya/iiká iri káhh.

YEREMIA 5:27

Adoodá' slakaatusmo lakwaanti ngir dalaa/i tsir/ór aa ohini, an adoodá' maray'ín nira hatsiyé' muruú fisooro. An gár inooín is /uuruú kona' nee tas daqaare.

ESEKIELI 16:7

‹Slaáf nee uráw adór sla/ito'ór baraá qaymór wa ale.› Kiíng tari ureér, tari tleeruúr adór dasi. /Aami iri tsaxát, iseemaawók nari kiki'iné' nee se'eengók niri uraaráy, ala kiíng a /aankwetsuú kilá'.

ESEKIELI 28:9

Xáy, kuúng aqo kumíta tawa kat, ‹Aníng a mungú,› dír geeraá mukdá' kuúng u gaamisa? Kuúng tin tsáhh adór tar hee, ala a munguheeká dír geeraá mukdá' kuúng u tlaqmiisa'a.

DANIELI 11:4

Ala tam adoorihe, qoomár bira ló'wa iia tleerúy as aleesleemuuwós, waawuti'iimarós i hú' iri qasít badu tsiyáhh awa yaamu. Baraá na/iiwose oo waawuti'iím i kaahh, tam baraá yaamuudá' inós aa sawaawuti'ini heé waawuti'iím i kaahh, asma waawuti'iima ka hayoh nee múk hatlá'.

DANIELI 4:31

Qoomár iwa axweesantí kaahi, afo ina ilaawáts gawaá doorí wa aleeró, i kat, «Aá waawutmo Nebukadnesa, tí án ni kah iiárí qaaseek, waawuti'iimarók ka hayoh.

DANIELI 5:20

Ala as inós iwa daara/uút nee iwa sagagawdúy iri waahhamín, kuri hingeés gawaá kitángw waawuti'iimaro, tam xirfuuwós kuri hingeés sleeme.

DANIELI 7:2

Danieli iri oó', «Aníng iigu'utu una ár xweeraawo, naxés fur'a i fukuukú' bihhe sleémeerowo nee i tlawtá /eeragaamís.

DANIELI 7:6

«Alaá tihe naxés makiito'ór hatlá' nina malé ti'ít, ar adór du'uma oo hhaampa'aá tsiyáhh koóm gawaá daanduuwose. Inós sage ngi koon tsiyáhh, nee inós kari baalírí haniís.

DANIELI 8:22

Xarmoodá' aa qeet kitangose xareemaá hatlá' awa tsiyáhh nina ti'iitiyé', gídaabárós a tí: Waawuti'iimarí i qasít, tari waawuti'iimár ninakw tsiyáhh, ala waawuti'iimadár hatlá' tsiyahhaawo /uuru gu ak sleeraaká, adór waawuti'iimadár geeraá wa aleeró.

DANIELI 8:5

«Qoomár niwa kaangwí aldakuut naxés gurta una ár bihhaá /uwií alé i gaanslár ti'ii'ín, slám yaamu gi kwatmitiiká. Baraá gineerose i xarmoó wák kón oo yangaariír ló'wa alé.

DANIELI 8:7

Gurtuudá' una ár gwaanduudá' guna hara suruúk. Gwaanduudá' guna i buúhh ló'wa ale, guri haraa/akuút ar /uuruuwós sleémeero, xareemidá' tsaraawo giri giqáy. Naxés gwaanduudá' sihhtanór geeraá gurtuudá' gaa aleeslayká. Ala kuna yaamií daáhh, kuri kal/aa/án, hee tumu wák i kaahh oo gwaanduudá' gwaa tuu/ dír gurtuudae.

Matayo 24:31

Qoomár tarumbeéta bar kaa ufaáhh ar afór ur, inós malaykeerós ngin ya/aaw, mukós oo taa tsawaár gun burumbút amór bihhér yaamu tsiyahhaawo, iimír alhhe'eesaywí oo doori ay alhhe'eesayqá'.»

Marko 13:27

aluuwo malayke gari ya/aaw, badu tsiyahhaawo awa yaamu, iimír alhhe'eesaywí wa tleemu ay kuqá', as mukós kudá' aa tsawaár nguwa burumbut.»

DABE 31:20

Asma qoomár aníng inooín bira huúw baraá yaamaá diihhooár ilwa nee dane, kudá' aníng naa lo'ór wa /aáy ngiwa haniis dír baabi'ii'ín, ala inooín tan /ayín, nee tan aax, tari wahhadiit. Aluuwo inooín tari warqáy, munguaá hatlá' kiri haratlintii', aníng iri si'iyá' nee alqador'eé' ngiri geexayá'.

Geehhoeemaá 7:1

Alaá tihe aníng malaykér tsiyáhh ngiri ár aa sihhít bihhe tsiyáhh ar yaamu. Inooín fur'aadá' tsiyáhh ar yaamu kan ila/án, as fur'aadá' miwa fukukueeliín baraá yaamií alé, laqaá tam gawaá daanduú tlawi, nee laqaá tam gawaá umuúqo xa'anoowo.