DANIELI 7:9 - Biblía Axweesantá Hhohho' ar Mungú 2004

⁹ «Qoomaadár kilá' aníng niwa xumiis, kiteeraá waawuti'iima kina qaás. Naagáy aakoodá' daadáw kureerisleém, iri iwiít gawaá kitaangós oo aleesleemu, tlabaá /awak nga dahaás adór tlaa/aá tluwaay, se'eengós a adór se'éngw /awák oo bee/aangw. Kitaangós oo waawutmi'iima a adór tsángw asla, nee /angeegeuwós i oh aslto.

DANIELI 7:9 Iomraidhean Croise

1 WAAWITÁ 22:19

Mikaya iri oó', «Gimáy axweesantá AAKOÓ MUNGÚ iiárií qaaseek: AAKOÓ MUNGÚ ugwa ár aa iwiít gawaá kitaangós kuduú waawuti'iima, nee slaqwaruuse sleémeero ar gawaá doori aa sihhít bihhaawós, tooka bihhaá doó /iyáy tiqá' awa doó basáy.

2 QOM'I 18:18

Aluuwo Mikaya iri oó', «Gimsé', axweesantá AAKOÓ MUNGÚ iiárií qaasaak! Aníng AAKOÓ MUNGÚ ugwa ár aa iwiít gawaá kitaangós oo aleesleemu, nee malaykeerós sleémeero aa sihhít dír bihheerós tsaraawo awa doó /iyáy nee awa doó basáy.

WARA'AMI 45:8

Tsiitaywók sleémeero i tlatláy mooyángw manemanero, nee oo udi nee oo xaa'aá mdalasiniro. Kuúng taa qwal/atís nee afór daa'ángw mariímba, ar baraá maraá waawutmo awa taa parootuús ar xareemaá daawe.

WARA'AMI 90:2

Tam qoomár tlom'i kiwa tlehhká. Tam qoomár yaamu kiwa tlehhká, kuúng an Munguú daadáw iimír iimu/ungw wasle ay alhhe'eesay wasle.

WARA'AMI 93:2

Kitaangók ku qaroó gawít iimír iimu/uungo, kuúng an kudaádá' dáw iimír iimu/ungw wasle.

ISAYA 6:1

Kurkú waawutmo Usia iwa gwaá', aníng Aako una ár aa iwiít gawaá kitángw waawuti'iima, kudá' gáwtí dirií' nee kwaa tleesa hhe'eés, pasleemaá inqwaarirós guruú doó Mungú nguna tuuntukiyé'.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

YEREMIA 49:38

Aníng kitangw'eé' oo waawuti'iima u qaás baraá Elamu, nee waawutmooín nee geeraharuuser'ine in hhaamiís. Anuú AAKOÓ MUNGÚ tí ngina oó'.

ESEKIELI 1:26

Gawaá daanduú gaarihe gár adór slaqsoó kitángw waawuti'iima ana ár, kalaywós a adór kuduú yakútír sirboo/, slaqsoó adór hee aa gawaadá' i iwiít.

DANIELI 7:13

«Baraá iigu'utuú xweeraawo naxés, hee una ár oo slaqás adór garmoó Hee, naa hardáh ar gawaá huunkáy, iri hardáh dír aakoodá' daadáw kureerisleém, nguri dír geeraawós huwiyé'.

DANIELI 7:22

Ala aakoodá' daadáw kureerisleém iri sihhiít, mukdá' hhohhó' oo Munguúduú Gawa guri hariímar'ín i haniís, nee qooma iwa xeér, mukdá' waawuti'iima gari ilaaóh.

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

HABAKUKI 1:12

«Kuúng, AAKOÓ MUNGÚ, Munguúeé' Kudá' hhoohhoó', kuúng an daadeer iimír iimu/uungw wasle, nee an baloó alhhe'eesoó koondaaká. Kuúng AAKOÓ MUNGÚ, múk Kaldayo nguna tlés amooréní ale as tiwa sakwasleemuutiya'. Kuúng Tlaá/a, mukdá' ugwa aleesleemuú hanís as atén tiwa muxiya'.

Matayo 17:2

Kalaywós iri geeraaín wa warqáy. Gitsee/awós niri gwa/aatiyé' adór tsee/amá. Inqwaruuwós iri ló'wa /awkuukúy, iri mirarií/.

Matayo 28:3

Gitsee/aá malaykamoodá' a adór mankari, nee inqwaruuwós ku ló'wa /awák adór tlaa/aá tluwaay.

Marko 9:3

Tlabaawós nay /awakukuyé' ló'wa ale, niri mirari/iyé' adoodá' hee baraá yaamuwo ngir aleeslayká /awakeesaro tam ngi hhuúnts.

Tlehhema'aá ya/Abuuse 2:30

Slám inós a aarusmo, nee lo'oodá' Mungú aa /aáy inós ga xuu', tidá' kah, ‹Baraá xwaylaroge heé wák u waawutmoó wa qaás.›

Tlehhema'aá ya/Abuuse 2:33

Gawaá adoorihe kuri xirfayeés, guri tsa/aás ay dákw /iyáy oo Mungú, nee al'axweesantadár Qeeruú hhoohhoó' oo Mungú gari dír Baabá wa ilaaóh. Nee nguri amooréní haniís. Nee hám an kaangwí kuungá' ta ga/eera' nee ta axamisa'.

Filipi 3:9

nee niwa haragwaa' dirós i alé. Daxta aníng hotaá ganaa'á' awa naa sláw as hara'aya ngiwa boo/eés, i kahhiyá'. Hotaá ganaa'á' awa ni xuu' a kudá' kilós hee i slay as Yesu Kristo nguwa haratlintií', an kudá' amór Mungú dahhá', as haratlintaao.

1 Timoteo 6:16

Inós kilós in gwaaiiká, dír i hooti a didá' gwa/aateemaá ta baloó i tseewuyká, slám inós heé gwa ar i kaahh, nee slám heé gu baala wa ár i kaahh. Xirif an kós, nee aleesleemu, ay alhhe'eesay wasle. Amin.

1 Yohana 1:5

Kángwa taa dirós wa axaasaán oo ni kuungá' i alki/iitaan an kwí, Mungú a gwa/aateema, giwtír baraawose dáw tam ar niiná i káhh.

Geehhoeemaá 1:14

Se'éngw sagós ku ló'wa /awák adór se'éngw bee/aangw, nee adór tlaa/aá tluwaay. Nee ilaawós i gwa/aatiyá' adór tsángw asltá wa ale.

Geehhoeemaá 19:18

Qwalaasé', fu'unaá waawitá /ayaak, nee fu'unaá geeraharuusér askaári, nee fu'unaá askaári, nee tam fu'unaá faras, nee awa mukdá' farsuú i tsa/a/ám, nee fu'unaá muu sleémeero, awa múk lawaale nee múk lawaaleerooká, awa múk ninákw nee múk urene.»

Geehhoeemaá 20:4

Aluudae kiteeraá aleesleemu ngiri ár, nee muu gaa i iwiít. Mukwí kwaa aleesleemuú i haniís oo sakwasleema kawa tleehhi. Nee slám qeereemo ngiri ár awa mukdá' taa sagetlaáq as Yesu kuwa lamabu'ún nee as axweesantá Mungú. Mukwí an kudá' makiito'oodá' gaa i tumbarara'atiiká, nee murslaaqatuuwós kudae, nee slám layaadá' kaa ya/anká gawaá gitsee/er'ine, laqaá tam baraá daber'ine. Mukwí iri slafíngwií kií/, tari waawuti'ii'ín dinkwa nee Kristo kureeri kumuú wák.

Geehhoeemaá 4:2

Qoomaadár kilae Qeeru aníng iri i hardáh. Nee gawaá dooriiwo Kitángw aleesleemu kwaa qaás, heé wák naxés aa iwiít gawaá kitangwdií aleeró.