DANIELI 8:22 - Biblía Axweesantá Hhohho' ar Mungú 2004

²² Xarmoodá' aa qeet kitangose xareemaá hatlá' awa tsiyáhh nina ti'iitiyé', gídaabárós a tí: Waawuti'iimarí i qasít, tari waawuti'iimár ninakw tsiyáhh, ala waawuti'iimadár hatlá' tsiyahhaawo /uuru gu ak sleeraaká, adór waawuti'iimadár geeraá wa aleeró.

DANIELI 8:22 Iomraidhean Croise

DANIELI 11:4

Ala tam adoorihe, qoomár bira ló'wa iia tleerúy as aleesleemuuwós, waawuti'iimarós i hú' iri qasít badu tsiyáhh awa yaamu. Baraá na/iiwose oo waawuti'iím i kaahh, tam baraá yaamuudá' inós aa sawaawuti'ini heé waawuti'iím i kaahh, asma waawuti'iima ka hayoh nee múk hatlá'.

DANIELI 7:6

«Alaá tihe naxés makiito'ór hatlá' nina malé ti'ít, ar adór du'uma oo hhaampa'aá tsiyáhh koóm gawaá daanduuwose. Inós sage ngi koon tsiyáhh, nee inós kari baalírí haniís.

DANIELI 7:7

«Alaá tihe baraá iigu'utueene naxés makiito'ór tsiyáhh ngiri ár, a makiito'ór waa/oo/amo nee ar dae tlaaq, ar ló'wa /uuruú koom. Makiito'oorí sihhnaá diren awa muqsla gi koón, awa ir /ayiin. Nee fu'unaydá' naa meetiyé' giri feehhamís, giri yaamú i kal/aán ar tsa/aá ya'aawós. Inós a slaqmiseeká nee makaydaá hatlá' tám naa geerií ár, inós xareemi ngi koon a mibaangw.

DANIELI 8:21

Nee gurtuudá' taa aán oo se'éngw yaariír koóm a waawutmoó Griki. Nee xarmoodá' wák oo gawaá gineerós a waawutmoó geerií waawuti'iím.

DANIELI 8:23

«Qoomár waawuti'iimarí bar alhhe'eesaywós gwa eér, nee tlakweemaaín naa bu'uutiyé' alhhe'eesay ngwa ayé', waawutmoó wák oo fuqurángw koóm oo /uuruú koóm ni hardah.

DANIELI 8:3

Naxés niwa qaytsiít, gwaanda una ár aa sihhiít dír afaá yaeerí. Gwaanduwí xareemaá tlet tsár gi kón, ala xarmoó wák ku ak tleér, nina ti'iít dír alaá kuduú hatlá' wa aleeró.

DANIELI 8:8

«Aluuwo gurtuudá' tiri kilós xirfayeés ló'wa alé. Ala qoomár iwa ló'wa /uuruú kon xarmoowós kudá' úr iri qeét. Kitángw xarmoodae xareemaá ninakw awa tsiyáhh niri ti'itiyé' awa gehho', umuú xarmoowo ina bartós xuú' badu tsihhaawo awa yaamu.

SEKARIA 6:1

Aníng niri malé gáwtí qaytsiít, naxés gaardaá tsiyáhh nina ti'iitiyé' baraá tla/ángw tlom'aá tsár wa ale, tlom'iidá' a tlom'aá muqslár sirda/aten.