DANIELI 8:25 - Biblía Axweesantá Hhohho' ar Mungú 2004

²⁵ Asma inós tawa fuqurusmo baraá muruú tlakwe i ló'wa waaraahh nee tiri xirfayees. Múk yaariír gu naaqo tsuu/ nee sleeme inós nee geeraharusmoó geeraharuuse ti tlaampa'aasiyá', ala inós ku suqúy nee Mungú tam dákw hee gur gadiyusiiká.

DANIELI 8:25 Iomraidhean Croise

YOBU 34:20

Nin qatliyá' ar wa'aá wák, xweeraá looár wake muu kun tawó kwatiit iri faakiis qatlooro, nee mukdá' /uureemaá koóm gun fitsfiits tam /iisara ga dír heéwí firinká.

YEREMIA 48:26

AAKOÓ MUNGÚ i kaahi, «Múk Moabu xufitisaak, asma inooín tina xirfayeemisiyé' as aníng iwa si'iyé'. Gawaá adoorihe, múk Moabu ta gwaagwara'amiit baraá wa/arii'ín wa ale, nee inooín kiri waaqaseesén.

WA/AA/I 4:6

Sakwasleemár muk'eé' aa sláy ka ur, ta ak sakwasleemár múk Sodoma aa slayi, kudá' taa qororo'oós tam pa/ángw daba' kiri gáwtí tleesi kwaa slayká.

DANIELI 11:12

Inós iri dara/uut as baalidá' aa sláy nee slaqwaruusedá' kumér yaariir ar /iya ngiwa tsuú/, ala baali sleemuuwo i baloó ki/iiká.

DANIELI 11:45

Ak ale inós heemaduuwós awa uren giri sihhtis dír tla/ángw tlawi nee tloomadá' hhoohhoo' xirfuú koom. Ala daqaní adoorihe inós afiqoomarós ar alhhe'eesaay gaa áy, nee hee tumu wák oo gu alee/iís i kaahh.»

DANIELI 7:26

Ala kwasleemár gawaá doori ka iwitiis, nee baalír waawutmoodá' kan hayoh as kawa fiitsi nee kawa tsumumu'uusi.

DANIELI 7:8

Qoomár niwa xareemiwós aldakuut, naxés xarmoó wák oo niiná i ti'imiit baraá tla/ángw xareemidá' mibángw wa alé. As xarmoodá' pa/aangw nguwa slay xareemidá' awa tám kina dee/aruuín altu/ún. Ilaá makiito'oodá' a adór kuqaá hee, nee afkose /ayma'aá taqanaa/i ginar axwés.»

DANIELI 8:11

Xarmoowí tiri ló'wa xirfayeés kilós ale tam dír geeraharusmoó úr oo múk Munguhe. Ilahhooadá' ta da/aa/an umuú deelooro dír Kudá' Úr oo gawaá doori gari qwaareés, nee do'ós kudá' hhoohhoó' guri yaamií slaáx.

DANIELI 9:25

Gawaá adoorihe gaarí tsaahheek: Iimír qoomár hara'aya kawa oó' ar gixsár Yerusalemu kawa malé /abeesi tleehhamooro, ay qoomár heedaádá' úr taa iimbalaáx niwa hardihi, a har afiqoomár wiíkoó faanqw. Har afiqoomár wiikadaá mibeeri lahhoó' nee tsár gixsár Yerusalemu ka malé /abees tleehharo, nee loohduuwós kudá' uren nee boh'e ala qoomaarí a qoomár slahh'amu.

Tlehhema'aá ya/Abuuse 12:23

Hamtidár kilae malaykamoó Aako Herode guna slaáhh, asma Mungú gwa xirfuú i haniisiiká. Kuri /aáy nee naanaga, iri gwaá'.

2 Tesalonike 2:3

Umuúqo heewo munduwa al/aáy ar umuúqo loohiro. Asma deeloodá' i hardatká ay dír dee/aanuudá' Mungú kuwa si'i ii iimu/un, nee Heedá' Tlaákw, kudá' ta hhaamisi, ay dír i geehhoouy.

2 Tesalonike 2:8

Qoomaadá' an qoomár Heedá' Tlaákw tiwa geehhooeesi ar gaanslaay. Qoomaadae Aako Yesu niri hardah, iri geehhooúy ar baraá gwa/aateema, nee Heedá' Tlaákw guri suqúy ar hiinsluú afkós.

Geehhoeemaá 17:14

Inooínaká' ta slaaqw nee Deelmoó bee/i. Ala Deelmoó bee/i inooín gi ar baa/, asma inós a Aakoó bariise, nee slám inós a Waawutmoó waawitá. Nee mukós kudá' taa ateét nee oo taa tsawaár nee oo inkihhím, inooín baali ngi slayá' dinkwa nee inós.»

Geehhoeemaá 19:16

Nee inós baraá inqwaarirose nee gawaá kutl/umoowose kwaa umií gooín tawa kaahi, «Waawutmoó waawitá nee Aakoó bariise.»