DANIELI 7:18 - Biblía Axweesantá Hhohho' ar Mungú 2004

¹⁸ Ala mukdá' hhohhó' oo Munguú Gawa, inooín waawuti'iima ngi ilaoohiyá', inooín waawuti'iima ngiri aaliyá' ay alhhe'eesay wasle.›

DANIELI 7:18 Iomraidhean Croise

WARA'AMI 45:16

Daaqaywók i waawuti'in kitángw xwayliteérók wa ale, kuúng kiri geeraharuusér wa qás baraá yaamu sleémeero.

WARA'AMI 49:14

Inooín kaa amohhe'eés adór bee/aangw, kiwa /aytisi ay baraá gi'i. Gwa'ara tari de'eemusmooín. Tari /eet baraá /aantí ale, gari qomtír wa ar tseewa alé. Slaqooín niri tsatitiyé' baraá /aantí ale, hotangw'ín tay baraá gi'i.

ISAYA 14:2

Múk xoordaá hatlá' múk Israeli kunar tláy, kway ki/is baraá yaamuuín kudá' AAKOÓ MUNGÚ aa haniís, baraá yaamuudaá AAKOÓ MUNGUHE. Múk Israeli mukduú xoordaá hatlá' kuri aal, tawa adór lawaalér hhawaate nee ar /ameena. Mukdá' inooín gaa loohatis ngun loohatisiyá', nee kudá' inooín gaa baraamaanuus nguri sawaawuti'iná'.

DANIELI 7:14

Inós kuri baalírí haniís, nee xirif nee waawuti'iima, as múk tlahh'i sleémeero, nee oo xoordu sleémeero, nee tsifri sleémeero kuwa sagadiyuusi. Waawuti'iimarós ar alhhe'eesaay wasle, i baloó waarahhká, nee waawuti'imarós ka baloó hhitinká.»

DANIELI 7:17

‹Makaydá' tsiyáhh diren a waawituú ni ti'iít baraá yaamuwo.

DANIELI 7:22

Ala aakoodá' daadáw kureerisleém iri sihhiít, mukdá' hhohhó' oo Munguúduú Gawa guri hariímar'ín i haniís, nee qooma iwa xeér, mukdá' waawuti'iima gari ilaaóh.

DANIELI 7:25

Kwí Munguúduú Gawa gu /ooslislín nee mukdá' hhohhó' oo Munguú Gawa guri baramaanuús. Inós ado gan leeleehh ar qooma ngir warqeesi nee dabeero, nee múk hhohhó' ku gawaá dabaawós i qaas har afiqoomár kureeri tám nee tlaqi.

DANIELI 7:27

Nee waawuti'iima nee aleesleemu nee uraay sleémeero oo gawaá daanduú yaamu ku haniís dír múk hhohhó' oo Munguúduú Gawa. Waawuti'iimar'ín in hotaatiín ay kureeraá kureér, nee baaluuse sleémeero gin sagadiyús nee giri ilaiwawá/.›

OBADIA 1:17

Ala gawaá tloomár Siyoniro múk ba/ám i deer, tloomarí tari tloomar'eé' ar hhoohhoo'. Nee múk doó Yakobo aalir'ín kari male inkii/.

Luka 1:33

Hhay Yakobo gan sawaawuti'ín kureerisleém, nee alhhe'eesoó waawuti'iimarós i kaahh.»

1 Korinto 6:2

Kuungá' a xua'akáhe muu sleémeero kuwa sakwasleemuuti nee múk Mungú. Ala kuungá' barnaxes muu sleémeero u sakwasleemutá', a hariindá'aáke kwasleemár ninakw ar adór tisíng kawa tlaqa'?

Efeso 1:3

Mungú i xirfuuti, Baabuú Aakoorén Yesu Kristo. Inós atén tina tsuúq ar baraá Kristo ar tsuuqa sleémeero awa Qeeru, awa gawaá doori.

Efeso 6:12

Asma wakuusér nee atén slaqwá' a mukooká, ala a waawitá nee kudá' aleesleemuú koomá', kudá' waawuti'iimá' daanduú yaamuuká' giwtír kooma'a, nee neetlaamér tlakw ar baraá yaamaá qeeru.

Geehhoeemaá 20:4

Aluudae kiteeraá aleesleemu ngiri ár, nee muu gaa i iwiít. Mukwí kwaa aleesleemuú i haniís oo sakwasleema kawa tleehhi. Nee slám qeereemo ngiri ár awa mukdá' taa sagetlaáq as Yesu kuwa lamabu'ún nee as axweesantá Mungú. Mukwí an kudá' makiito'oodá' gaa i tumbarara'atiiká, nee murslaaqatuuwós kudae, nee slám layaadá' kaa ya/anká gawaá gitsee/er'ine, laqaá tam baraá daber'ine. Mukwí iri slafíngwií kií/, tari waawuti'ii'ín dinkwa nee Kristo kureeri kumuú wák.

Geehhoeemaá 22:5

Xweera baraadae i kahhiyá'. Gwa/aateemaá tsaa'asi inooín gár kis yaahamiisi i káhh, tam gwa/aateemaá tsee/amá sleeme. Asma Aakoó Mungú an gwa/aateemaaín, nee inooín tari waawuti'ii'ín ay alhhe'eesay wasle.

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.

Geehhoeemaá 5:10

Kuúng inooín in waawitá wa qás, nee in kaahamuusér Mungú wa qás as Munguúrén kuwa sagadiyuusi. Nee inooín yaamu ngiri sa waawuti'ii'iná'.»