DANIELI 8:21 - Biblía Axweesantá Hhohho' ar Mungú 2004

²¹ Nee gurtuudá' taa aán oo se'éngw yaariír koóm a waawutmoó Griki. Nee xarmoodá' wák oo gawaá gineerós a waawutmoó geerií waawuti'iím.

DANIELI 8:21 Iomraidhean Croise

DANIELI 10:20

«Inós aníng iri báy, ‹Xáy, gár án nisa amoorók i hardáh a xúa? Ala hamí daxta a kií/ niwa slaqwarár áw nee malaykamooduú múk Persia, nee qoomár aníng inós bura baál slaqwararo, malaykamooduú múk Yunani ni hardah.

DANIELI 11:2

Hám daxta looeemaá kangwdá' ngi dirógí i oó'.» «Ga/aaweek, waawituú hatlá' tám yaamaá Persia gi sawaawuti'ín. Aluuine waawutmoó tsiyáhh oo daqaari'iimaro gi baá/ yaamaá Persia gi sawaawuti'ín. Qoomár /uuru burngwa sláy ar daqari'iimarós i haraatláy amór waawutmoó Griki.

DANIELI 11:3

Naagáy waawutmoó hatlá' /uuruú koóm pihhusmo, inós yaamaá yaariir gi sawaawuti'ín, nee adoodá' i slai gan tleehh.

DANIELI 2:39

Alaá waawuti'iimaroge waawuti'iimár hatlá' ni iitleér ar daqa tlaakw dír toge, nee aluudae waawuti'iimár tám, ar muqslír sirdaa/aat, xoordu sleémeero gi sawaawuti'ín.

DANIELI 7:6

«Alaá tihe naxés makiito'ór hatlá' nina malé ti'ít, ar adór du'uma oo hhaampa'aá tsiyáhh koóm gawaá daanduuwose. Inós sage ngi koon tsiyáhh, nee inós kari baalírí haniís.

DANIELI 8:20

«Gwaanduudá' xareemaá tsár koóm, kudá' kuúng taa aán, a waawituú múk Medi nee oo Persia.

DANIELI 8:22

Xarmoodá' aa qeet kitangose xareemaá hatlá' awa tsiyáhh nina ti'iitiyé', gídaabárós a tí: Waawuti'iimarí i qasít, tari waawuti'iimár ninakw tsiyáhh, ala waawuti'iimadár hatlá' tsiyahhaawo /uuru gu ak sleeraaká, adór waawuti'iimadár geeraá wa aleeró.

SEKARIA 9:13

Asma Yuda ugwa qwambatís tawa ga/aler'eé', Efraimu ugwa mahángw ga/ale tleéhh, múk Siyoni un ar gadiyuús tawa paángár na/aá Giriki ngir tsuu/, án kuungá' nun paángár migusmo tleéhh.»