DANIELI 7:23 - Biblía Axweesantá Hhohho' ar Mungú 2004

²³ «Inós aníng iri báy, ‹Makiito'oodár tsiyáhh a waawuti'iimár tsiyáhh, ar ti'iit gawaá daanduú yaamuwo. Waawiti'iimarí a dimbé nee waawuti'iimár hatlá', inós yaamu sleémeero gi qwaarés. Inós yaamu gi kal/aán giri feehhamís.

DANIELI 7:23 Iomraidhean Croise

DANIELI 2:40

Waawuti'iimár tsiyáhh i /uuruú koón adór muqslír wa alé. Asma muqsli umuú gaaro ga geeqeér gay hhitiín, an adór waawuti'iimadá' i diri', waawuti'iima sleémeero ar aa waarahh gan hhitiín gari suwa tsát.

DANIELI 7:22

Ala aakoodá' daadáw kureerisleém iri sihhiít, mukdá' hhohhó' oo Munguúduú Gawa guri hariímar'ín i haniís, nee qooma iwa xeér, mukdá' waawuti'iima gari ilaaóh.

DANIELI 7:24

Xareemidaá mibaangw taa aán, a waawituú mibaangw oo waawuti'iimadá'. Aluuwo waawutmoó hatlá' oo dimbé ni ti'iit inós waawutuú tám gu daraahh.

DANIELI 7:7

«Alaá tihe baraá iigu'utueene naxés makiito'ór tsiyáhh ngiri ár, a makiito'ór waa/oo/amo nee ar dae tlaaq, ar ló'wa /uuruú koom. Makiito'oorí sihhnaá diren awa muqsla gi koón, awa ir /ayiin. Nee fu'unaydá' naa meetiyé' giri feehhamís, giri yaamú i kal/aán ar tsa/aá ya'aawós. Inós a slaqmiseeká nee makaydaá hatlá' tám naa geerií ár, inós xareemi ngi koon a mibaangw.

Luka 2:1

Qoomaadae waawutmoó múk Roma, kudá' ta bay Augusto, hara'aya gana oó' umér múk baraá yaamu sleémeero kawa gooin.