DANIELI 7:27 - Biblía Axweesantá Hhohho' ar Mungú 2004

²⁷ Nee waawuti'iima nee aleesleemu nee uraay sleémeero oo gawaá daanduú yaamu ku haniís dír múk hhohhó' oo Munguúduú Gawa. Waawuti'iimar'ín in hotaatiín ay kureeraá kureér, nee baaluuse sleémeero gin sagadiyús nee giri ilaiwawá/.›

DANIELI 7:27 Iomraidhean Croise

WARA'AMI 145:13

Waawuti'iimarók i alhhe'eesoó koondaaká, nee baalirók in kumít qari sleémeero. AAKOÓ MUNGÚ ar aa oó' sleémeero ga hardahaas. Nee ku gurhhoó' baraá tidaádá' sleémeero i tlehhiiti.

WARA'AMI 22:27

Múk baraaká' yaamu sleémeero kaangwí oo AAKOÓ MUNGÚ ku insláy, tari amoorósí kii/. Múk xoordu sleémeero nee tlahhi'i sleémeero AAKOÓ MUNGÚ kway i tumbarara'aat.

WARA'AMI 72:11

Kár ee, waawitá sleémeero ngu ilaiwaa/iye', nee xoordu sleémeero ngu sagadiyuusiye'.

WARA'AMI 86:9

AAKOÓ MUNGÚ, xoorduudá' sleémeero kuúng taa tléhh u i hardihiyá', kuúng turi i tumbararaa'amiit, umuuwók kuri xirfayemiis.

ISAYA 14:2

Múk xoordaá hatlá' múk Israeli kunar tláy, kway ki/is baraá yaamuuín kudá' AAKOÓ MUNGÚ aa haniís, baraá yaamuudaá AAKOÓ MUNGUHE. Múk Israeli mukduú xoordaá hatlá' kuri aal, tawa adór lawaalér hhawaate nee ar /ameena. Mukdá' inooín gaa loohatis ngun loohatisiyá', nee kudá' inooín gaa baraamaanuus nguri sawaawuti'iná'.

ISAYA 54:3

Kiíng a doogiín bihhaá doó /iyáy nee awa doó basayhe, na/iiwók xoordu ngi aaliyá', taanguudaá gixsadaá taa geexáy niri hatsiyá'.

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

DANIELI 2:44

De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

DANIELI 4:34

«Alaá kureeridá' faanqw niwa waarahhiyé' anuú Nebukadnesa ana gawaá doorí qaytsiít, nee fuqurangw'eé' niri kií/. Munguúdá' úr una diidi'iís nguri sluufiís nee nguri ilaiwa/amér i tleéhh kudá' hotatiím ay alhhe'eesay wasle. Asma waawuti'iimarós an waawuti'iimár alhhe'eesoó koomaaká. Waawuti'iimarós in kumaamít qari sleémeero.

DANIELI 6:26

Hara'aya aga qaás as muu sleémeero baraá waawuti'iimar'eene, Munguú Danieli kuwa da'ayumiti nee kuwa ilaiwawa/i. «Asma Munguúwí an Munguú slaáf, kudá' hotatiím kureerisleém, waawuti'iimarós ka baloó hhitinká, waawuti'iimarós i alhhe'eesoó koondaaká.

DANIELI 7:14

Inós kuri baalírí haniís, nee xirif nee waawuti'iima, as múk tlahh'i sleémeero, nee oo xoordu sleémeero, nee tsifri sleémeero kuwa sagadiyuusi. Waawuti'iimarós ar alhhe'eesaay wasle, i baloó waarahhká, nee waawuti'imarós ka baloó hhitinká.»

DANIELI 7:18

Ala mukdá' hhohhó' oo Munguú Gawa, inooín waawuti'iima ngi ilaoohiyá', inooín waawuti'iima ngiri aaliyá' ay alhhe'eesay wasle.›

DANIELI 7:22

Ala aakoodá' daadáw kureerisleém iri sihhiít, mukdá' hhohhó' oo Munguúduú Gawa guri hariímar'ín i haniís, nee qooma iwa xeér, mukdá' waawuti'iima gari ilaaóh.

OBADIA 1:21

Slám mukdá' AAKOÓ MUNGÚ aa ba/amís ta hoot gawaá tloomár Siyonír wa ale, nee tloomár Esau kari sawaawuti'ín, AAKOÓ MUNGÚ tari waawutmooín.

SEKARIA 14:9

AAKOÓ MUNGÚ tari waawutmo gawaá daanduú yaamu sleémeero, baalaadae AAKOÓ MUNGÚ a wak, nee umuuwós a wak.

Luka 1:33

Hhay Yakobo gan sawaawuti'ín kureerisleém, nee alhhe'eesoó waawuti'iimarós i kaahh.»

Yohana 12:34

Boo/aay iri oó', «Atén gár naa axasaán baraá hara'ayaaro Kristo in slafaafín ay alhhe'eesay wasle. Nee ala kuúng mas kat, Garmoó Hee gár kuwa hariím a gáwtí tleesa? Garmaawí oo Hee a heemá?»

1 Korinto 15:24

Daqaní alhhe'eesaay nay hardah. An qoomár Kristo waawuti'iima ngiwa amór Mungú Baabá i haniisi, alaá waawuti'iima sleémeero binga hhaamiís, nee aleesleemu sleémeero, nee /uuruuwo.

Geehhoeemaá 11:1

Hhartá daai kingiri aníng i haniís, aníng tiri báy, «Tláw, Doó Mungú qoomeeseek, nee kitangwduú ilahhooa, nee mukdá' baraadá' wa sluufmiís ku fát.

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 17:14

Inooínaká' ta slaaqw nee Deelmoó bee/i. Ala Deelmoó bee/i inooín gi ar baa/, asma inós a Aakoó bariise, nee slám inós a Waawutmoó waawitá. Nee mukós kudá' taa ateét nee oo taa tsawaár nee oo inkihhím, inooín baali ngi slayá' dinkwa nee inós.»

Geehhoeemaá 19:16

Nee inós baraá inqwaarirose nee gawaá kutl/umoowose kwaa umií gooín tawa kaahi, «Waawutmoó waawitá nee Aakoó bariise.»

Geehhoeemaá 20:4

Aluudae kiteeraá aleesleemu ngiri ár, nee muu gaa i iwiít. Mukwí kwaa aleesleemuú i haniís oo sakwasleema kawa tleehhi. Nee slám qeereemo ngiri ár awa mukdá' taa sagetlaáq as Yesu kuwa lamabu'ún nee as axweesantá Mungú. Mukwí an kudá' makiito'oodá' gaa i tumbarara'atiiká, nee murslaaqatuuwós kudae, nee slám layaadá' kaa ya/anká gawaá gitsee/er'ine, laqaá tam baraá daber'ine. Mukwí iri slafíngwií kií/, tari waawuti'ii'ín dinkwa nee Kristo kureeri kumuú wák.

Geehhoeemaá 22:5

Xweera baraadae i kahhiyá'. Gwa/aateemaá tsaa'asi inooín gár kis yaahamiisi i káhh, tam gwa/aateemaá tsee/amá sleeme. Asma Aakoó Mungú an gwa/aateemaaín, nee inooín tari waawuti'ii'ín ay alhhe'eesay wasle.