DANIELI 8:27 - Biblía Axweesantá Hhohho' ar Mungú 2004

²⁷ «Anuú Danieli ana /araám, niri tiíq deelo alé. Niwa huunguú/ niri kumiít gadiyeedá' waawutmo iga bayi. Ala iigu'utudá' aníng ina waa/o/amórár áy, ala aníng ugwa tsaahhiiká.»

DANIELI 8:27 Iomraidhean Croise

DANIELI 10:16

Naagáy, slaqsayko wák una ár oo adór hee, slufoeé' gina kwatiít, aníng nay ilawaáts, heedaádá' aa sihhiit bihhaeé' nguri báw, ‹Aá Aáko, iigu'utuwí iga ló'wa slahh'eés tam án nay bus'umiít.

DANIELI 10:8

Gawaá adoorihe tina kilooeé' geexáy a iigu'utuwí dae tlaáq ga/áw. /Uuruueé' iri faák, tam kalay'eé' iri warqáy niri tawo meét aga bus'umiít.

DANIELI 4:19

Qoomaarihe Danielidá' ta babay Belteshasa iri gurhamuút gár niinawe, nee inslawaywós iri amooqwaqwadín. Waawutmo Belteshasa guri báy, «Belteshása tlataaká' muwa dae tsatiyé'.» Belteshasa iri oó', «Aakooeé', tlataaká i pa/iye' amór mukdá' kuúng u ahhiít, nee gár tlataaká' i laqaaqana' i pa/ amór wakuuseerók.

DANIELI 5:14

Aníng aga axaás adór qeeruú Munguúdá' hhoohhoó' ir baraawók nee adór kuúng sagalooa nee fuquraangw nee inslawoó ganaá' kur koón.

DANIELI 7:28

«Gaarí a alhhe'eesoó kaangwí. Anuú Danieli niri daanda feehhiís, tam kalay'eé' iri warqáy. Ala kaangwí una alhooreés baraá muunaáeéní aleeró.»

DANIELI 8:17

Gabrieli niri tseewúy didá' aníng nay sihhiít. Aníng niri da'ayuút ló'wa aleeró, niri gurúr qaát. «Ala aníng iri báy, ‹Aá heewí, iigu'utudá' taa aán gár i kaahi a daanduú muruú deelór alhhe'eesaay.›

DANIELI 8:2

Baraá iigu'utuuwihe naxés aníng a dír Susa, gixsár ur ar ayaá Elamu. Aníng aga sihhiít dír yaaér Ulai.

DANIELI 8:7

Gurtuudá' una ár gwaanduudá' guna hara suruúk. Gwaanduudá' guna i buúhh ló'wa ale, guri haraa/akuút ar /uuruuwós sleémeero, xareemidá' tsaraawo giri giqáy. Naxés gwaanduudá' sihhtanór geeraá gurtuudá' gaa aleeslayká. Ala kuna yaamií daáhh, kuri kal/aa/án, hee tumu wák i kaahh oo gwaanduudá' gwaa tuu/ dír gurtuudae.

HABAKUKI 3:16

Kaangwí sleémeero una axaás tam guruueé' ma'aay ngway dalaa/iyé'. De'eero afkueé' iri daaraxaát. Diqiyaeé' niri tsatiitiyé', ya'aaeé' niri daaraaxiyé'. Aníng baalaadár slahh'amu an daamaaraám ar qitla, tidá' hardah dír mukdá' amoorénií haraatlatláw.

1 SAMUELI 3:15

Samueli iri guaaín ay matlaatle, aluuwo afkú doó AAKOÓ MUNGÚ guri gweér. Samueli iri da'ayuút kángw iigu'utuudá' nguwa ooi dír Eli.