DANIELI 8:14 - Biblía Axweesantá Hhohho' ar Mungú 2004

¹⁴ Iri oó', ‹Ar har afiqoomár tsiindo nee matlaatlér kume tsár nee tsiire tám. Ala aluudae daqaní hotaaín Mungú gi adoodár aáng i ki/is.› »

DANIELI 8:14 Iomraidhean Croise

IIMU/UUNGW 1:5

Gwa/aateema giri báy Tlaatla/aangw, nee giwti gari báy Xweera. Tay tsiindo, tay matlaatle, tari baalár geera.

ISAYA 1:27

Siyoni ka gweer ar sakwasleemár ganaa', nee mukós kudá' aa hhu'uu'un kun gweer ar hotaá ganaa'á'.

ISAYA 45:25

Xwaylár Israeli baali ga sleér nee xirfuuwo dír AAKOÓ MUNGÚ wa aleeró.

DANIELI 12:11

«Iimidár qoomár ilahhooár da/a/aangw kawa hingeés, tidár umuú daqi, iimír qoomár gadaádá' ta waki kawa sihhtís, a afiqoomár deelo kumuú wák nee tsiire tsár nee mibeeraá gwaleél.

DANIELI 12:12

Múk amohhoó' a kudá' aa qiitl ay deelór kumuú wák nee tsiire tám, nee mibeeri tám nee kooán i waarahh.

DANIELI 12:7

«Heedaádá' aa sihhiit bihhaá gawa awa yaae, kudá' tlabaá neewór kitaáni gaa dahaas, dabaawós tsaraawo giri gáwtí tleés, nguri axaás i lo'ór /aay ar umuú Munguúdá' hotatiím ay kureeraá kureér, ‹Baala i xeér ar afiqoomadaá tám nee tlaqi qoomár slahh'amuú múk hhohhó' bira faák, muruuwí sleémeero daqaní i boo/.›

DANIELI 7:25

Kwí Munguúduú Gawa gu /ooslislín nee mukdá' hhohhó' oo Munguú Gawa guri baramaanuús. Inós ado gan leeleehh ar qooma ngir warqeesi nee dabeero, nee múk hhohhó' ku gawaá dabaawós i qaas har afiqoomár kureeri tám nee tlaqi.

DANIELI 8:26

Iigu'utudú ilahhooár tsiindo nee matlaatle tinda kuúngií oó' oo ló'. Hamí ala maweek baraá naaqórí ale, asma hardahamuuwós ku baloó tseeweeká oo iwa boo/i.

Galatia 3:8

Gooi gana geerií aán adór Mungú múk xoordu ngur gan'amií harafaari as haratlintaaor'ín. Ya/abtoorí hho' Gooi gaa geerií alki/ít Abrahamu nguwa beér, «Baraawoge xoordu sleémeero ki tsuuq.»

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 12:14

Ala /ameenidá' kari hhampe'eeraá tsár i haniís awa gwareesidá' ur, as inós iwa /akut ay baraá xaanxaay, ay dirós tidá' inós kawa /aymaamisi qoomár kureeraá tám nee tlaqi. Didá' ka saaw dír dayshamoodae.

Geehhoeemaá 13:5

Makiito'oodá' kari afkwí haniís oo /ayma'aá dara/aangw nee awa /ooslisliingw ngiwa axwes. Slám kari aleesleemií haniís oo gadiyeé ngiwa tlehh slahheeri mibeeri tsiyáhh nee tsár.