DANIELI 8:12 - Biblía Axweesantá Hhohho' ar Mungú 2004

¹² Múk Mungú kuri dirós i haniís dinkwa nee ilahhooadá' ta da/aa/an umuú deelo ar loohidá' qoomaaká. Looeema kiri yaamaá hara adáh. Inós umuú adór i slai gan tleehh nee gan aleesláy.

DANIELI 8:12 Iomraidhean Croise

YOBU 12:6

Hotaá malguuse i wayduú koná', múk Mungú buhhtimís i hoot ar saxareema, Munguúín an /uuruuín.

WARA'AMI 119:142

Gan'amuuwók an gan'amuú alhhe'eesay wásl, nee dabeerók ar ló'.

WARA'AMI 119:43

Aleesleemuú i haniisáng, looeemawók ngiwa kah umuúqo daqto, asma harahhifor'eé' i baraá tidá' kuúng naa kát.

WARA'AMI 28:5

Inooín tlehhma'aá AAKOÓ MUNGÚ ngi gaárí xuiaaká, tam muruudá' aa tleéhh ar dabaawós sleeme. Gawaá adoorihe gin hhaamiis, slám gi baloó gurtlayká.

ISAYA 59:14

Sakwasleemár ganaa' kaa bihhií qaás, hotaá ganaa'á' direne na saweesiyé', looeema kaa yaamaá hara'adáh baraá lohdaá urene, doó kwasleemaro gana'amu pa/aangw gu slayká.

YEREMIA 12:1

Aá AAKOÓ MUNGÚ, kuúng an ganá' aníng tam ui qununu/a. Aníng yaahasarka a koóm diroge. Ahaá múk tlákw baré gadiyeduuín i ya/aa/á'? Ahaá baré múk al/aymuuse aa diihhe'eés?

DANIELI 11:28

Waawutmoó /iya iri waátl baraá yaamuuwós ar daqaari'iimár yaariir, ala baraá muunaáwose gár i aldakuuti a adór alqadór hhohho' ngiri warqeesi. Adoodá' inós i slai gari tleehh iri kií/ baraá yaamuuwós i aleeró.

DANIELI 7:21

«Qoomár ngiwa adoorí wa ga/aw, xarmoodá' nee mukdá' hhohhó' oo Mungú tina muxiyé', inós mukdá' guri baál.

DANIELI 8:4

Gwaanduwí una ár i slaaqw bihhaá /uwa, nee /iya nee basa. Tam makiito'ór gwa tlaampa'as i káhh, laqaá ar aa kotsqot dír /uuruuwose i káhh. Inós adoodá' i slai gana tleéhh, tina kilós xirfayeés.

Geehhoeemaá 13:7

Slám kari ya/án as iwa slaqw nee múk hhohhó' oo Mungú nee nguwa ar ba/. Aleesleemu guri sleér gawaá umuúqo tlahhaywo nee umuúqo muko nee tsifriro nee umuúqo xoorooro.

1 SAMUELI 23:9

Daudi ga xuu' adór Saulo ngur kángw tlaákwí slai, Abiatari guri báy, «Xáda xáy inqwarusuú kaahamuusér Mungú haniisang, kuduú naifeéra.»