DANIELI 7:7 - Biblía Axweesantá Hhohho' ar Mungú 2004

⁷ «Alaá tihe baraá iigu'utueene naxés makiito'ór tsiyáhh ngiri ár, a makiito'ór waa/oo/amo nee ar dae tlaaq, ar ló'wa /uuruú koom. Makiito'oorí sihhnaá diren awa muqsla gi koón, awa ir /ayiin. Nee fu'unaydá' naa meetiyé' giri feehhamís, giri yaamú i kal/aán ar tsa/aá ya'aawós. Inós a slaqmiseeká nee makaydaá hatlá' tám naa geerií ár, inós xareemi ngi koon a mibaangw.

DANIELI 7:7 Iomraidhean Croise

2 SAMUELI 22:43

Ina muúx, ngiri teerúw adór hhape, ina muxaxiím, ngiri kal/aám adór baa/ír baraá loohi.

YOBU 41:14

Heé afkós taqeesaro gu asláw a heemá? Asma sihhnaawós umuú barto i de'e tlaaqiyá'.

ESEKIELI 40:2

Naagáy qoomár niwa baraá iigu'utií dirii', AAKOÓ MUNGÚ ina ar tláy ay baraá yaamaá Israeli, iri tsa/aás gawaá tloomár ló'wa tleer, nee bihhaá basko gár adór maraá baraá gixsa nina lak geehhoouyé'.

DANIELI 2:19

Xweeradae tlataadá' nee gár i kaahiia kina laqán dír Danieli ar baraá iigu'utu. Danieli Munguú doori guri diidi'imiís.

DANIELI 7:13

«Baraá iigu'utuú xweeraawo naxés, hee una ár oo slaqás adór garmoó Hee, naa hardáh ar gawaá huunkáy, iri hardáh dír aakoodá' daadáw kureerisleém, nguri dír geeraawós huwiyé'.

DANIELI 7:2

Danieli iri oó', «Aníng iigu'utu una ár xweeraawo, naxés fur'a i fukuukú' bihhe sleémeerowo nee i tlawtá /eeragaamís.

DANIELI 8:10

Xarmoowí ina ló'wa uráy tam iri hardáh ay tla/ángw múk Mungú tam slaqwaruusér tsatse/ bahh alé gari yaamií daraáhh nee gari yaamií kala/án.

DANIELI 8:22

Xarmoodá' aa qeet kitangose xareemaá hatlá' awa tsiyáhh nina ti'iitiyé', gídaabárós a tí: Waawuti'iimarí i qasít, tari waawuti'iimár ninakw tsiyáhh, ala waawuti'iimadár hatlá' tsiyahhaawo /uuru gu ak sleeraaká, adór waawuti'iimadár geeraá wa aleeró.

SEKARIA 2:1

Aluuwo baraá iigu'utuú hatlae hee ngway ár i himuú kón baraá dakose oo qoomeemes.

Geehhoeemaá 12:3

Layár hatlá' iri geehhouúr gawaá doorí wa ale. Layaarí a dayshamoó yangaariír oo daa/aát. Dayshamoowí sage ngi kon a faanqw nee xareemi a mibaangw. Nee gawaá sageerose gár i kon a slam'aá faanqw.

Geehhoeemaá 13:1

Aluuwo makiito'o ana ár i baraá tlawtá wa ti'imít. Xareemiwós a mibaangw nee sage ngi koon a faanqw. Nee gár gawaá xareemiwós a slam'i mibaangw. Nee gár gawaá sageerós a umér /ooslisliingw.

Geehhoeemaá 17:12

«Xareemidá' mibaangw awa taa aán a waawituú mibaangw. Inooín waawuti'iima kaa slayká. Ala inooín waawuti'iima ka sláy tawa adór waawitá ar har qoomár looár wák dinkwa nee makiito'oodá'.

Geehhoeemaá 17:7

Malaykamoodá' aníng iri báy, «Gár ta waa/oo/amiin a milá? Aníng naaqór /ameenirí ngi dirók i oó', nee ar makiito'oorí /ameenirí ga gagariim, tí sagér faanqw ga koom, nee xareemaá mibaangw.

Geehhoeemaá 17:8

Makiito'oodá' taa aán inós geeraawo i deer, ala hamí i káhh. Nee inós i ti'ít baraá bohongwdá' aa tsarere'eét wa ale, nee iri tleér amór qwanaay. Nee múk baraá yaamuú wa hoót, kwí umer'ín taa gooinká baraá kitaábuú slafiingw iimír yaamu kiwa tleehhiiká, inooín ta waa/oo/ qoomár makiito'oodá' bar kaa ár. Asma makiito'oorí geeraawo i deer, ala hamí i káhh, nee aluuwo i hardát.