DANIELI 7:1 - Biblía Axweesantá Hhohho' ar Mungú 2004

¹ Kurkú geera oo Belshasa waawutmoó Babuloni iwa waawuti'ín, Danieli ina tlatiitín nee iigu'utu guna ár qoomár iwa qaát gawaá qatantós. Tlataawós kudá' giri ququmareés gooiro.

DANIELI 7:1 Iomraidhean Croise

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

IIMU/UUNGW 46:2

Mungú iri axweés nee Israeli ar baraá iigu'utu qoomár xweera, guri báy, «Yakóbo, Yakóbo.» Inós iri oó', «Aníng a diirí.»

YOBU 4:13

Xweerawo qoomár niwa baraá tlatáy dirii', qoomár muu sleémeero gu'utér ilo' nguwa ohahiin,

ISAYA 30:8

Mungú aníng iri báy, «Tláw /aymi'iiká' gooimeek gawaá peehhi, dír geeraaín tiwa gooiin baraá kitaábu ti dahas, as kahhó' iwa lamabu'uungw tleehhitiyá' de'emaá hi'iita'a ay alhhe'eesay wasle.

ISAYA 8:1

AAKOÓ MUNGÚ aníng iri báy, «Peehhír yangaariir taatahheek, /aymi'iiká' gawaadá' i gooiimeek ar kalaámu, ar adór soómaro kiwa inslaáhh, ta o', «Maher-shalal-hash-basi.» (Gídaabaárós a gaanslár hayoheek, adaá ar tlaweek.)

YEREMIA 23:28

Aarusmo kudá' tlataawós káh, tlataawós ngi oin, ala kudá' axweesante'eé' ga koóm ngi dahareemisi ar inkihhimu. Muundáy nee aangano iqo tsuwa alqoná'a? Aanuú AAKOÓ MUNGÚ tí ngina oó'.›

YEREMIA 27:7

Xoordu sleémeero inós ngun sagadiyuusiyá', nee na/iiwose nee nángw naangose, ay dír waawuti'iimarós baraá yaamuwo i fak. Aluuwo inós xoordaá yaariir nee waawituú yaariír ngun lawaalmooín tleehhiyá'.

YEREMIA 36:32

Aluuwo Yeremia kitaábuú hatlá' guri taataáhh, guri haniís dír goousmo Baruku, garmoó Neria kudá' axweesantadá' aáng Yeremia aa káh gaa gooin, tidár baraá kitaábuuduú geera, kudá' Yehoyakimu waawutmoó Yuda aa daá/ baraá asla, /ayma'aá hatlá' awa adór kudá' kiri amor'ínií doók.

YEREMIA 36:4

Aluuwo Yeremia Baruku garmoó Neria guri ateét. Baruku axweesantadá' sleémeero Yeremia aa káh gari gooín, tidár AAKOÓ MUNGÚ ngwa báy.

ESEKIELI 1:1

Bál slahhángw tsiyáhh tawa kooán, kurkú mibeeri tám, qoomár aníng nee mukdá' taa loohatís tawa baraá yaamaá Babulónírí diriiaan, bihhaá yaaér Kebari, doori nina gweeritiyé', iigu'utuú Mungú nguri ár.

ESEKIELI 40:2

Naagáy qoomár niwa baraá iigu'utií dirii', AAKOÓ MUNGÚ ina ar tláy ay baraá yaamaá Israeli, iri tsa/aás gawaá tloomár ló'wa tleer, nee bihhaá basko gár adór maraá baraá gixsa nina lak geehhoouyé'.

DANIELI 1:17

Mungú daaqaywí tsiyáhh guri fuqurángw i haniís nee xu'utír muruú yaariír nee sagalooa. Ala Danieli guri aleesleemuú í haniís oo igu'utu nguwa araa'ari nee tlataawo.

DANIELI 2:1

Kurkú tsár iimír waawutmo Nebukadnesa waawuti'iima ngiwa iimu/ún inós ina tlatiitín, iri da'ayuút, gu'uteerós iri daandií /akút.

DANIELI 2:26

Waawutmo Danieli kudá' taa báy Belteshasa guri yaahaás guri báy, «Xáy kuúng tlataaeé' kudaádá' naa ár iqo tsuwa asleéra ngiwa xu'utis nee ngiwa waagwet?»

DANIELI 4:13

Qoomár niwa qaát gawaá qatanir'eé', iigu'utu una ár, malaykamoó Mungú nina aweér gawaá doorí wa alé.

DANIELI 4:5

Ala tlata kaariya' awa iga dae tsatiye' ina tlatitiím, qoomár niwa guu' gawaá qatanir'eé' wa alé, inslawaydá' nee iigu'utudae aníng ina ló'wa dae tsatiyé'.

DANIELI 5:1

Looarka wake waawutmo Belshasa muruú /aymár yaariír oo múk kumér yaariir guna qaás, nee difaái ngiri xufiyé' dinkwa nee mukdá' didií dirií'.

DANIELI 5:22

«Nee kuúng Belshasa, a na/aywós, tam tí sleémeero a xua, kuúng taa niinaweská.

DANIELI 5:30

Xweeraadaá kilae waawutmo Belshasa oo múk Kaldayo kuri gaás.

DANIELI 7:13

«Baraá iigu'utuú xweeraawo naxés, hee una ár oo slaqás adór garmoó Hee, naa hardáh ar gawaá huunkáy, iri hardáh dír aakoodá' daadáw kureerisleém, nguri dír geeraawós huwiyé'.

DANIELI 7:15

«Iigu'utuudá' anuú Danieli iri dae tsaát, niri amoqwaqwadiím.

DANIELI 7:7

«Alaá tihe baraá iigu'utueene naxés makiito'ór tsiyáhh ngiri ár, a makiito'ór waa/oo/amo nee ar dae tlaaq, ar ló'wa /uuruú koom. Makiito'oorí sihhnaá diren awa muqsla gi koón, awa ir /ayiin. Nee fu'unaydá' naa meetiyé' giri feehhamís, giri yaamú i kal/aán ar tsa/aá ya'aawós. Inós a slaqmiseeká nee makaydaá hatlá' tám naa geerií ár, inós xareemi ngi koon a mibaangw.

DANIELI 8:1

«Kurkú tám iimír waawutmo Belshasa iwa waawuti'ín, anuú Danieli iigu'utuú hatlá' una ár alaá kuduú geeraawo.

Yoeli 2:28

«Daqaní alaá tihe aníng muu sleémeero u hatsiís ar Qeeruueé'. Daaqayhúng nee dasuuwo tari aarirín. Bariiserhúng iri tlatiitiín, nee masoombarhúng iigu'utu guri aán.

AMOS 3:7

Ar tsuuwa ló', Aakoó MUNGÚ gaa ga tawo tleehhiiká, bar naaqoorós ngaa geehhooeesiiká dír sagadiyuuseerós tidár aaruuse.

HABAKUKI 2:2

AAKOÓ MUNGÚ aníng iri báy, «Iigu'utuuwí gooiimeek gawaá peehhi, geehhooeeseek as kahhó' umuúqo heé didár waaraahha kangwsíng ngu soomuusi ar adór inslaahh.

FAARO 12:6

Naagáy AAKOÓ MUNGÚ giri báy, «Axweesante'eé' iiárií qaasaak, ‹Barnaxes aarusmo i deer baraá tla/angwhunge, aníng tin dirós i xu'utís ar loohír iigu'utu, nee tari axweesaán ar baraá tlata.

Rumi 15:4

Asma Gooi sleémeero tidá' taa qaroó gooín, kana gooín as atén tiwa intsaahhatimis. Atén qitla nee gurkwa/amis u slaslawaán baraá Gooiro. Gawaá adoorihe a gawduwaán baraá haraxu'utirene.

2 korinto 12:1

Aníng gár tiwa hariím tin kilooeé' xirfayeemiís, tam adoorí gár i bu' i kahha. Ala daxta aníng a kumiít axweesanto kángw iigu'utu nee geehhooeemisuuduú Aako naa aníng i laqán.

Geehhoeemaá 1:19

Gawaá adoorihe, muruudá' kuúng taa aán gooiimeek, kudá' dáw nee tam kudá' sangw hardáh sleeme.

Geehhoeemaá 10:4

Qoomár kududuhoó faanqw iwa hhe'eés kududuhaywo, aníng ana slaá' /aymi'iidá' ngiwa gooiim. Afór dooraá daahh ana axaás, i kat, «Aymi'iisíng taa axweés nee kududuhoó faanqw dugnií qaaseek ki lú/, mi gooiimaar.»